اجمل صور تعديلات سيارات نوبيرا هدية لاعضاء منتدى دايو مصر موتورز

[AbOnOrA]

المشاركة الأصلية كتبت بواسطة nktis تسلم الايادي يا بشمهندس بس التعديلات دي كلها برا حيث بلاد التعديلات الشكليه الخارجيه و الداخليه ,,, مع اني كنت سمعت عن قصه تعديل الشبكه بالاكصدام حد بتاع فيبر يصبهم تقريبا و يتعملوا عموله بس عايزه حرفي شاااااااااطر ... نوبيرا 1 الحمرا اللي في اخر مشاركه اللي عيني هتطلع عليها ... غير كمان نسيت التعديلات و التظبيطات دي عايزه كاشات حيث الكاشات اليومين دول مختفيه .؟!!!!. و ربنا يلطف بينا و بالبلد

تسلم يا دكتور موضوع الشبكة ده سهل خالص يا تعملها انت يا تجيبها جاهزة وتركبها عند سمكرى كويس بس

انا عاجبانى النوبيرا الحمرا برضو والنوبيرا وان عموما اجمل معرفش ليه مبحبش التو

اه طبعاً معاك فى ان التعديلات ديه عايزة قبل الفلوس كمان الروقان والبال الرايق يخليك تعملها من الصفر انا واحد صاحبى اشترى النوبيرا ديه نصين وورق حادثة وعملها من اول وجديد وقفت عليه بعشرين تلاتين الف وحكاية وتعديلات العفشه والمواتير بقى مقولكش بس هو عندة ورشة سمكرة اصلا فافبيتها يعنى وغالبا لو جه يبيعها هيكسب فيها وده نوع تانى من الناس اللى بتحب التعديلات بتعدل علشان تبيع وتكسب مش بس للمزاج يعنى لكن فى الحالتين لازم يكون عندك هواية وحب التعديل ويا سلام بقى لو تشتغل بايدك كمان بيبقى لها متعة اكبر

[AbOnOrA]

المشاركة الأصلية كتبت بواسطة modyegypt تسلم ايدك يا كبير

تسلم ياباشا نورت الموضوع يا كبير

[MIDOO10]

تسلم ياغالى على الصور بس انا كنت عملت حاجات فايبر عند حد بش كويس وطلعت زباله ومن بعدها حرمت كله على اصله احسن

[AbOnOrA]

المشاركة الأصلية كتبت بواسطة MIDOO10 تسلم ياغالى على الصور بس انا كنت عملت حاجات فايبر عند حد بش كويس وطلعت زباله ومن بعدها حرمت كله على اصله احسن

التعديل زى اى شغل فى العربيه لو متعملش صح قلته احسن طبعاً معلش اول طلعة لازم تبقى صعبة بعد كدة بتعرف الصنايعية وانت كمان بتتعلم
انا مرة لعبت فى فرش صالون عربيه وقعت السقف بعد كدة اتعلمت ان الفرش علشان يتكسى جلد لازمله قوائم مش كفاية اللزق وبعد كدة كل الفرش اللى عملته لنفسى او وقفت عليه لاصحابى طلع 100% وهكذا
بلاش التعديل انا مرة كنت بصلح شرخ قزاز البى ام اللى كانت معايا الواد حرقلى فرش قائم القزاز ولولا خدت بالى كان حرقة فعلاً انا لحقته وهى يادوب لسعة

اجمل حاجة بالنسبالى فى موضوع التعديل ده ان كل العربيات اللى ركبتها لعبت فيها بشكل او باخر وعدلتها وكانت مية مية العربيه الوحيدة اللى ركبتها ستوك وفضلت ستوك ومعدلتهاش جابت جوان ومرمية تحت البيت
هى ارزاق برضو

نورت الموضوع يا ميدو وان شاء الله تجرب تعدل عربيتك وتبقى مبسوط بالتعديل

[nktis]

المشاركة الأصلية كتبت بواسطة AbOnOrA تسلم يا دكتور موضوع الشبكة ده سهل خالص يا تعملها انت يا تجيبها جاهزة وتركبها عند سمكرى كويس بس انا عاجبانى النوبيرا الحمرا برضو والنوبيرا وان عموما اجمل معرفش ليه مبحبش التو اه طبعاً معاك فى ان التعديلات ديه عايزة قبل الفلوس كمان الروقان والبال الرايق يخليك تعملها من الصفر انا واحد صاحبى اشترى النوبيرا ديه نصين وورق حادثة وعملها من اول وجديد وقفت عليه بعشرين تلاتين الف وحكاية وتعديلات العفشه والمواتير بقى مقولكش بس هو عندة ورشة سمكرة اصلا فافبيتها يعنى وغالبا لو جه يبيعها هيكسب فيها وده نوع تانى من الناس اللى بتحب التعديلات بتعدل علشان تبيع وتكسب مش بس للمزاج يعنى لكن فى الحالتين لازم يكون عندك هواية وحب التعديل ويا سلام بقى لو تشتغل بايدك كمان بيبقى لها متعة اكبر

زوج خاله المدام هو اللي دلني علي ورشه محترمه و صنايعيه ايدهم تتلف في حرير لما كنت باغير طرمبه الباور في دسوق لان عندنا هنا سالت و ملقتش حد بتاع باور ,,, المهم الراجل معاه نوبيرا 1 ستيشن بقالها معاه 12 سنه و مدلعها و هو بيعمل شغله بايده في ورشه صغننه عاملها لنفسه لانه بيشتغل في ماكينات ضم الارز و القمح ,,, تركب العربيه ناعمه بشكل لانه لسه مسقط لها موتور و هو من النوعيه حاجه باظت يشيل و يحط مكانها مش بيصلح و عنده ابواب قديمه و الموتور القديم , الباب غيره عشان خبطه بسيطه و لا سمكر و لا دياوله .
انا زيك باعشق شكل نوبيرا 1 عن 2 و كان نفسي فيها لان فوانيسها تحديدا عجباني جدااا بس النصيب و الحمد لله علي كل شيء ...
ايه رايك صحيح في هوندا 99 .؟.