عاجل: البطارية الجافة

[tham1010]

أعضاء المنتدى الأعزاء

عندى بطارية جافة. والدى أخدها يدور بيها عربيته لانه الصبح لقى بطاريته قاطعة شحن. المهم أخد البطارية ودور بيها العربية مرتين. وركن العربية ساعتين جاء يدور العربية ثانيه لقى العربية مش بدور خالص والبطارية بتاعتى الجافة مش بتقوم. بقى الوضع أن عندنا بطاريتين مفهومش شحن وعربيتين وقفين.

أنا أتعتقد أن مشكلة عربية والدى مش كانت فى البطارية ولكن فى أن الديناموا مش كان بيشحن علشان كدة البطارية بتاعتى برضوا مبقتش تقوم لا عربية الوالد ولا عربيتى. هل ها أفتراض صحيح

2- هل يتم إعادة شحن البطاريات الجافة مثل البطاريات الحمضية؟

3- هل أستخدام والدى للبطارية الجافة بتاعتى بهذه الطريقة يؤثر على عمرها بعد هذا؟ بمعنى أن الزجاجة اللى موجودة فى البطارية دلوقتى أصبح لونها أسود وليس أخضر بما يدل على أنها معدومة الشحن.. هل إعادة شحنها لا يرجعها كفائتها السابقة.

مع الشكر وأرجو الرد السريع

[احمد على 1999]

طبعا زى ما انت بتستنج بالظبط المشكلة شكلها فى عربية الوالد مبتشحنش
و بطاريتك مباظتش و حترجع زى الاول لما تتشحن على تونجر لمدة يوم

[NASERELFHHAM]

المشاركة الأصلية كتبت بواسطة tham1010 أعضاء المنتدى الأعزاء عندى بطارية جافة. والدى أخدها يدور بيها عربيته لانه الصبح لقى بطاريته قاطعة شحن. المهم أخد البطارية ودور بيها العربية مرتين. وركن العربية ساعتين جاء يدور العربية ثانيه لقى العربية مش بدور خالص والبطارية بتاعتى الجافة مش بتقوم. بقى الوضع أن عندنا بطاريتين مفهومش شحن وعربيتين وقفين. أنا أتعتقد أن مشكلة عربية والدى مش كانت فى البطارية ولكن فى أن الديناموا مش كان بيشحن علشان كدة البطارية بتاعتى برضوا مبقتش تقوم لا عربية الوالد ولا عربيتى. هل ها أفتراض صحيح فعلا واضح انه كتاوت شحن والعمليه بسيطه أى كهربائى يحلها 2- هل يتم إعادة شحن البطاريات الجافة مثل البطاريات الحمضية؟ عادى جدا مثلها مثل أى بطاريه تعاد شحنها على السريع ساعه واحده وعلى البطئ ساعتين 3- هل أستخدام والدى للبطارية الجافة بتاعتى بهذه الطريقة يؤثر على عمرها بعد هذا؟ بمعنى أن الزجاجة اللى موجودة فى البطارية دلوقتى أصبح لونها أسود وليس أخضر بما يدل على أنها معدومة الشحن.. هل إعادة شحنها لا يرجعها كفائتها السابقة. لايؤثر اطلاقا عليها كل ما حدث هو افراغ الشحن فقط والبطاريات الجافه عند تلفها تعطيك اللون الابيض مع الشكر وأرجو الرد السريع

مع خالص تحياتى

......................... .......

[tham1010]

أنا بشكركم جدا على رد حضراتكم على سؤالى. الأخ احمد على 1999 والأخ NASERELFHHAM ريحتونى. أنا مش لى اوى فى البطاريات الجافة. البطارية جاية مع العربية الماتركس من كوريا وكانت شغال زى الفل. أنا قلت خلاص البطارية ضربت.
أنا شاكر ليك يا أخى ناصر على معلومة أن اللون الأبيض يعنى أنها باظت واللون الأسود يعنى فاقدة شحن واللون الأخضر معناها أنها مشحونة. ربنا يبارك فيكم.

ممكن نطور السؤال شوية ونقول أيه أفضل بطارية جافة ممكن تكون فى مصر وما سعرها؟؟

[احمد على 1999]

حظوظ يا باشا و كل شوية تنزل اشكال و الوان بس عن تجربه انا حاطط واحدة كورى بقالها معايا 3سنين و 4 شهور