|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
 |
|
|
أدوات الموضوع |
|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
|
|
|
أدوات الموضوع |
|
#1
29-12-2011, 05:02 AM
|
||||
|
||||
ثــورة نبي الله موسـى بين وقائـع التاريخ وإسقاطات الواقع
أنس حسن يكتب: ثــورة نبي الله موسـى بين وقائـع التاريخ وإسقاطات الواقع المشهد الثوري لسيدنا موسى عليه السلام - النبي الثائر ضد الطغيان وصدق الله إذ قال | فاســتخف قومه فأطاعوه إنهم كانوا قوما فاسقين. كان الله دوما ينتقد سذاجة "شعب" فرعون وسفاهتهم ، علشان محدش يقول علينا نخبه  الشعب المصري وقتها بعد أن رأى كل الآيات لم ينقلب على فرعون ولم يؤمن لموسى وإنما ترك فرعون يضطهد موسى بصمته. ما كرر الله قصة فرعون وموسى في كتابه هباءً !! ، فقه التمكين والثورات ومواجهة الظغاة "الفراعنة" سيظل هو عقدة هذه الأمة. وسيظل "الملأ" من قوم فرعون ، وسيظل المعجبون بزينة "قارون" و الخائفون من بطش "فرعون" والراغبون في عبوديته هم أيقونات قتل كل ثورة. لقد لجأ "الفرعون" للأغلبية الصامتة في مواجهته مع موسى، قال موعدكم يوم الزينة ، فجمع فرعون كيده ثم أتي. وكان سلاح الفرعون "السحر" وواجهه موسى بجنس "سلاحه" ، وسحر فرعون اليوم هو "الإعلام" ولابد من مواجهته بذات السلاح. لقد وضع الله في قصة موسى وفرعون أسس وقواعد الصراع بين الثائر والطاغية ، وقال لنا حاربوهم بجنس أدواتهم وفندوا حججهم منطقيا وجردوهم منها.طلب موسى من ربه "إعلاما" ناطقا فقال "واحلل عقدة من لساني يفقهوا قولي" و هنا تبدأ معركة القوة "الحقيقية" قوة المنطق والعقل والمحاججة. فأول محطات الثائر كما توضح قصة "موسى" هي الإعداد الجيد للخطاب الإعلامي الذي يفكك الأسس المنطقية التي يستند عليها الفرعون في طغيانه واستبداده. أول مواجهة منطقية هُزم فيها فرعون كانت داخل القصر ، ولكن "موسى" أصر أن يسحب المواجهة للشارع لتكون أقوى إعلامياً فاقترح "يوم الزينة" لأجل هذا . الإشكالية أن مواجهة "يوم الزينة" الإعلامية هُزم فيها "الفرعون" نفسيا لكنها لم تُغير قناعات الشعب وصدقوا فرعون وكذبوا موسى ، وكان هذا درساً آخر. الإشكالية أن أكبر المتضررين من بطش فرعون طيلة "سنين" مضت ، هم أكثر من رفض منطق موسى "الثوري" وكانوا يريدون المهادنة والصبر لا المخاطرة. لقد شوه "الاستبداد" قوم موسى أنفسهم حتى أنهم فضلوا "بطش" فرعون على "ثورة" موسى فقد اعتادت ظهورهم الانحناء ولم تعتد حناجرهم الثورة. مع أن فرعون كان يقول لهم "أنا ربكم" وكان موسى يقول لهم لستم "عبيداً" انتم أحرار ، كان موسى يصارع لأجل أن يستعيدوا انسانيتهم المسحوقة ، لكنهم نبذوه. وكانت الكارثـة حين قالوا له : أوذينا من قبل أن تأتينا ومن بعد ما جئتنا ،،لكن موسى أخبرهم أن المهادنة ثمنها أكبر من المواجهة فقال "عسى ربي أن يهلك عدوكم" و وعدهم بالتمكين قائلا "ويستخلفكم في الأرض" فينظر كيف تعملون. كان ظاهـر المعركة "أقلية" ضد "السلطة" و الشعب مشارك فيها بالصمت ، فلم نعهد في قصة فرعون أن ثورة شعبية حدثت ضد اضطهاد موسى وقومه بل تركوهم. لكن الله لم يكن خارج المعادلة ، فلقد أضعف "الفرعون" بضرباته "الاقتصادية" والأزمات السياسية والنفسية التي مر بها والتي اضعفته عن البطش الكامل لننظر للأمر من زاوية الفرعون ونفسيته: الفرعون يعتمد بالأساس على "جهل" و "فقر" و "خوف" الرعية ، وأدواته في ذلك هي أدوات أي مستبد ، فالفرعون لا يستطيع ان يضرب كل "الشعب" لكنه يختار منهم نماذج ينكل بها ويسحقها ليكونوا عبرة، وبذلك يحكم قومه بالخوف من السوط لا السوط نفسه. الأمر الآخر توظيف عوامل "الجهل" و "الفقر" و "الخوف" في توظيف خطاب "التخوين" لموسى وفئته فقد اتهمه فرعون بأنه يريد أن يظهر في الأرض الفساد ، ثم بعد اتهام موسى وتشويه صورته أمام الشعب ، طالب "فرعون" شعبه طلبا يتكرر فقال : ذروني أقتل موسى !! ،، اتفهمون ما يحدث الآن؟ نكررها | شوه "فرعون" موسى في حملة إعلامية ، ثم بعد تهيئة الناس طلب منهم السماح له بأن يفتك به ويقتله ، منذ متى ينتظر فرعون شرعية الشعب؟ أداوت فرعون كانت "إعلامية" و "سياسية" في شكل مفاوضات مع موسى ومساومات ، ولم تكن هناك مواجهة مباشرة بل كانت حروب معرفة وعقل وحجة. ستجدون في القرآن أن قصة "موسى" تكررت عدة مرات من عدة أوجه ، موسى مع قومه ، موسى مع فرعون ، موسى مع أخيه ، موسى في نشأته ، كلها عبر رهيبة. ولنأتي إلى آخر المشهد مع فرعون .. مشهد خروج موسى وبني اسرائيل وهتستغربوا بشددددة من طغيان فرعون في هذا المشهد. خرج موسى بقومه ، فأتبعهم فرعون وجنوده ، والمشهد حتى الآن غريب !!، فمن راحة الفرعون أن يفارقه من يشكل له أزمة داخل البلاد ، لكنه تتبعه لماذا؟ خروج موسى هو انتصار إعلامي أيضا فبعد خروجه سينظر فرعون لقومه وينظر قومه له وقد اختفى طرف من المشهد ستسقط دعائم مسرحيته الهزلية حول العدو. الأمر الآخر هو "مرض" فرعون النفسي وهزيمته النفسيه أمام حجة موسى، ومنع موسى من تحقيق "أهدافه" النضالية حيث كان هدفه : أن أرسل معي بني إسرائيل ولذلك تجد أي فرعون حريصا على عدم تحقق أي هدف من أهداف الثوار لكي لا يكون انتصارا لهم ، مثلا : عدم تحقيق العدالة الاجتماعية في ثورتنا. فخروج موسى ببني اسرائيل كان تحقيقاً لأهداف ثورة موسى، ومعنى أن تتحقق أهداف الثائر إذاً فكل شيء ممكن وهذه رسالة لا يريدها "الفرعون" أن تصل إلى الشعب. ولذلك سيحرص "فرعون" أن يمنع أي موسى من تحقيق أهداف ثورته حتى ولو لم تكن تضره ، كي يرسل رسالة للشعب مفادها أن الثورات وبال على أصحابها فقط. الغريب أن موسى وصل للبحر و أدركه فرعون وهنا انتهى حبل الأدوات البشرية الواقعية ، وتحكم اليأس في قوم موسى واستنشق جيش فرعون طعم النصر ولكن؟ في المشهد النهائي وحين فقد موسى وقومه كل وسائل النجاح ، وامتلك فرعون وجيشه كل ضمانات الانتصار ، وحينها فقط - لمن يؤمن بالله- تدخلت قدرة الله...فاضرب بعصاك البحر ، اكتسب المشهد إثارة ، انقلبت الموازين العقلية! ، بحر انشق وعصا وأمل يعود ويأس ينتشر في صف الأعداء. وأمام هذا المشهد ألغى فرعون "عقله" وغلب عليه الطغيان، وكان بإمكانه التراجع ، لكنه أصر على المتابعة وهو يري بعينيه انتصار الحق فكانت نهايته. قال الله : نحن نقص عليك أحسن القصص بما أوحينا إليك هذا القرآن وإن كنت من قبله لمن الغافلين - صدق الله العظيم....... لم تنته القصه فلها جوانب كبيرة مع قوم موسى انفسهم لكن ممكن نكملها يوم آخر .. آسف لأني وجعت دماغكم جمع وترتيب : خالد الدعوم تجميع من تويتات لآنس حسن http://www.almogaz.com/opinion/news/2011/12/29/132099
__________________
 
|
|
#2
29-12-2011, 08:29 AM
|
|||
|
|||
|
رد: ثــورة نبي الله موسـى بين وقائـع التاريخ وإسقاطات الواقع
شكرا على المقالة الجميلة يا استاذ احمد ولكن ليا بعض التعليقات ارجوا ان نتناقش فيها ... طبعا دلوقتي من خلال المقال تم تصنيف الاغلبية الصامته او نسميها اي اسم او الناس الغير مشتركه في التظاهرات الاخيرة او الغير داعمه لها على انهم قوم فرعون .. المقال بيقول كده .. وقوم موسى هما المتظاهرين والمؤيدين لهم ..
كمان فيه اسقاطه جميله هيا ان الاعلام الفضائي الخاص له عذره ومبرره في اللي بيعمله( تسخين وتهييج ) لانه بيواجه الفرعون بسحره الي هوا الاعلام الحكومي السؤال دلوقتي : ايه المطلوب واحنا نعمله ؟ بس بعيد عن الشعارات .. خلاص المقال بيقول ان اللي المجلس العسكري فرعون يبقى ماتستناش منهم غير كل شر .. انا سؤالي احنا كشعب ايه المطلوب في شكل نقاط محدده... هبسطهالك : ثورة يوم 25 يناير 2012 ... اسقاط المجلس العسكري ... وبعد كده الخطوه اللي بعد كده ايه .. فهمني يمكن اقتنع واغير رايي ( الذليل بيحب الذل , بيحب اسياده من العسكر وفلوووول وخنوع ومافيش نخوه والعمي وعدم الفهم وجميع مسميات الحيوانات وغباء وذل تاني وخضوع وخنوع تاني .. ) اللي عنده شتمه غير دول يدخل يقولها اللي مافيش عنده جديد يسكت احسن...المقال اصلا مطلع الشعب من اتباع فرعون بالعافيه لا وكمان فاسقين يعني المقال قايم بالواجب وزياده شوفوا حاجه تانيه اعملوها .... اللي عنده تصور عملي نعمل ايه يقنعنا بيه من غير شعارات ... يمكن نقتنع ...
|
|
#3
29-12-2011, 01:22 PM
|
||||
|
||||
رد: ثــورة نبي الله موسـى بين وقائـع التاريخ وإسقاطات الواقع
انا مش موافق على بعض الحاجات المذكورة فى المقال السابق و على مقال و رد حضرتك برضو , اهم حاجة من وجهة نظرى ..... اننا منتخانقش ... و منضربش فى بعض .. نختلف براحتنا ... ناس فى التحرير و ناس فى العباسية ... مش مشكلة ... بس المشكلة لو اتخانقنا و بدأنا نضرب فى بعض اما عن موضوع المقالة .. اعتقد المقالة كانت بتتكلم عن حسنى مبارك و بتشبه بينه و بين فرعون و الظريف فى الامر ان الناس بتعتقد المقالة دى عن المجلس العسكرى نظرا للتشابه بين حسنى مبارك و المجلس العسكرى انا مش بقصد حضرتك ... انا بتكلم عن ناس تانية ( اصدقائى ) اما عن المجلس العسكرى .... انا كنت من المؤيدين ليه ... بس الى اكتشفته بعد كده ان دول الناس الى اتربوا على ايد مبارك .. و تحت رعايته و بعدين الجيش من مؤسسات الدولة .... و كل مؤسسات الدولة فيها فساد .... بس فساد الجيش مختلف شوية فى ان شكله مختلف ... و ممكن اذكر لحضرتك امثلة كثيرة جدا لحضرتك .... اما ان الجيش بيحمى مصر و الكلام ده ... فانا لا استطيع ان انكر هدا .. و فيه ظباط و عساكر فعلا عندهم استعداد يموتوا ببساطة علشان مصر الجيش هو الى حمى الثورة ... انا عندى شك كبير فى الموضوع ده .... من الاحداث الى بتحصل دلوقتى ... اعتقد ان المجلس العسكرى اختلف مع مبارك فى اخر ايامه و ده الى خلاه يقلب على مبارك .. مش حبا فى الثورة ولا دفاعا عن شعب مصر الى كان بيموت فى ميدان التحرير ايه الى ممكن يحصل ؟؟.... ده الى الناس قالوه من ايام الثورة الاولى فى يناير ... مجلس رئاسى انتقالى ... الجيش بيبقى ليه ممثل فى المجلس ده ... النتيجة .... الجيش مش حيبقالوا الانفراد بالقرارات ... و بيبقى عليه تأمين البلد .. دى وظيفته الاساسية .. و القرارات بيبقى ليه راى فيها .. مش الراى كله للجيش طيب المجلس العسكرى مش حيعمل كده .. ليه ؟؟ علشان المجلس الرئاسى مش حيتفق و الجيش هو الى بيخاف على مصر و المجلس الرئاسى بتاع مصلحته ...ممكن , يبقى الحل ان مجلس الشعب و رئيسه يتولوا السلطة من المجلس العسكرى تانى حاجة .. انتخابات رئاسية ان شاء الله تالت حاجة و دى اهم ...الاتفاق على ان المصلحة واحدة ... يمكن الطرق مختلفة .. بس المصلحة واحدة ... بمعنى ... حضرتك مش عاوز تنزل التحرير .. متنزلش ... عاوز تنزل العباسية .. انزل ... تشرح للناس وجهة نظرك .. اتفضل .. بس متحاولش تقلل من شان الغير ( انا عارف ان حضرتك مش كدة ) انا بتكلم على العموم ... و متحاولش تطلع الطرف التانى عملاء و فلول و الكلام الى اكتشفنا انه مش مظبوط اوى ده .... احنا فى الاخر ... مصريين 
|
|
#4
29-12-2011, 10:59 PM
|
|||
|
|||
|
رد: ثــورة نبي الله موسـى بين وقائـع التاريخ وإسقاطات الواقع
المقال عن الواقع وفرعون هنا هو المجلس العسكري وقوم فرعون هيا الناس اللي رفضت مظاهرات التحرير في الفترة الاخيرة بداية من 19 نوفمبر وعند حضرتك الاستاذ احمد انور ممكن تسأله
العباسيه والجيش وحمى الثورة ومبارك كل ده كلام انا مقولتوش خالص انا قولت حاجتين : ايه اللي نعمله علشان ميتقالش علينا قوم فرعون وفاسقين ؟ ( بغض النظر عن اللي كاتب المقال يحق له يوصف الشعب بالوصف ده ولا لأ ؟) وقولت للناس اللي بتزيط مع الزيطه اللي كانوا هيدخلوا يرموا كلام بلاش الشتيمه التقليديه اللي حفظناها جددوا وغيروا لأن فيه ناس معندهاش غير الشتيمه .. مافيش عندها مشروع او فكره تقدمهالنا قيقوم داخل رامي اي كلمتين وخلاص ولا قولت خناق ولا توافق ولا المصلحه واحده ولا اناضد التحرير ولا انا نازل العباسيه ولا اي حاجه من دي معرفش هل دلوقتي اي واحد بيسأل ويطلب توضيح يبقى تبع العباسيه ؟ بقول من تاني ايه المطلوب نعمله ؟ ننزل في مظاهرات يوم 25 يناير ضد فرعون ونسقطه .. تمام .. وبعد كده ايه اللي مفروض يحصل ؟ كلمونا بصراحه يمكن نقتنع
|
|
|
|
