|
#81
03-05-2009, 10:53 AM
|
||||
|
||||
رد: حكايه صديقى والسياره الملعونه-2 روايه رعب واثاره وتشويق
الله عليك يا دكتور ممتاز والله
__________________
 سبحان الله و بحمده سبحان الله العظيم اذكروا الله اللهم اغفر للمسلمين و المسلمات و المؤمنين و المؤمنات الاحياء منهم و الاموات
|
|
#82
04-05-2009, 02:38 AM
|
||||
|
||||
|
رد: حكايه صديقى والسياره الملعونه-2 روايه رعب واثاره وتشويق
-33-
كنا نجلس على المقهى فى سهرتنا المعتاده وقد افتقدنا بسام ومازال تألمنا لألامه مستمره وتأثرنا بما يحدث فى فلسطين كان اكبر واعمق هذه المره ونحن نصاب فى قلوبنا مباشرا وبسام يحكى عن شقيقه00 يحكى بصمود وايمان بقضيه يعيشها وهدف يموت دونه قال هشام : -اعتقد اننا سلبين قلت: -أكتر مما كنت اتصور يا هشام رشدى: -طول عمرنا بنشعر بالاسى والاسف وندعى على الظالم لكن مبنعملش حاجه! مش فى ايدينا حاجه قلت: -ممكن نعمل كتير00ممكن نكون اكتر ايجابيه رشدى: -ازاى بس00الواحد بقى مهموم وجواه نار هشام: -احنا صوتنا مخنوق ومحدش بيسمع فى العالم الا هما بيقولوه قلت: -أكيد لان اعلامهم قوى وعندهم مخطط صهيونى مدروس رشدى: -يا جماعة انا لو اطول أروح دلوقتى اشيل رشاش وافرغه فى قلوبهم اللى متعرفش الرحمة ما أتاخر ثانيه هشام: -مينفعش العمل الفردى يارشدى قلت: -صدقت00مفيش عمل جماعى00 اللمه بتخوف يا جماعه رشدى: -كلامك سليم لكن ده حلم صعب يتحقق ازاى وكل واحد بيدور على مصلحته قلت: -ممكن يجى يوم نتجمع بعمل صغير ويكبر مع الايام هشام: -هوه ده الكلام اللى بجد00لازم نفكر فى حاجه نعملها ولو حتى موقع على النت قلت: -فكرة هايلة يا هشام00 وده تخصص بسام رشدى: -الله عليك ياجدع00فكرة ولا كلمه00وبالمرة نبقى نعمل اعلان للعربية عليه او نعمل منها فيروس ندمر بيه كل مواقعهم ولاد ال00000000000000 وضحكنا قبل ان يدخل رجل يسأل على رشدى تقدم الينا بالتحيه 00 كان رجلا فى منتصف العمر اشيب تبدو عليه وجاهه ملحوظه واناقه ملفته! دعاه رشدى للجلوس 00 فجلس 00 وعندما اعتدل فى جلسته قال: -انت عارض عربيتك للبيع قال رشدى : - ان شاء الله قال: - ممكن اتفرج عليها واخذ فكره 00 انا جاد فى الشراء رشدى: -سعادتك الوقت متأخر 00 ممكن بكره الصبح قال: - الصراحه انا مستعجل لانى مسافر بكره 00لو عجبتنى الليله دى نخلص فيها والصبح نتمم الاجراءات 00 لو حبيت نظر الينا رشدى ثم قال بعد ان لمح الموافقه فى اعيننا : - ماشى 00 تفضل معانا وذهبنا بسيارة هشام للجراج الذى توجد به السياره كانت سياره رشدى رابضه كالوحش فى مقدمة الجراج ادار رشدى السياره وخرج بها فتح الباب ونزل وقال للرجل : - تفضل جرب بنفسك قال الرجل : - الواضح انها ممتازه 00 ممكن اخد لفه للتجربه طبعا 00 تحت امرك 00 تفضل وركب الرجل فى انتظار رشدى00لكن رشدى لم يركب معه00مما زاد من دهشتنا فنحن لا نعرف هذا الرجل! قال رشدى للرجل: -تفضل 00الدار أمان00خد راحتك انطلق الرجل بالسياره وأنا أتساءل: -انت مجنون يا بنى! تعرفه منين عشان تسيب له العربيه00مش يمكن حرامى ولا نصاب قاطعنى رشدى: -لو حرامى او نصاب خير وبركة00 ياخدها ويغور هو وهيه ما ترجع تانى00 وبعدين انتوا عارفين انها جزمه قديمه ح تلف تلف وترجع تانى00 ولو حاول يسرقها ح تقوم بالواجب وتخلص عليه يارب خلصنى منها على خير وضحكنا00فقد كان رشدى صادقا فى هذه الجزئيه00جلسنا فى سياره هشام والوقت يمضى ولم يعد الرجل بعد! قال هشام: -بقالنا ربع ساعة والراجل لسه ما ظهرش قال رشدى: -ح يروح فين00 زمانه راجع ومضى ربع ساعه آخر ولم يظهر الرجل ولم تظهر السيارة! قلت: -لا00الموضوع كده ما يطمنش00 يالله ياهشام نشوف الراجل راح فين نزل رشدى من السيارة لانتظارنا امام الجراج قلت لرشدى: -لو ظهر ابقى رن ماتخفش مش ح أفتح وسيبك من نص رنه العفاريت بتاعتك طولها شويه انطلق هشام بالسيارة00 ورشدى يقول: -ياجدعان انا مش خايف على العربيه انا خايف على الراجل قلت : -ربنا يستر لتكون خلصت عليه وبعد سيرنا لفترة قصيرة لمحنا السيارة على جانب الطريق متوقفه بلا حراك! وقف هشام خلفها تماما ونزلنا فى ترقب لاستطلاع ما حدث فنحن دائما ما نفاجىء منها بكل غريب وغير متوقع! كان الرجل جالسا منكفئا على عجلة القيادة بلا حراك كالجثه! (تتبع
__________________
|
|
#83
04-05-2009, 10:34 AM
|
||||
|
||||
|
رد: حكايه صديقى والسياره الملعونه-2 روايه رعب واثاره وتشويق
يادكتور انت خوفتنى انى اركب عربيتى بالشكل ده
ربنا يستر كمل ياباشا و احنا معاك
__________________
سبحان الله و بحمده سبحان الله العظيم اذكروا الله اللهم اغفر للمسلمين و المسلمات و المؤمنين و المؤمنات الاحياء منهم و الاموات
|
|
#84
08-05-2009, 05:24 AM
|
||||
|
||||
|
رد: حكايه صديقى والسياره الملعونه-2 روايه رعب واثاره وتشويق
*تم الانتهاء بحمد الله
من الروايه وتم التسجيل اليوم بالشهر العقارى والحمد لله -34- وقفنا فى ردهة المستشفى والتى اعتدنا الذهاب اليها هى وأقسام الشرطة فى الفترة الاخيرة حتى اصبحت ادمانا وعادة لا تنقطع! اعترانا القلق والحيرة وألحت علينا التساؤلات لمعرفة ما حدث لهذا الرجل المسكين الذى حملناه فى غيبوبته ولم يفق منها حتى الان! خرج الطبيب يسألنا عن تاريخه المرضى وكنا بالطبع نجهله ! وكان هشام قد اتصل بابنه ولما يأت بعد قال الطبيب: -هوه عنده غيبوبه سكر00 السكر عالى جدا00وربنا يسهل ان شاء الله 00هوه بيتحسن قال رشدىك -فيه خطورة عليه؟ --ان شاء الله خير المرحله الصعبة عدت والحمد لله كان الفضول يقتلنا لمعرفة ما حدث00وطال بنا الانتظار00مع ان وجودنا هنا لم يتعد نصف ساعة على الاكثر ومع قدوم ابنه وزوجته تساءلوا عما حدث ولم نعرف بماذا نجيب ؟! اخبرهم هشام بانه أصيب بنوبه سكر وهو بخير دخلا للاطمئنان على الرجل وبعدها بفترة قصيرة دخلنا وكان الطبيب عنده فوجدنا ابنه يشكرنا على نقله للمستشفى وكيف اننا انقذناه فى الوقت المناسب قال رشدى : -الحمد لله على سلامته وكان الرجل قد استفاق من الغيبوبه سألته: -ايه اللى حصلظ قال: -الحمد لله انها جت على قد كدة قالها بوهن قبل ان يتبع: -انا عمرى ما شفت كده فى حياتى00اعوذ بالله ودعنا الرجل ومضينا قبل ان تفوح فضيحة سيارة رشدى! وفى الصباح ذهب هشام للاطمئنان على الرجل وعرف منه ما حدث بالضبط0 عندما انطلق الرجل بالسيارة شعر بعدها برجة خفيفة اصبحت بعدها شديدة تلاها صرخه عنيفه كادت ان تفجر السيارة! توقف الرجل بالسيارة وحاول النزول منها لكن شىء غريب كان يجذبه للخلف بشدة ويمنعه من النزول قبل ان يفقد الوعى ! هذا ما قاله الرجل وهذا ما توقعناه بالفعل00 وعندما ألتقينا بالمساء00 ضحك رشدى وقال: -مش قلت لكم مالهاش حل هشام ك -صدقت00انا عمرى ما شفت كده قال رشدى : -انا ممكن اكسب من وراها دهب قلت: -ازاى؟ قال: -أأجرها00 كل يوم تتأجر عشر مرات وترجع بعد خمس دقايق مخلصه على اللى اتأجرها وهوه بيقول حقى برقبتى مش عايزها ولا عايز فلوسى قال هشام: -ويومين وتنكشف ياحلو قال رشدى: -ربنا ينتقم منها بنت الملعونة بس تعرفوا انا بقى بينى وبينها ألفه00عشرة00اتعودت عليها قال هشام: -كلنا اتعودنا عليها قلت: -هنا الخطورة00 التعود00والرضى00وهيه خطر علينا وعلى كل الناس00مينفعش نقبلها كأنها أمر واقع هشام: -والله عندك حق رشدى: -انتو قلبتوا جد كده ليه00دا أنا بهزر من غلبى ياناس قلت: -على فكرة انا كلمت بسام النهارده وعرضت عليه فكرتك ياهشام وانبسط جدا وقال انها على باله وجارى تنفيذها قال هشام: -كويس احنا لازم نبتدى معاه قلت: -أكيد00هوه اختار اسم الطير الشادى00صوت العرب من فلسطين هشام : -اسم جميل ومعبر جدا رشدى: -من النهارده انا وزمايلى نبتدى تنفيذ الفكرة وعمل الازم قلت: -بسام قال انه لازم يكون فيه رسالة للعالم وبطريقه الصدمات الانسانيه للعالم والصفعات لعدونا لازم نكشف كل الحقايق ونعرى الكدب والضلال والواقع المحجوب وهوه على فكرة جاى قريب وقال لازم تكون البدايه من هنا! اعترانا صمت ونحن نشعر بان شمس الغد غير اى شمس 00شمس ستكون اشراقتها اكثر دفئا وأنقى ضوءا (تتبع ان شاء الله)
__________________
|
|
#85
08-05-2009, 09:53 AM
|
|||
|
|||
|
رد: حكايه صديقى والسياره الملعونه-2 روايه رعب واثاره وتشويق
د تامر بصراحة رواية مشوقة
أنا لسة قاريها إنهارده بس بصراحه مشوقة ماقدرتش أقوم غير لما أوصل لآخر حاجة منشورة ياريت تزود الجرعة شوية طالما أنت انهيت كتابتها و سجلتها فى الشهر العقارى و ياريت كمان لما تنتهى تبقى تنشرها فى موضوع تانى بس كاملة ورا بعضها
|
 |
|
|
