أسعار قطع غيار إبيزا 99

[ekramyhamdin]

السلام عليكم
ممكن أعرف أسعار قطع الغيار دى(جديد ومستعمل) وأماكن الشراء (إبيزا 99):
-رفرف أمامى.
-إكصدام أمامى.
-فانوس أمامى.
-فانوس إشارة أمامى.
-فانوس خلفى.
-ماستر فرامل.
-مراية كهرباء يمين وشمال.
-تكييف كامل.
-فوانيس شبورة.
-أمبير حرارة.
-ساعة حرارة.
-علامة سيات.
-عاكس خلفى.
-تابلوه كامل.
-زراير زجاج كهرباء.
وجزاكم الله خيراً

[mohamed ibiza]

هي العربية مشي عليها قطر ولا ايه !

حضرتك طالب حاجات كتير اوي يا بشمهندش انا هقولك اللي انا فاكرو لان في حاجات دماغي مش جايباها

2 اكصدام استيراد 550 جنيه

فانوس امامي150-180 و ممكن يكون اقل حسب نوعه

اشارة:ديبو 45 جنيه tyc ب 25 جنيه

الماستر حوالي 140

تكييف استيراد 2500-3000

شبوره 300 استيراد

مفيش حاجة اسمها امبير حرارة محدش هيفكلك امبير الحرارة من طقم كامل طقم الامبيرات او العدادات بيتباع كله علي بعضه من 300-350 جنيه استيراد بالفيشه بتاعته

ساعة حرارة؟! لو قصدك حساس حرارة اللي بيبقي قريب من فرن الشكمان هيبقي في حدود 100 جنيه

علامة سيات ادام استيراد من دمياط ب 60 جنيه

عواكس باب الشنطة 150 اللي لونهم اسود من دمياط استيراد طبعا الجديد هنا عند سامح ابيزا 800 جنيه لو جبتهم استيراد هيبقوا في حدود 250 جنيه ده لو حد رضي يديهملك هنا لوحدهم انما 99% من التجار بيقولك خد باب شنطة كامل ب 450 جنيه بكل محتوياته

تابلوه كامل بكل محتوياته 800 جنيه

[ekramyhamdin]

السلام عليكم
محمد باشا أولاً مبروك على النجاح
-العربيه مدسهاش قطر ولا حاجه بس انا شارى العربيه جديد وعايز انضف
-أنا رحت الحرفيين ومعرفتش أوصل لحد متخصص إبيزا هناك المعظم شغال جولف وبولو
-أهم حاجه عندى مرايات الجنب المرايه اليمين شغاله بس عاوزه كف والشمال مدمره تماماً سألت فى الحرفيين لقيت المرايه اليمين بالعافيه ب325 جنيه!!!!!!!!
-كل اللى إشتريته من هناك الشبكه الأمامية من غير العلامة ب85 جنيه وكان الفانوس الأمامى ب165 جنيه والإشارة اللى جنب الفانوس ب30 جنيه عند محل إسمه الشيخ وطبعاً كله جديد.
-حساس الحرارة بتاع الأمبير جبته ب55 جنيه.
-يا ريت تدلونى على متخصصين الإبيزا جديد ومستعمل فى الحرفيين والتوفيقيه وأرقام تليفوناتهم.
وجزاكم الله خيراً

[mohamed ibiza]

يا باشا انت مدوخ نفسك ليه روح لمحمد سمير في جسر السويس ورا حديقة بدر

[ekramyhamdin]

السلام عليكم
يا ريت لو ليه تليفون وتوصفلى أوصله إزاى من طريق مصر إسكندريه الزراعى
وهل هو شغال فى الجديد ولا المستعمل ولو ممكن تليفونك للتواصل
وجزاكم الله خيراً