العودة   مصر موتورز مجتمع السيارات > سوق السيارات فى مصر موتورز > سوق السيارات المصرية > المرور والشهر العقارى

المرور والشهر العقارى خاص بالمواضيع عن قانون المرور وإجراءات الشهر العقارى والقوانين المنظمة للمرور والتراخيص ومخالفات المرور


إضافة رد
 
أدوات الموضوع
  #1  
قديم 14-04-2009, 04:35 AM
الصورة الرمزية hazem_khidr
hazem_khidr hazem_khidr غير متواجد حالياً

من انا؟: انا مهما كبرت صغير ..انا مهما عليت مش فوق !!!!
التخصص العملى: محاسب و صاحب مصنع ملابس
هواياتي: السيارت و شغف القياده
 
تاريخ التسجيل: Jun 2008
الموقع: جمهوريه مصر العربيه.المحله الكبري
المشاركات: 8,325
hazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond repute
افتراضي مأساتي مع سيارات المعاقين(حازم خضر)

بقالي فتره طويله عاوز اكتب الموضوع دا ومكنتش عاوز اكتب غير لما يخلص بس اظاهر انه مش حيخلص حاليا فقولت اتكلم علشان الناس تاخد حذرها و ما تمشيش ورا كلام اي حد يهون عليهم المشوار.

البدايه :
واحد معرفه خالي بيكلمه و قاله انه عنده واحد معاق و معاه الجواب و عاوز يجيب علي الجواب اللي معاه عربيه من المنطقه الحره ببورسعيد و شرح لخالي اللعبه و بيتعمل فيها ايه
المهم روحت انا و خالي مع الراجل دا و اتفرجنا علي العربيات هناك و انبهرنا بصراحه من حاله بعض العربيات اللي هناك و جبنا العربيه للراجل (تويوتا كورولا) و وصلته لحد البيت (لان لا هو ولا المعاق اللي معاه بيعرفوا يسوقوا و ما تعرفش جايب العربيه ليه !!!!)

بعد كده بدأ خالي يفكر في الموضوع دا و خصوصا ان كان خالي الاصغر بينوي تغيير عربيته و قال فرصه نجيب العربيه من هناك و مش حيقابلنا اي معوقات في طريق ترخيصها بحكم الوساطه و ما الي ذلك.


وبالفعل قام صاحب خالي بالبحث عن شخص اخر معاه جواب نعرف نجيب العربيه عليه و قد كان
اتفقنا مع المعوق علي خمسه آلاف جنيه و عليه استخراج شهاده محو الاميه و نقوم نحن باستخراج رخصه القياده و نقوم بعدها بفك الحظر و بيع السياره الينا و نخلص من الفيلم دا.


الخطوات :
قمنا بالسفر الي بور سعيد و دورنا لحد ما لقينا عربيه نضيفه جدا نوبيرا 1 و مافيهاش اي مشاكل
و سافرنا تاني و معانا المعوق و الجواب و خلصنا الورق و دفعنا عربون للعربيه و بعدين الورق جهز هناك
وسافرنا تالت لاستلام العربيه و طبعا كل دا سفر و مصاريف بنزين و غدا و يعني اقل واجب كل سفريه بتصرف 300 جنيه بالبنزين و الغدا وما الي ذلك.
وهناك طبعا في المنطقه الحره كل خطوه تمشيها لازم تدفع فلوس مره 20 و مره 30 و مره 50 و مره 100 علي حسب الاجراءات و التسهيلات .
و من اول ما تطلع من الباب بتلاقي العساكر واقفين مستنينك علشان ياخدوا فلوس يا اما يبلغوا عنك
بس علشان خالي معانا(لواء شرطه ) كان بيعرف يتعامل معاهم
و طول ما انت ماشي علي الزراعي تلاقي ناس عماله تقابلك سواء امناء شرطه او عساكر و عاوزين الشاي بتاعهم بس طبعا مكنتش بعبر حد و بدخل الكمين بتكشيره و اهزقهم و امشي.


المأساهptmnlo123per144 :
بعد ما استلمناها باسبوعين و مستنين المعوق علشان يخلص موال محو الاميه بتاعه كان خالي صاحب العربيه ماشي و معدي علي كمين قام موقفه و اتسحبت العربيه في لحظه بأمر من رئيس المرور اللي من درجه غيظه اتصل بالاسلكي بالشعبه و امر بتسجيل العربيه في الدفتر قبل ما تتسلم خوفا من اننا نروح الشعبه و نطلعها!!!
طبعا كانت مفاجأه كبيره و مش عارفين لها حل
المهم خالي راح المرور و عرف الموضوع من الناس و عمل اتصلاته و نقل مدير المرور في الحركه دي!!!!!
و بدأنا احنا بقي مشوار تخريج العربيه من القسم
روحنا قسم المرور و اخدنا جواب من هناك لقسم الشرطه و بعدين روحنا قسم الشرطه اخدنا امين شرطه من هناك و العربيه و روحنا المرور دفعنا الضريبه و فحصنا العربيه باسم المعوق طبعا
و بعديناخدنا العربيه رجعناها القسم و اخدنا جواب منهم يفيد باننا سلمنا العربيه تاني
و بعدين رجعنا لقسم المرور سلمنا الجواب علشان يعملوا جواب نروح بيه هيئه الجمارك (بجوار فندق سونستا)ندفع الغرامه و قدرها 2390 جنيه!!!
و روحنا مصر ندفع الغرامه لقينا الملف لسه ما جاش من بورسعيد
و طبعا كل موظف تقابله هناك لازم تدفع فلوس علشان ورق العربيه يمشي و اتعرفنا علي موظف هناك و وصيناه ان لما الورق يجي يتصل يقولنا علشان نيجي ندفع الغرامه
وبالفعل اتصل و اخدنا بعدنا و روحنا دفعنا الغرامه و كل دا و المعوق معانا بالطبع
و بعد كده روحنا المرور و اخدنا جواب للقسم يفيد اننا دفعنا الغرامه ليتم الفراج عن السياره!!!
متاههه و توهه ما بعدها توهه تخليك تكره ركوب العربيات من اساسه.ptmnlo123per1106
المهم استلمنا العربيه و قولنا نشوف موضوع نحو الاميه (علي رأي اخونا المعاق )علشان نخلص
من الموضوع دا
طبعا هو مش عاوز يتعلم و قولناله نجيب لك مدرس قريبنا حيخليك تقرأ و تكتب في اسبوعين
قالك لاء انا مش عاوز اتعلم!!!!!!!
اتضح انك ممكن تزور او تستخرج شهاده بكالوريوس او دبلوم اسهل من انك تعرف تطلع شهاده محو اميه
وما زالت العربيه موجوده و مش عارفين لا نروح و لا نيجي بيها علشان البيه مش عاوز يتعلم و عاوزها تطلع بالواسطهptmnlo123per1127
و طبعا لسه ما اخدش باقي فلوسه لحد ما يخلص الموال دا.ptmnlo123per160
انا حكيت القصه دي كلها علشان الناس ما تتخدعش في موضوع العربيات دي و تفتكرها بالساهل
و ادعولنا نخلص القصه دي علي خير
اسف للاطاله

ودي صور العربيه هيا رائعه فعلا و للعلم مش كل العربيات هناك بالمنظر دا
انا لقيت هناك عربيات بيرشوها عندهم و عربيات كورولا بالذات دركسيونها كان يمين و هما عدلوه شمال فعلشان كده مش عاوز الناس تحكم بالظاهر حتي لو رايحين يشتروا ياخدوا بالهم كويس اووووووووووووي

__________________

حـازم خـضـر




رد مع اقتباس
  #2  
قديم 14-04-2009, 04:52 AM
الصورة الرمزية Ahmed Anwer
Ahmed Anwer Ahmed Anwer غير متواجد حالياً
التخصص العملى: Interior designer
هواياتي: Arts
 
تاريخ التسجيل: May 2008
الموقع: Cairo
المشاركات: 2,730
Ahmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond repute
افتراضي رد: مأساتي مع سيارات المعاقين(حازم خضر)


ربنا يقويك يا حزوم

و يعديها علي خير

انتا دايما كده خدوم و تسعي للناس

ربنا هيكرمكم ان شاء الله

السؤال دلوقتي

لو جت فرصة تانية هل هتكرر نفس التجربة

و لا توبة

__________________

رد مع اقتباس
  #3  
قديم 14-04-2009, 05:06 AM
الصورة الرمزية hazem_khidr
hazem_khidr hazem_khidr غير متواجد حالياً

من انا؟: انا مهما كبرت صغير ..انا مهما عليت مش فوق !!!!
التخصص العملى: محاسب و صاحب مصنع ملابس
هواياتي: السيارت و شغف القياده
 
تاريخ التسجيل: Jun 2008
الموقع: جمهوريه مصر العربيه.المحله الكبري
المشاركات: 8,325
hazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond reputehazem_khidr has a reputation beyond repute
افتراضي رد: مأساتي مع سيارات المعاقين(حازم خضر)

شكرا لمرورك احمد باشا


السؤال دلوقتي

لو جت فرصة تانية هل هتكرر نفس التجربة

و لا توبة
بصراحه يا احمد باشا انا حقولك علي حاجه
لو لقيت قدامي فرصه زي دي بس الشخص معاه نحو الاميه و معاه رخصه سواقه
يعني واحد جاهز و في خلال اسبوع او اتنين الموال دا يخلص يبقي اوك حعملها مافيش مشكله
بس كون اني ارجع اعمل نفس الموال دا تاني لا طبعاااااااااا
__________________

حـازم خـضـر




رد مع اقتباس
  #4  
قديم 14-04-2009, 09:15 AM
الصورة الرمزية bmkbmk
bmkbmk bmkbmk غير متواجد حالياً
من انا؟: محمد كمال
التخصص العملى: Oracle systems consultant
هواياتي: العربيات ... الكمبيوتر ... الجيم
 
تاريخ التسجيل: Nov 2008
الموقع: الكويت و نفسى ارجع مصر
المشاركات: 2,425
bmkbmk has a reputation beyond reputebmkbmk has a reputation beyond reputebmkbmk has a reputation beyond reputebmkbmk has a reputation beyond reputebmkbmk has a reputation beyond reputebmkbmk has a reputation beyond reputebmkbmk has a reputation beyond reputebmkbmk has a reputation beyond reputebmkbmk has a reputation beyond reputebmkbmk has a reputation beyond reputebmkbmk has a reputation beyond repute
افتراضي رد: مأساتي مع سيارات المعاقين(حازم خضر)

ألف شكر على النصيحة و ربنا معاكو يا حازم باشا

العربية ما شاء الله شكلها نظيف جدا
حرام ركنتها كدة ,,,,
__________________



......................... ..

يا ترى جاهزين لتجربة السواقة اللى جاية ؟؟؟؟؟!!!!!!!
رد مع اقتباس
  #5  
قديم 14-04-2009, 09:33 AM
الصورة الرمزية islam_galal
islam_galal islam_galal غير متواجد حالياً
من انا؟: عبد من عباد الله
التخصص العملى: Mechanical Engineer
 
تاريخ التسجيل: May 2008
الموقع: Alexandria
المشاركات: 2,442
islam_galal has a reputation beyond reputeislam_galal has a reputation beyond reputeislam_galal has a reputation beyond reputeislam_galal has a reputation beyond reputeislam_galal has a reputation beyond reputeislam_galal has a reputation beyond reputeislam_galal has a reputation beyond reputeislam_galal has a reputation beyond reputeislam_galal has a reputation beyond reputeislam_galal has a reputation beyond reputeislam_galal has a reputation beyond repute
افتراضي رد: مأساتي مع سيارات المعاقين(حازم خضر)

جزاك الله خيرا علي النصيحة يا حازم
ربنا يهون عليكوا باقي الحكاية
بصراحة الواحد بيحاول يتحاشي التعامل في أي حاجة مع الحكومة قدر الامكان لغاية لما ربنا يكرمنا
__________________

مقولة مأثورة (اللَّهُ يَنْصُرُ الدَّوْلَةَ الْعَادِلَةَ وَإِنْ كَانَتْ كَافِرَةً وَلَا يَنْصُرُ الدَّوْلَةَ الظَّالِمَةَ وَإِنْ كَانَتْ مُؤْمِنَةً)
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 08:43 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017