عايز اعلم مراتى السواقة وهى مش راضية

[shooter123]

شكرا لاهتمامك وفعلا حعمل بالنصيحة

[brbie]

انا كنت ومازالت جبانه جدا من موضوع السواقه ده ومكنتش حبها خالص.بس الحمد لله خدتها واحده واحده وبعد توفيق ربنا عدت مرحله كبيره جدا.نصحيتي ليك انك تخيلها تدخل تقراء المواضيع بتاعتنا هنا علشان تعرف اننا كلنا وجدنا صعوبه في التعلم.وكمان لازم تطمئنها انها تتعلم براحتها بدون استعجال وتاخد وقتها في التعلم وياريت تشوفلها مركز تدريب موثوق فيه.لانك انت لو عملتها هتتكسف تغلط ادامك وممكن تتضايق بسرعه.انا شخصيا بعد ما تعلمت كررت الكورس تاني وبخلي جوزي ينزل معايا برضو.وعن تجربه موضوع الثقه بالله ثم المواضيع بتاعت الاصدقاء هنا هتديها دفعه كبيره وهتغير وجهه نظرها في التعليم.ربنا معاك ومعها

[Eng/salwa]

السلام عليكم
ممكن حضرتك تقنعها بهدوء
يعنى مثلا قولها لا قدر الله لو حضرتك تعبت وهى لازم تسوق
لازم تقدر تتصرف بسرعه
وده اللى حصل معايا عندما مرض زوجى اتصرفت ونقلته المستشفى بسرعه
ودى حاجة فرقت صحيا معاه جدا سرعة التصرف
وكمان لازم تعرف هى تسوق لاى ظرف طارئ

شويه بشويه هى نفسها هتطلب تتعلم السواقه
ربنا معاكم ويكفيكم شر المفاجأة

[Om Marem]

طول ما هى شايفه ان مافيش هدف مهم من تعلمها مش هاتتعلم بمعنى تانى كون حضرتك بتعرف تسوق دة مخليها مش عايزة تتعلم طالما ان فى حد يودينى ويجيبنى
لو فعلا حضرتك مهتم انها تتعلم سيبلها مسئوليه حاجه يعنى مثلا انها تودى الولاد المدرسه او النادى هاتلاقيها هى اللى عايزة تتعلم عشان هاتتعب من المواصلات والافضل ان مش حضرتك اللى تعلمها لانك هاتبقى متعصب وخايف عليها وعلى العربيه ودة هايوترها الافضل تدور على مدربه تعلمها كدة افضل وربنا معاها

[radwa1111]

وديها مدرسه افضل وفعلا صعب تسوق على عربيتك جبها اونو او بيكانتو حاجه صغننه كده