لادا 2107

[ahmed_el_22]

معروض عليا لادا 2107 موديل 2006 ب 25000 جنيه ايه رايكم

[mr_astra]

فى العربية ولا السعر ولا الاتنين
اولا السعر حلو لو العربية فبريكة وموتورها والات الجر تمام يبقى السعر فعلا حلو
واكيد العربية دى مصرى مش روسي

اما لو بتاخد راينا فى العربية
العربية مميزة فى حاجات على حساب حاجات تانية
معاك قوة ومتانة جبارة لكن على حساب راحة السواق
متعبة شوية فى السواقة
عفشتها بتحتاج صيانة على فترات متقاربة

[ahmed_el_22]

المشاركة الأصلية كتبت بواسطة mr_astra فى العربية ولا السعر ولا الاتنين اولا السعر حلو لو العربية فبريكة وموتورها والات الجر تمام يبقى السعر فعلا حلو واكيد العربية دى مصرى مش روسي اما لو بتاخد راينا فى العربية العربية مميزة فى حاجات على حساب حاجات تانية معاك قوة ومتانة جبارة لكن على حساب راحة السواق متعبة شوية فى السواقة عفشتها بتحتاج صيانة على فترات متقاربة

بارك الله فيك ياغالى
كنت عايز اعرف معلومات اكترعن العربية من حيث استهلاك البنزين ونوعه 80 ولا 90
قطعالغيار ومدى توافرها واسعارها

[mr_astra]

لالالالالالا
ارخص قطع غيار هى الـ لادا
اولا بتشتغل بنزين 80 ولو فى اقل ما فيش مشكلة
استهلاك للبنزين معقول وعلى حسب حالة الموتور لكن نقدر نقول من 220 الى 250 كم / الصفيحة (20 لتر)
قطع الغيار موجودة بكثرة وموجودة جديدة او استيراد
اسبراتير 160 جنية جديد
كربراتير 200 جنية استيراد
وش للفانوس الامامى 10 جنية جديد
ملهاش سير كاتينة ولكن سير جنزير يعنى كل 5 سنين لما نغيرة المجموعة كاملة 150 جنية
بلف للشدادا بـ 45 جنية جديد
كاوتشة شداد الاتنين الطويلة والقصيرة بـ 25 جنية جديد
طقم جلب مقصات (8 قطع ) 90 جنية جديد
بيض للمقص وخلى بالك عدد 4 مش اتنين زى اى عربية البلغارى بـ 160 جنية جديد
مناول على بلى بـ 60 جنية جديد
مساعدين امامى افتكر بـ 180 جديد
مساعدين خلفى دبابة يابانى 180 جنية اغلى حاجة جديد
طقم تيل امامى 40 جنية
والخلفى بيتملى بـ 60 جنية

اغلى حاجة فيها الفتيس الـ 5 غيار بـ 1200 جنية استيراد
اقصد اقول ان حاجاتها رخيصة اوى وممكن تروح تشترى حاجة ليها تاخد فلوس من البياع مش تدفعلة

[ahmed_el_22]

المشاركة الأصلية كتبت بواسطة mr_astra لالالالالالا ارخص قطع غيار هى الـ لادا اولا بتشتغل بنزين 80 ولو فى اقل ما فيش مشكلة استهلاك للبنزين معقول وعلى حسب حالة الموتور لكن نقدر نقول من 220 الى 250 كم / الصفيحة (20 لتر) قطع الغيار موجودة بكثرة وموجودة جديدة او استيراد اسبراتير 160 جنية جديد كربراتير 200 جنية استيراد وش للفانوس الامامى 10 جنية جديد ملهاش سير كاتينة ولكن سير جنزير يعنى كل 5 سنين لما نغيرة المجموعة كاملة 150 جنية بلف للشدادا بـ 45 جنية جديد كاوتشة شداد الاتنين الطويلة والقصيرة بـ 25 جنية جديد طقم جلب مقصات (8 قطع ) 90 جنية جديد بيض للمقص وخلى بالك عدد 4 مش اتنين زى اى عربية البلغارى بـ 160 جنية جديد مناول على بلى بـ 60 جنية جديد مساعدين امامى افتكر بـ 180 جديد مساعدين خلفى دبابة يابانى 180 جنية اغلى حاجة جديد طقم تيل امامى 40 جنية والخلفى بيتملى بـ 60 جنية اغلى حاجة فيها الفتيس الـ 5 غيار بـ 1200 جنية استيراد اقصد اقول ان حاجاتها رخيصة اوى وممكن تروح تشترى حاجة ليها تاخد فلوس من البياع مش تدفعلة

والله انا مش عارف اشكر حضرتك ازاى ادعيلى ان اقدر اخلص فيها