العودة   مصر موتورز مجتمع السيارات > السيارات الأوروبية > رينو RENAULT > رينو لوجان Logan

رينو لوجان Logan The Dacia Logan is a car produced jointly by the French manufacturer Renault and its subsidiary Dacia of Romania. It is manufactured at Dacia's automobile plant in Mioveni, Romania, in Colombia, Brazil, Russia, Morocco, Iran, India and South Africa. It is also marketed as the Renault Logan, Nissan Aprio or Tondar 90 depending on the existing presence or positioning of the Renault brand.


إضافة رد
 
أدوات الموضوع
  #1  
قديم 15-05-2010, 07:18 PM
foxarc foxarc غير متواجد حالياً
 
تاريخ التسجيل: Jun 2008
المشاركات: 16
foxarc will become famous soon enough
افتراضي مقارنة شاملة بين الاسبيرانزا و اللوجان

السلام عليكم اهدي اليكم هذه المقارنة بصفتي مالك للسيارتين الاسبرانزا سابقا و اللوجان حاليا
نبتدي بالشكل : بصراحة انا بحب شكل الاثنين جدا
الموتور : بالرغم من ان العربيتين 1600 الا ان موتور الاسبيرانزا يتفوق بشكل واضح في السحب- التكنولوجيا- هدوء الصوت - توفير البنزين.
العفشة : لصالح اللوجان قلبا و قالبا من حيث النعومة و العمر الافتراضي الأطول الاسبيرانزا عفشتها ناشفة و بترزع
الصاج : علي الرغم من ان اغلب الناس بتقول علي صاج الاسبيرانزا قوي الا اني اختلف معاهم بشدة و عن تجربة مع الحوادث المختلفة بدءا من الدراجة اللي طبقتلي الرفرف الي الميكروباص اللي خلعلي الاكصدام و اعتقد ان صاج اللوجان أقوي باستثناء الرفارف و الاكصدامات
الخامات الداخلية : اللوجان تتفوق قليلا من حيث خامة الدركسيون و التابلوه اما اكر الباب الداخلية فهي ضعيفة جدا في الاثنين و قابلة للكسر و خامة دركسيون الاسبيرانزا سيئة جدا الكلاكس كان بيلزق في الشتاء !!!!! الفرش جيد في الاثنين .
اضاءة الصالون الداخلي افضل في الاسبيرانزا و ايضا الاضاءة الخارجية اقوي في الاسبيرانزا
الوسع الداخلي : الاتنين ما شاء الله و اسعين بشكل واضح و اوسع من السيارات اللي في نفس الفئة السعرية و لكني اعتقد ان وسع اللوجان اختراع و عبقرية قياسا الي ابعادها الخارجية اللي اقل من الاسبيرانزا بشكل واضح
نظام الصوت : كاسيت الاسبيرانزا افضل من حيث الامكانيات اما السماعات في اللوجان انقي و اوضح
الكماليات : اللوجان تتفوق بالايرباج و الاسبيرانزا تتفوق بالفرامل المتطورة abs
الثبات : ثبات الاسبيرانزا افضل علي الطرق السريعة و السرعات العالية ( جبت بيها 170 علي طريق مطروح ) اللوجان بعد 120 تحس ان الاهتزاز زاد و الثبات قل
التكييف : تكييف الاسبيرانزا رائع تاتش و دجيتال و تكييف اللوجان عادي بس الاتنين كفاءتهم عالية و ليهم تاثير واضح علي السحب
العزل : في الاسبيرانزا احسن من اللوجان خصوصا في الصوت و الحرارة
التوكيل : الاتنين كفء في الفنيات و لكن توكيل رينو اكثر احتراما لعملائه
قطع الغيار : طبعا دلوقتي الاسبيرانزا بقت تاكسي فتوفرت قطع الغيار لكن علي العموم مفيش فرق كبير باستثناء سعر المرايات في اللوجان مستفز جدا !!!!
الارتفاع عن الارض : الاتنين ارتفاعهم كويس و احسن من السيارات المثيلة و اللوجان رائعة في هذه النقطة كأنك راكب 4*4
الدهان : احسن نسبيا في اللوجان عنه في الاسبيرانزا
الفتيس : بصراحة الحمد لله محستش باي مشاكل و لا عضة في الاتنين و لكنهم يشتركوا في ضعف السحب علي الغيار التاني و الانطلاقة الحقيقية بدءا من الغيار التالت و فتيس الاسبيرانزا طويل في غياراته بمعني انك ممكن تنقل علي 4 ار بي ام مستريح اما اللوجان فاقصي حاجة تنقل علي 3 الي 3.5 .
في النهاية اتمني اني اكون افادتك و ربنا يوفقك للاختيار الصحيح
خالص تحياتي
رد مع اقتباس
  #2  
قديم 15-05-2010, 11:03 PM
الصورة الرمزية flashfox
flashfox flashfox غير متواجد حالياً
من انا؟: fox
 
تاريخ التسجيل: Oct 2009
المشاركات: 157
flashfox is a glorious beacon of lightflashfox is a glorious beacon of lightflashfox is a glorious beacon of lightflashfox is a glorious beacon of lightflashfox is a glorious beacon of light
افتراضي رد: مقارنة شاملة بين الاسبيرانزا و اللوجان

احب اضيف معلومة الكماليات للوجان احسن من اي عربية في الفئة دي
معامل الامان اللوجان واخد 3 نجوم في اليورو كاب
اما الثبات انا جبت ال200 والعربية مقلتش لا ولا هزة ولا رعشة

وفي الاخر الموضوع جميل
__________________


logan what ever
رد مع اقتباس
  #3  
قديم 15-05-2010, 11:27 PM
corsair
Guest
 
المشاركات: n/a
افتراضي رد: مقارنة شاملة بين الاسبيرانزا و اللوجان

تسلم يا برنجي تقرير روعه مفيش بعد كدا بس الاسبيرانز بتاعتك نوعها ايه a516 ولا a 113

وتقبل تحياتي
رد مع اقتباس
  #4  
قديم 15-05-2010, 11:38 PM
الصورة الرمزية hazem_khidr
hazem_khidr hazem_khidr غير متواجد حالياً

من انا؟: انا مهما كبرت صغير ..انا مهما عليت مش فوق !!!!
التخصص العملى: محاسب و صاحب مصنع ملابس
هواياتي: السيارت و شغف القياده
 
تاريخ التسجيل: Jun 2008
الموقع: جمهوريه مصر العربيه.المحله الكبري
المشاركات: 8,325
hazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond repute
افتراضي رد: مقارنة شاملة بين الاسبيرانزا و اللوجان

تسلم يا باشا علي المقارنه
فعلا اختلافات واضحه و اسلوب محايد
شكرا ليك
__________________

حـازم خـضـر




رد مع اقتباس
  #5  
قديم 16-05-2010, 06:56 PM
ringoo ringoo غير متواجد حالياً
من انا؟: عمرو
هواياتي: الرسم على الزجاج
 
تاريخ التسجيل: Feb 2009
الموقع: اليكس
المشاركات: 313
ringoo has a reputation beyond reputeringoo has a reputation beyond reputeringoo has a reputation beyond reputeringoo has a reputation beyond reputeringoo has a reputation beyond reputeringoo has a reputation beyond reputeringoo has a reputation beyond reputeringoo has a reputation beyond reputeringoo has a reputation beyond reputeringoo has a reputation beyond reputeringoo has a reputation beyond repute
افتراضي رد: مقارنة شاملة بين الاسبيرانزا و اللوجان

شكرا يا باشا على المقارنة الجميلة وربنا يباركلك فى العربية الجديدة ويبارك للشترى القديمة
فى بس بعض النقاط عايزين نتكلم فيهم

الثبات : اللوجان بعد 120 تحس ان الاهتزاز زاد و الثبات قل
طالما الاهتزاز زاد يبقى الطريق غير ممهد وبالتالى طبيعى ان الثبات يقل
حاول تظبط ضغط الاطارات عند حد موثوق فيه وجرب العربية بعد ماتخلص تليين وجربها على نفس الطريق اللى جربت عليه الاسبرانزا (طريق مطروح) ولا يعنى اللوجان ملهاش نفس تصيف

قطع الغيار : لكن علي العموم مفيش فرق كبير باستثناء سعر المرايات في اللوجان مستفز جدا !!!!

المرايات الكهرباء حينزل لها سعر جديد كمان كام يوم اول ماتجيلى اى اخبار حاقولك

الارتفاع عن الارض : الاتنين ارتفاعهم كويس و احسن من السيارات المثيلة و اللوجان رائعة في هذه النقطة كأنك راكب 4*4
افضل مثال لركوبة اللوجان فعلا تحس انك راكب 4 * 4

الفتيس : بصراحة الحمد لله محستش باي مشاكل و لا عضة في الاتنين و لكنهم يشتركوا في ضعف السحب علي الغيار التاني
النقطة دى اختلف معاك فيها ... النقلة التانية فى اللوجان قوية جدا جدا جدا دة العربية بتفرك فيها عموما جرب بعد التليين لان لما كانت العربية لسة بتليين كنت بحس ان الماتور مخنوق شوية لكن بعد التليين العربية فاقت جدا ... او شبع الغيار الاول ممكن تكون بتنقل بدرى
لك ان تتخيل انا دلوقتى عامل النقلة الرابعة زى الاوتوماتيك يمشى 30 ك /س يمشى 100 ك/س مش بيقول لأ
طبعا السرعة القليلة حمل على الماتور مع نقلة عالية بس تعمل ايه بقى فى الانتخة عموما اللى عايز اقوله ان الترس الرابع قادر على جر العربية فما بالك بالترس التانى الاكبر والاقوى
طيب حقولك على حاجة تانية ... انا قليل جدا لما بجيب النقلة الاولى ... لما بقف فى اشارة او زحمة بطلع على التانى مش الاول يعنى الغيار بيجر العربية وهى واقفة فما بالك وهى واخد دفعة من الغيار الاول

و الانطلاقة الحقيقية بدءا من الغيار التالت و فتيس الاسبيرانزا طويل في غياراته بمعني انك ممكن تنقل علي 4 ار بي ام مستريح اما اللوجان فاقصي حاجة تنقل علي 3 الي 3.5 .
طيب ليه اقصى حاجة تنقل على 3 ، 3.5 انا عندى ممكن توصل 5.5 ار بى ام وانا بجيب سرعة 100 ك/ س على النقلة التالتة عادى جدا
الف مبروك مرة تانية ويا ريت تقولى انت عامل كام الف كيلو
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 06:09 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017