اسئله واجابات عن الإسكوتر ( الفسبا الصيني ) ؟؟؟

[emad258]

بسم الله الرحمن الرحيم

طبعا الكل بيعنى من الزحمه و الموصلات كل يوم و أول حاجه بيفكر فيها العربيه بس للأسف بيتصدم بسبب الأسعار المبالغ فيها للعربيات في بلدنا
طاب الحل ايه ؟؟؟

أجيب موتسكل صيني ؟؟ بس دا شكلوا مش أد كده قدام الناس وكمان أنا دكتور أو مهندس ومش أمان كمان مفهوش اي ثبات ؟؟؟

و في الأخر اللى بيدور بيلاقي قدامه الأسكوتر ( الفيسبا الصيني ) اللى شكلها حلو و بردوا أمان عن الموتسكل وفي الأول و الأخر التمن ممتاز

بس

المشكله في الصيانه و قطع الغيار !!
هو معقوله اشتري حاجه بـ 5000 أو أكتر كمان شويه و في الأخر مش لآقي قطعه غيار أو مش عارف اصلاحها !!!

عشان كده انا عملت الموضوع دا عشان يكون هو المصدر بتاعنا للمعلومات

اي حد عارف قطع الغيار بتتباع فين ؟؟
أو فين الناس اللى بتشتغل في الفسبا دي و تصليح و كده ؟؟؟
بالأضافه الى أحسن الأنواع المتوفره في السوق و أسعرها ؟؟؟

و دي صوره للنوع دا من الفسبا للتوضيح و هو نوع بيتباع هنا في مصر

[dr_eslam_66]

ياعني إنتا شايف إني لو الموتوسيكل الصيني شكله مش قد كدة قدام الناس وكمان أنا لو دكتور أو مهندس وفوق دا كله خايف على نفسي من الموتوسيكل الصيني بسبب عدم توافر وسائل الأمان؟؟؟؟ (أنهي وسائل أمان دي اصلا إلى في موتوسيكل لو حتى كوازاكي أو هوندا) إني يبقى الحل الأمثل إني أفكر في سكوتر صيني أو فيسبا ياعني على رأيك.

[emad258]

المشاركة الأصلية كتبت بواسطة dr_eslam_66 ياعني إنتا شايف إني لو الموتوسيكل الصيني شكله مش قد كدة قدام الناس وكمان أنا لو دكتور أو مهندس وفوق دا كله خايف على نفسي من الموتوسيكل الصيني بسبب عدم توافر وسائل الأمان؟؟؟؟ (أنهي وسائل أمان دي اصلا إلى في موتوسيكل لو حتى كوازاكي أو هوندا) إني يبقى الحل الأمثل إني أفكر في سكوتر صيني أو فيسبا ياعني على رأيك.

هو الأسكوتر ثابت اكتر من الموتسكيل و كمان النوع دا بيكون اوتومتك مفهوش غيرات فبيكون سهل في السواقه

بس مش ارحم من زحمت الموصلات و الشعبطه في الإتوبيسات ها ايه رأيك شكلك أحسن وانته ركب الأسكوتر ولا و انته بتنط من الأتوبيس يا دكتور
بالأضافه انه وسيله سريعه مش هتقف في زحمه ولا غيره ماشي على طول

طاب سؤال عندك حل أفضل ؟؟؟

[dr_eslam_66]

لا طبعا لا يوجد عندي حل أصلا تعالى نحط همنا على بعض ونقعد نعيط.
أنا بهزر معاك ياراجل.
ماتكبرش يالموضوع قوي كدة مالها ياعني المواصلات العامة أنا شخصيا لحد ماخلصت الكلية وأنا معتمد إعتماد كلي على التاكسي والمايكروباص والمترو وأحيانا ولاكن نادرا الأتوبيس لأنه ساعات بيكون الحل الأمثل لبعض المشاوير الغريبة.
إحنا عندنا ثقافة بتقول إني المواصلات بهدلة ليه ياعني مع إنها الحل الأمثل ومش عايز أقول الأوحد لمعظم مشاكلنا اليومية.
وبعدين دلوقتي بقى عندك الأتوبيس المميز والأتوبيس المكيف وغير دا كله شركات النقل الجماعي الي شاركت في مشروع النقل الجماعي تفتكر كل ده ما خلاش يومك أسهل من يوم باباك وجدك مهما كانت الزيادة السكانية.
بكرة حال البلد يتعدل ونفهم فعلا ياعني إيه مواطن ليه حقوق وكرامة وساعتها هتفضل الأتوبيس والمترو عن عربيتك الي مابتلاقيلهاش ركنة ولو لقيت واحد غبي يخبطهالك وهيا واقفة أصلا ولو لقيت ركنة نضيفة مش مزنوقة وفي حتة فاضية تلاقي مجموعة شباب أمامير كدة وماراهومشي أي حاجة في الدنيا غير إنهم يقلبوا عربيتك مسطبة للحكاوي ويفتحوها قهوة ومش بعيد يقلبوهالك غرزة.

[roaaroma2005]

بصراحة هى عجبانى بس خايف اجيبها ( كمان شهران باذن الله )
ادوخ فى الصيانة بتاعتها لانها اتوماتيك وانت ما ادراك بصيانة الاتوماتيك
ودى كمان صينى فيسبا ياريتها موتسيكل عادى لا فيسبا وايه اتوماتيك
فهمت رئى يا بوب ؟
قولى رئيك انت ايه الصح