أوبل أسترا سيدان 2013 !!! ؟؟؟

[د/محمود عبدالمقصود]

اتوكل على الله العربيه روووووعه و تمنها فيها و اهي احسن من الكرولا اللي مفيهاش حاجه غير ان عليها بادج تيوتا و عربيه سيئه جدا .....لكن الاسترا انجوي سيدان ب155الف فيها 4 ايرباج
...بلوتوث
....مثبت سرعه
....محدد اقصى سرعه
....كمبيوتر رحلات و معلومات و اعطال
.....اوتوماتيك ست سرعات و استبترونك
....الشنطه تفتح بالكامل لوحدها عن الضغط لمدة ثانيتين على زر فتح الشنطه في الريموت عشان لو شايل حاجه ثقيلة الوزن تعرف تحطها على طول
......مساحة الشنطه كبيرة جدا جدا و العربيه رووووعه في اللون الباذنجاني (بني ميتالك داخل فيه اسود )و واسعه
و فيها cd
......................... ..........سيبك من فكرة البيع لأن العربيه المحترمه مش حتفكر تبيعها ولا تتخلى عنها بسهوله ..............و اما عن قطع الغيار فهي غاليه شويه بس عربيه محترمه و معمره باءذن الله و بالتوفيق و الف مبروك مقدما

[svneleven]

حضرتك كل حاجة ليها تمنها. الأوبل من العربيات المحترمة جدا. تكنولوجيا و أداء و فخامة. قطع الغيار غالية طبعا لكن معمرة. و ممكن الحاجات البسيطة زي المرايات و الفوانيس و الكماليات عامة تجيبها من بره التوكيل. و معلش حضرتك ما ينفعش تاخد كل حاجة مع بعض. لازم يكون فيه عيب في كل عربية و في حالة الأوبل العيب هو سعر اعادة البيع. توكل علي الله.

[نبيل عبدالرحمن]

هو حضرتك عايز تشترى عربية عشان تبيعها ؟
ما تفكرش فى سعر إعادة البيع
العربيه دى فاخرة بمعنى الكلمة وتحفة سواء من الداخل أو من الخارج
يكفى إنها صناعة وتجميع ألمانى 100%
وحضرتك عارف الصناعة الألمانى فى السيارات هى نمرة 1 على مستوى العالم
توكل على الله وصلى استخارة وربنا هايهديك لشرائها بإذن الله

[Neo206]

المشاركة الأصلية كتبت بواسطة نبيل عبدالرحمن هو حضرتك عايز تشترى عربية عشان تبيعها ؟ ما تفكرش فى سعر إعادة البيع العربيه دى فاخرة بمعنى الكلمة وتحفة سواء من الداخل أو من الخارج يكفى إنها صناعة وتجميع ألمانى 100% وحضرتك عارف الصناعة الألمانى فى السيارات هى نمرة 1 على مستوى العالم توكل على الله وصلى استخارة وربنا هايهديك لشرائها بإذن الله

أنا مع الرأى ده أستخير ربنا و توكل على الله
و لو ربنا كتبلك فيها الخير هتكمل
و إن مكنش ربنا هيكرمك بالى فى خير

[sherifabden]

بص انا شخصيا اعتبر الاسترا من افضل السيارات في فئتها وخاصة ان سعرها منافس جدا وصعب جدا تلاقي عربية بسعر الاسترا فيها الكماليات دي وطبعا هيا عربية فخمة وثباتة جدا وفيها نظام الثبات الالكتورني وحاجات كتير لا تعد ولا تحصى
بس اسال الاول عن قطع غيارها جوه التوكيل وشوف اسعارها كام
ومبروك مقدما