المعمورة اسكندرية - كل ما يهمك معرفته عنها

[TOOLA]

و على عكس اسامة الباز, كان هناك شخصيات اقل منه اهمية ولكن قمة فى التكبر و الطغيان أو الأذى, و هذه القصة حقيقية لم أشهدها بعينى و لكن حدثت لأحد اصدقائى.

كما سبق و قلنا كنا دائما ما نلعب الكورة فى الملعب النجيلة الخاس بنادى الحرس هناك. اوقات كنا بنضطر نلعب مع الضباط و و فى هذه الحالة بردو بيبقى فيه حرص شوية فى اللعب خصوصا لو فيه رتبة عميد او لواء حب يلعب, ساعتها الدخول عليه بحساب و براحة, و الضباط الأصغر رتبة ممكن يسيبوه يرقصهم وطبعا يفضل يباصولوه الكورة قدام الجون عشان يجيب هو الجون.

و طبعا الاكثر متعة لما نكون بنلعب لواحدينا من غير ضباط, المهم فى مرة كان فى مطش يجمع العديد من ابناء الضباط و العاملين و معظمهم اصدقاء فى بعض (انا مكنتش فى المعمورة ساعتها بس اتحاكتلى لما الناس رجعوا من هناك), و كان من ضمن المتواجدين ابن المسئول عن مكتب تموين الرياسة او الحرس (و هو منصب مش قليل و ضابط رتبة عميد اعتقد و من الفهمتو ان ضمن مسئولياته امداد الرياسة او الحرس بجميع احتياجتهم و ابنه صديقى) و قد حدث ان دعى احد اصدقائه من خارج نطاقى الحرس و الرياسة للعب فى النادى (و يصدف ان صديقه هذا كان احد ابطال الجمهورية فى الكونج فو).

المهم اللعب شغال عادى و اعتقد حدث تدخل عنيف من هذا الشاب على احد الأفراد التانيين, و يشتد الخلاف الى مشادة بالأيدى طبعا كانت لصالح صاحبنا اياه بطل الكونج فو. (و لكن مما سمعته انه لم يتعمد الدخول بعنف و حاول احتواء الموقف لكن الفرد التانى هو التطاول و اثار المشادة).

هذا الفرد الثانى (و كنت اعرفه جيدا ايامها و لكن ليس بصديق) هو ابن رئيس اليوران ايامها و هو منصب عالى و حساس فى الرياسة و ذو سلطة (و ان كنت معرفش مهام وظيفته بالضبط).

المهم الولد حكى لوالده الموقف وان اضرب, فما كان بالوالد الا ان ثار و غضب و دهب الى الملعب و معه بضح افراد الحراسات الشخصية للرئيس التصادف وجودهم فى المصيف فى ذلك الوقت, و ما كان منهم الا ان مسكوا الشاب بتاع الكونج فو وهاتك يا ضرب فين يوجعك, والولد كان راهب الموقف لدرجة انه محاولش حتى الدفاع عن نفسه رغم قدرته على ده. و ما بلغنى (و الله أعلم) ان الكبرياء وصل برئيس اليوران الى درجة رغبته فى ربط الولد فى جذع شجره و جلده (و طبعا الموضوع كان بيقلب تريقة فيما بعد ما بينا على اساس احساسه بالبشوية بتاعت زمااااان) ولكن بعض الأفراد هدوه بما انه كفاية الضرب الولد خدوا.

[AbOnOrA]

اشكرك على الاضافات القيمة واللى بتمثل المعمورة من زاوية خاصة جداً لا يعلمها الكثيرون

تسلم ايدك ولو عندك ذكريات تانيه اكتبها ياريت

[TryToDriveSlow]

yala ne3ml Re7laaaaa

[TOOLA]

المشاركة الأصلية كتبت بواسطة AboNoRa اشكرك على الاضافات القيمة واللى بتمثل المعمورة من زاوية خاصة جداً لا يعلمها الكثيرون تسلم ايدك ولو عندك ذكريات تانيه اكتبها ياريت

ربنا يخليك يا ابو نورا, لو تذكرت حاجة مفيدة تتقال, هتلاقينى بكتبها علطول ان شاء الله.

[nktis]

كنت رايح جاي لمده سنتين من ميامي للمعموره البلد وكنت باعدي علي المعموره الشاطيء ودخلتها حوالي 3 مرات ...........حاجه وهم فعلا...
بس كنت عرفت معلومه ان كل وزير ليه الاستراحه بتاعته بمجرد ما يتعين؟؟؟