سؤال بخصوص فتحة سقف البومة 2013

[Romaryo]

انا ان شاء الله نويت اشترى عربية بومة 2013
وكنت محتار بين الفئة التالتة اللى هيا: 2 اير باج وجنوط واى بى اس
وبين الفئة الرابعه اللى هيا: نفس التالتة + فتحة سقف

وسؤالى بخصوص فتحة السقف

فيه ناس كتير لقيتهم على النت كاتبين ان فتحة السقف مع الوقت بتعلق وكهربتها بتبوظ وكمان قايلين انها مع المطر والشمس الكاوتش اللى حواليها بينشف وبيتشقق ومش بتقفل للاخر ودائمة الاعطال

لملاك السيارة .. هل الكلام ده صحيح؟ وياترى ميتسوبيشى عالجت ده فى الموديلات الجديدة؟

ولكم جزيل الشكر

[sherifabden]

انا لو مكانك اجيب الفئة التالتة اللي اسمها هاف سبورت
الفئة الرابعة اللي هيا سوبر اكشن زيادة فيها فتحة سقف وسبويلر وفرش جلد وطارة جلد
بخصوص موضوع فتحة السقف انا اول مرة اسمع الموضوع دا
ومبروك مقدما

[Mido Madrid]

اصحابي معاهم السوبر اكشن وفتحة السقف تمام ومحدش اشتكي منها بس مش 2013
سؤال بره الموضوع هوه الفئتين دول سعرهم كام دلوقتى ؟؟؟

[Romaryo]

شكرا على الرد والله يبارك فيك ياشريف

وشكرا ياميدو على ردك
وبانسبة للاسعار فى التوكيل من حوالى اسبوع العربيات غليت 2000 جنيه

ودى الاسعار الجديدة للخمس فئات
الفئة الاولى: البيسيك = 130000
الفئة التانية: نفس الاولى + جنوط = 133000
الفئة التالتة: نفس التانية + فوج لايت + اى بى اس + 2 اير باج بدل واحد = 139000
الفئة الرابعة: نفس التالتة + فتحة سقف = 142000
الفئة الخامسة: نفس الرابعة + سبويلر + فرش وطارة وحوالين الفتيس جلد = 145900

[حسام البورسعيدى]

مفيش الكلام ده يا باشا ..

هى المشاكل اللى بتحصل فى فتحه السقف بتكون دايما بسبب قله الاستخدام .. ودى حاجة عامة فى كل العربيات مش فى الانسر بس ..

انا رايى هاتها بفتحه سقف ومتقلقش ..