السرقة بالإكراه - ممكن تعمل إيه ؟

[SHERIF MARLBORO]

أنا بفكر اركب كاميرات فى الاربع جوانب و اعملها صندوق اسود

[احمد على 1999]

المشاركة الأصلية كتبت بواسطة nktis علي فكره الجو لسه مش امان والحراميه موجودين... لسه النهارده العصر سواق نقل تقيل بيحكيلي انه جاي من اسكندريه محمل بذره كتان ووقف يقضي حاجته ولقي عربيه صغيره وقفت وفيها 4 ... بيقلي جريت جري علي العربيه وسنكرت علي نفسي وجيت طالع ومن بعدها لما اعوز اقف باقف بعد لجنه او كمين للشرطه.... خدوا بالكم وربنا يسترها...

الله يكرمك يا باشا على التنبيه انا فعلا عامل الموضوع علشان نقل الخبرات و الحكاوى و ربنا يسلم طريقنا جميعا

المشاركة الأصلية كتبت بواسطة emaratyyy هية دى الافكار ولا بلاش وربنا يسترها علينا

أمين يا رب

المشاركة الأصلية كتبت بواسطة momen_bondok جزاك الله خيرا يا استاذ احمد فعلا استفدت من موضوعاتك ونصائحك كثير بارك الله فيك

جزانا و أياكم يا استاذ مؤمن
و يبارك فى حضرتك
شكرا لهذا التقدير الطيب

[احمد على 1999]

المشاركة الأصلية كتبت بواسطة crime والنعمه انا حاسس انى بقيت عايش ف جمهوريه شيكاغو العربيه منك لله يا مبارك

بأمانه انا ماشى دايما حاطط فى دماغى الأسوأ سواء كحادث او كبلطجه لا قدر الله
بس اهم حاجة الادعية الحافظة ثم التوكل على الله بإتباع اساسيات الامان و السلامة و التحفز الدائم

المشاركة الأصلية كتبت بواسطة owner طب واللى معندهوش عربية يعمل ايه ؟؟؟؟

المشاركة الأصلية كتبت بواسطة memodina1 حبيبى والله افكار مية مية مادام هما يسرقوا احنا نموتهم وحبة حبة هيخلصوا بس احب انوة السادة لو خبطهم وموتهم حاول تسرقهم عشان تصلح العربية مش بيقولك موت وخراب ديار وكمان لو لقيت فرصة تدوس علية بالعجل مرة تانية تطلع وتنزل علية مرتين مفيش مشاكل ولو فاضى بقى ابقى افرك جامد واطلع امريكانى واقسمة نصين عشان الناس دى تحرم سرقة ربنا يحفظنا ويحفظ الجميع ويحفظك يا استاذى وحيبيى وبارك الله فيك

حبيبى يا استاذ محمد الله يكرمك
ربنا يحرسك

المشاركة الأصلية كتبت بواسطة SHERIF MARLBORO أنا بفكر اركب كاميرات فى الاربع جوانب و اعملها صندوق اسود

طيب و بعدين ....
انا فكرت اعمل مفتاح قريب منى فى مكان مستخبى افصل منه طرمبة البنزين و الكهربا

[د.هبه77]

المشاركة الأصلية كتبت بواسطة احمد على 1999 ربنا يستر علينا جميعا الواحد يتوكل على الله و يقول الادعية الحافظة و بعون الله محدش حيقربله آمين و للاخذ بالاسباب لو إتطريت تقف فى طريق غير أمن عطلها بنفسك احسن لغاية قبل ما تمشى صلحها يعنى افتح الكابوت و شيل كاتاوت طرمبة البنزين حطه فى جيبك معلش ... ممكن صورة؟ او لو حد وقفك و نزل من عربيته او الى جنبه نزلك عشان يهددك و ينزلك نور العالى عشان يزغلل حتى لو الصبح هات مارشيدير و متمشيش بس خليك جاهز و احود الدركسيون على الاخر يمين لغاية لما يجيلك يقف ناحية باب السواق أمرك مارشيدير و كده حتهرسه ودة بقي ادوس بنزين وانا برجع لورا وارفع فرامل اليد مرة واحدة ولا ازاي؟ لو معاهم سلاح و بيحاولوا يوقفوك اعمل عبيط و البس فيهم جامد من ورا ما هى خربانه خربانه و اعمل نفسك ميت و نزل راسك على الزماره بتهيألى حيسبوك لان العربية باظت و حيصدقوا انك مت و كده اكيد احسن ما يخدوا العربية الا لو مت بجد ( حتروح الجنه بعون الله و تلخص ) يا رب بس اروح الجنة

علي فكرة الحاجات دي شكلها صعب
تعتقد هاعرف اعمل كل الكلام دة!
انا هديهم المفاتيح والرخصة أسهل

الله عليك يا عم احمد يا مجنن البلطجية انا عن نفسي لو حد فكر يقرب نحية العربية زي ما قولت هيه كدا كدا خربانه فيا نعيش عيشه فل يا نموت احنا الكل