جمارك السيارات لحد إمتى هنفضل ساكتين

[zoom man]

ياباشا والهى الشعب المصرى خلاص فهم وهرش ان دول شوية حرامية عمالين يستخفلوم فى الشعب المصرى وانا بوعدك عن قريب جدا الناس دى حتفلس وتبيع العربيات دى برخص الفلوس وارخص من السعودية كمان وخلينا وراهم اهم حاجة محدش يعبرهم ويشترى خالص ويريت محدش يمل ويزهق يا جماعة يعنى هى العربيات حطير مهى موجودة بالعكس كل سنة بيصنعوم حاجات احسن واحدث واسرع خلى الحرامية يشحتوم وعلى فكرة حتلاقيهم بيهشوم دلوقت من قلة الزباين ماشاللة على الشعب المصرى الفاهم والصاحى والواعى للحرامية والنصابين الواعى جدا جدا مش حيخلى مخلوق يضحك علية تانى وكلنا مع حملة الغضب ومقاطعة الشراء نهائيا لحد مويقفوم نزيف النصب والسرقة على الشعب المصرى الغلبان ....رائ مفيش حل غير المقاطعه النهائية واحنا مش حنخسر حاجة هى الى تخسرهم وتجبرهم انهم يمشوم على مزاج الشعب المصرى الى شاف بلاوى واستحمل وخلى شوية لصوص يتحكموم فية

[dr_eslam_66]

أنا ملاحظ بسم الله ماشاء الله أعداد المشاهدات بتزيييد والمشاركات كمان والإستطلاع الفرق بيه بيتحسم يوم عن يوم.
ودا إن دل على شيء يدل على أن الي حصل في مصر مش شيء صغير دا حدث عميييق مش مجرد حركة سياسية دي كانت صحوة وإنتفاضة للشعب المصري كله.
بس لو سمحتم إذا كنتوا إخترتوا المقاطعة كوسيلة ضغط لإلغاء الجمارك حد فيكوا فكر يتعب مخه ويفكر في حزمة إجراآت وخطوات نحاول نعوض العجز الي هيحصل من إنقطاع الأموال دي الي كانت بتجبى جباية من الجمارك بإفتراض إنها دلوقتي خلاص هتخش خزانة الدولة.
إيه رأيكوا نحاول نفكر في حزمة من الإجراآت والخطوات ونعمل مشروع جاهز من مجموعة محددة من الخطوات والإجراآت المؤرخة وجدول زمني واضح يتنفذ بحذافيره علشان بعد الفترة دي وبعد تنفيذ البرنامج لا نسمع عن حاجة إسمها جمارك ولا نسمع عن حاجة إسمها دعم للمستثمر. ونلاقي عربيات مصرية موجودة في السوق بكثرة.
أ،ا هنا لا أقصد هدم صناعة التجميع أنا بقول مش ه=عايزين ندعم مستثمر إحنى عايزين ندعم صناعة وطنية أركانها موجودة والحمد لله ونقدر نقوم بيها هيا إيران كانت أحسن مننا في إيه وكلنا نعرف مستوى التصنيع الإيراني للكيا برايد مثلا (بمنتهى السوؤ) بس هما خدوا الخطوة وهينموا قدراتهم وهيوصلوا قبلينا.
وماعندهمش خطوط المعلبات الي عندنا الي بتجمع عربيات وبجودة تجميع كمان زي الزفت.
لو كان التوجه الحكومي من الأول إعطاء التسهيلات لصناعة التجميع ولكن بشرط على أن تكون لفترة محدودة حتى يستطيع المصنع من تطوير نفسه ويكون المنتج المحلي نسبته أعلى أو نقدر نقسمها لمحطات وتكنلوجيات مرحلية ياعني الأول تسهيلات لإستيراد السيرات مفككة لتجميعها في السوق المصري للمستثمر دا ولمدة 10 سنين ولو بعد ال 10 سنين ماقدرشي يدخل نسبة منتج محلي مطلوبة من وزارة الإستثمار والصناعة يتسحب منه التسهيلات وبعديها بفترة معينة تكون الخطوة الي جاية إنه يلتزم بصناعة البودي أو الشاسيه ولا يستورده أو يتسحب منه تسهلات إستيراد الأجزاء دي والخطوة الي بعدها الماتور والأجازاء الميكانيكية ووراها الإلكترونية وهكذا إنما أديله تسهلات لمالا نهاية وبغير هدف ولا سبب إلى إنه يزداد غنى هوا دا الي أنا أرفضة وبرفضة من ساعة ما عملت الموضوع.

[mahranahm]

كان رأى هشام الجخ

هتولنا ودولنا جبولنا نجيب منين نديك
مش لاقى تطفح اديك

[zoom man]

كلام منطقى و ممتاز جدا جدا يريت يتنفذ والاهم حد يسمعنا فعلا ومنكلمش نفسنا

[booooy]

ايه رايكوا نفكنا بقى من الكلام من على المنتدى وننزل ميدان التحرير يوم الجمعة 29 -4!
كل واحد فينا له معارف واصدقاء عرفوهم و لازم كلنا ننزل ونشارك فى التظاهرات السلمية للمطالبة بحقوقنا من اللصوص لان الساكت عن الحق شيطان اخرس وكفاية صم وبكم لحد كده احنا زهقنا ملعون ابو دى عيشة نازلين كتابة يفط مصر بلدك خايفة عليك وينزلوا لنا العربيات الباهظة السعر بدون وسائل امان ويوم ما يحطوا لك وسادة هوائية تلاقى العربية سعرها معدى حاجة مقرفة جتكوا القرف والله رجعتونا 100 سنه لورا يا حرامية يا نصابين كفاية لحد كده
والله العظيم لو ما حد نزل لانزل ان شاء الله اقف لوحدى واطالب بحقى