العودة   مصر موتورز مجتمع السيارات > السيارات الكورية والماليزية > بروتون PROTON

بروتون PROTON شركة بروتون هي الصانع الماليزى الوطني للسيارات. يعود إنشاء الشركة لعام 1983 بناءًا على توجيهات مباشرة من رئيس الوزراء الماليزى آنذاك، د. مهاتير محمد. شركة بروتون القابضة، هي الشركة المسيطرة على بروتون للسيارات.


إضافة رد
 
أدوات الموضوع
  #16  
قديم 18-05-2012, 03:12 AM
الصورة الرمزية Mahmoud.0011
Mahmoud.0011 Mahmoud.0011 غير متواجد حالياً
هواياتي: السيارات والرياضه والكمبيوتر
 
تاريخ التسجيل: Jul 2010
الموقع: مصر
المشاركات: 6
Mahmoud.0011 is on a distinguished road
افتراضي رد: تقرير بروتون ساجا بعد ال100 ألف كم

برنس والله ........... موضوع جامد ويا ريت يتثبت
__________________

سبحانك اللهم وبحمدك .... أشهد أن لا إله إلا أنت

أستغفرك وأتوب اليك
رد مع اقتباس
  #17  
قديم 21-05-2012, 12:40 PM
mo7hamedemad mo7hamedemad غير متواجد حالياً
التخصص العملى: مدرس لغة انجليزية
 
تاريخ التسجيل: Jan 2010
الموقع: جسر السويس القاهرة
المشاركات: 26
mo7hamedemad will become famous soon enoughmo7hamedemad will become famous soon enough
افتراضي رد: تقرير بروتون ساجا بعد ال100 ألف كم

اتمني التثبيت للافادة
رد مع اقتباس
  #18  
قديم 02-06-2012, 02:27 AM
احنا الطلبه احنا الطلبه غير متواجد حالياً
 
تاريخ التسجيل: May 2012
المشاركات: 23
احنا الطلبه will become famous soon enough
افتراضي رد: تقرير بروتون ساجا بعد ال100 ألف كم

طيب حضرتك تنصح بايه لو حد هيشتريها
خصوصا انها اول عربية ليه
رد مع اقتباس
  #19  
قديم 08-07-2012, 04:52 AM
tymoster tymoster غير متواجد حالياً
 
تاريخ التسجيل: Jul 2010
المشاركات: 4
tymoster is on a distinguished road
افتراضي رد: تقرير بروتون ساجا بعد ال100 ألف كم

اللله ينور عليك
رد مع اقتباس
  #20  
قديم 08-07-2012, 11:53 AM
s.aziz s.aziz غير متواجد حالياً
 
تاريخ التسجيل: Jan 2011
المشاركات: 21
s.aziz is on a distinguished road
افتراضي رد: تقرير بروتون ساجا بعد ال100 ألف كم


المشاركة الأصلية كتبت بواسطة mo7hamedemad مشاهدة المشاركة

تقرير بروتون ساجا بعد ال100 ألف كم

سيارة تستحق الاحترام ...بروتون ساجا .....خبرة جديدة ......هي سيارة صغيرة من حيث حجم المحرك .....ولكن عالية الاداء لتعطي اداء خارق بدون اي اضافة او تعديل .

السيارة بعد 100 الف كم ..... السيارة لم تبقي علي حالها بعد 100 الف بالطبع ولكن تحسنت كثير بعد قطع كل مسافة وسوف احاول ان اتحدث عن كل جوانب السيارة بعد التجربة عن كل شىء:-


التسارع

التسارع في بداية استخدام السيارة كان معدل التسارع من 0 الي 100 كان في 12 ثانية علي خلاف ما هو مكتوب في كتيب السيارة الذي يقول 13 ثانية وبعد الاستخدام لاكثر من 100 الف كم اصبحت تتسارع من 0 الي 100 في 10.5 ثانية وبكامل الحمولة في 11 ثانية الي 11 ونصف (ماشاء الله ) وبذلك هي تتفوق على كل أو أغلب محركات ال1600 سم3 مثل الأُكتافيا – الباسات – الفيرنا – الابترا - الداتشيا لوجان - الافيو - اللانوس الخ ومع العلم أن أقصي سرعة أنا وصلت لها كانت 185 كم س وكانت تساوي 177كم س علي الجي بي اس ومع العلم أنك تستطيع ان تقهر أي سيارة مما سبق تحت السرعة المذكورة 185 كم / س ولكن اذا سمح الطريق سوف تزداد بصعوبة السرعة وتم التجربة مع اكتافيا ايه 5 وشيفرولية ابترا وكانت النتيجة غريبة جداً التسارع من 0 الي 170 لصالح الساجا بفارق 1 كم عن الاكتافيا ايه 5 وبفارق 100 عن الابتر حتي سرعة 170 كم/س ويتقلص الفارق حتي سرعة 185 كم /س ليتفوقوا على الساجا بعد تلك السرعة

الثبات

السيارة تمتاز بأنها بها ثبات غير عادي لكونها سيارة صغيرة ورخيصة السعر بالطبع لاتنافس فولكس فاجن جروب ولكن تعطي ثبات ممتاز اذا قورنت بمن في مثل سعرها او يزيد عنها في السعر . السيارة على تعليق خلفي متصل مع فتح زاوية الكامبرا وتزداد الزاوية في الفتح مع الحمولة لتعطي ثبات أفضل من الفيرنا الانوس بكثير ملخص السيارة يمكن التحكم بها بكل اقتدار حتي سرعة 140 لتناور وتفعل مايحلو لك وبعد 140 إلي 180 ثبات جيد لتفعل كافة المناورات البسيطة مثل التفادي او التقاطع المفتوح شعور صعب ولكن لن تعرفه حتى تجربه .


جودة الخامات الداخلية والخارجية

.من الداخل ... السيارة من خامات مقبولة ...تتساوى بالافيو والابترا نفس نوع البلاستيك للتابلوه والأبواب بشكل عام لايقارنوا بالطبع بالمرسيدس .جودة الفرش وضعية الجلوس ممتازة وليست جيدة . المكونات الخارجية ممتازة في كل شئ جودة جسم السيارة . معالجة ضد الصداء الشاسية الذي صنع من الفولاذ وبالتحديد 75% من الفولاذ مناطق كثيرة في جسم السيارة معدة للانهيار لامتصاص الصدمة وتشتيتها عن حجرة الركاب في حالات الحوادث - لاقدر الله - .

الاتساع

السيارة تمتاز بالاتساع عن كل منافسيها حتى أصحاب محركات ال1600 في السوق ولكن إذا قورنت الاتساع من الخلف في العرض مع الداتشيا لوجان الداتشيا الكنبة والشنطة أوسع .ولكن هي لن يشعر 5 ركاب في الساجا بالزحام بل بالراحة

استهلاك الوقود

السيارة تستهلك وقود علي الطرق السريعة قليل بالفعل من 6لتر لكل 100كم الي 8.5 لتر لكل 100كم مع تشغيل التكييف او الحرق علي سرعات عالية الاستهلاك داخل البلد حسب طبيعة الزحام عادي او شديد تستهلك 10 لتر لكل 100 الي 13 لتر لكل 100 كم وبالطبع هذا الاستخدام طبيعي بالنسبة لمحرك 1600 سم 3ولكن ليس طبيعي مع محرك 1332 سم3 ولكن لاننسى الأداء الخارق لهذا القلب النابض للفهد . الأداء مع الحمولة أو التكييف جيد جداً جداً أي سيارة سعة المحرك أقل من 4000سم3 تشعر بضعف مع التكييف ولكن لن تصبح الساجا كنبة مع التكييف ولكنها بالطبع يضعف الاداء مثل اي سيارة تحت 4000سم مكعب


الصيانة وقطع الغيار

صيانة السيارة سهلة نسبياً اذا تعاملت مع المتخصص المطلوب مثل التوكيل او مركز عصام وصفا او امير وجوزيف .مراكز الصيانة المعتمدة من بروتون قطع الغيار هي اشتغالة كبرى من المحلات وتجار الاستيراد لمعرفتهم براكب بروتون في الغالب شاب ولا يعرف شئ عن الميكانيكا او التوافق او التصميم .مثال فلتر الزيت من الماركة س1 يباع للميتسوبيشي لانسر ب 27 ويباع نفس النوع س1 لمالك البروتون ب45 جنيه علي اعتبار ان راكب البروتون كائن فضائي لسة نازل الارض وتربة خصبة للاشتغال . سوف اذكر كل قطع الغيار المتوافقة التي اكتشفتها بعد عناء واشتغلات من التجار .قطع الغيار بدون تعديل لتركب فوراً التوكيل وسياسة البيع للسيارة من واقع حبي واحترامي لدولة ماليزيا وشركة بروتون قمت انا ومجموعة من اعضاء وادامن نادي الساجا مصر علي الفيس بوك . بمحاولة لتحسين الخدمة في التوكيل من حيث البيع او الصيانة وكان هناك من يستجيب وهناك من يعطي الاذن المعروفة بودن من طين واخرى من بطيخ .

اعادة البيع والتدوير التجاري

ممتاز للسيارة اذا ابتعدت عن التجار السفاحين الذين يبخسون السعر لدرجة تشعرك انك انسان متخلف واتخذت قرار اكثر تخلف بشرائك البروتون ساجا اقول ماسبق بسبب تجربتي في البيع والشراء لاكثر من ماركة مشهورة جداً جداً او ماركة ليست مشهورة في جميع الاحوال البيع عن طريق الانتر نت او الجرئد او الاعلانات بشكل عام المقروئة احسن من البيع لمعرض او في سوق السيارات .

مميزات ومواصفات بروتون ساجا

المحرك 1332 سم مكعب خارج العزم 120 نيوتن علي المتر 97 حصان
وزن السيارة 1100 كج تقريبا ( 1065 بالظبط للاتوماتيك ) وطبعاً ده اثقل في الوزن من الفيرنا والانوس والداتشيا لوجان ومع العلم انها الاطول بفارق 2 سم منهم جميعاً واقل في العرض وده يوضح اداء المحرك وامان الهيكل

التسارع من 0 الي 100 في 11 ثانية تقريباً الامان مترجم في 5 احزمة امان وكيس هوائي للسائق وهيكل فولاذ وقضبان حماية بالابواب واسفل التابلوه وحتى بالشنطة الخلفية ( حاجة كده محترمة جداً) تكييف وباور وغلق مركزي و2 مفتاح ريموت ومريا كهرباء و2 زجاج كهرباء تحكم في ارتفاع مقعد السائق وفي 6 اتجاهات التحكم في ارتفاع المقود (الطارة) اضواء مبهرة بالاضافة الي اضواء شبورة في الامام والخلف حساس للرجوع في الخلف جنوط اسبور بوصة14 ذات شكل رائع +اطارات عريضة لتلك الفئة 14 علي 185 في 60 كاسيت سي دي كلاريون اوديو اماكن تخزين كثيرة جداً فتح الشنطة والتانك من الداخل جهاز ايموبلايزر لاستحالة السرقة غير بالمفتاح الاصلي (تقريباً 550 جنيه )

العفشة والتعليق جيد جداً والسيارة مرتفعة حتى مع التحميل ، العزل الصوتي والحراري جيد جداً ويتفوق علي كل المنافسين والمنافس الاشهر الداتشيا لوجان بتسمع صوت البنزين في الخزان وحرارة اسفل الدواسة واصوات غريبة من المريات وغطاء المحرك (دي حاجة متعبش الداتشيا طبعاً )

العيوب

سعة تانك البنزين صغيرة جداً 40 لتر فقط ودة بيزود الاحساس بالاستهلاك في البنزين ومقسمة الي 6 خطوط اول 4 خطوط كل منهم =5 لتر واخر خطين =20 لتر بالطبع الناس بتخاف تخلص بنزين فيدخل يفول كل 30 لتر

العيب الاهم الدهان او طلاء السيارة مصمم لدول الخليج ليتحمل الحرارة وعدم تغير اللون او الصداء ولكنه ليس بالكثافة علي البوصة المربعة عشان طبعاً الطوب والرمل اللي نازل من سيارات النقل الثقيل علي الطرق السريعة بعد فترة بتلاقي نقر وخدوش الخ

التوكيل لايهتم بالدعاية على الاطلاق ولا حتى تدريب الكوادر التي تبيع السيارة فطبعاً اكثر من مرة نجد من يمثل التوكيل في احد منافذ البيع مش فاهم ومش حابب المنتج فطبعاً كارثة حجم السيارت التي تدخل سنوياً لايتعدى 2000 سيارة ممكن ده السبب في قلة الدعاية من وجهة نظر التوكيل سعر السيارة رخيص نسبياً بالنسبة للامكانيات المتوفرة بها .

عدم وجود منافذ بيع وصيانة في كثير من المحافظات عدم توفير قطع غيار بشكل دائم للسيارت المباعة ( دي مشكلة موجودة حتى في مرسيديس )

البطارية ليست جافة ولازم تتغير بعد السنة الاولى وجود بعض الفنيين معدومي الضمير بالتوكيل ( مشكلة اخلاق عامة في كل التوكيلات في غبور منصور كل التوكيلات )

قطع الغيار المتوافقة بدون تعديل او بتعديل

كبالن ساجا =كبالن كرستالة =كبالن اكسيل
تيل الفرامل ساجا=تيل افيو =تيل بروتون سافي
فلتر زيت ساجا = لانسر
فلتر هواء ساجا = جين تو وبيرسونا
اسطوانة وديسك وبلية = جين تو وبيرسونا =كرستالة 1600
ماكينة استوب فرامل ساجا = رينو كليو فلتر البنزين ساجا = دايو لانوس جين تو بيرسونا ابترا افيو
بلي العجل الخلفي ساجا = رينو كليو = بيجو 205
موتور مروحة التكييف بالريش بدون الفريم ساجا = لانسر كرستالة
سوست ياي خلفي ساجا =افيو
طنابير ساجا = افيو باضافة ثقب لتركيب مسمار اضافي خاص بالساجا
مانفولد ساجا =بيرسونا وجين تو
بساتم ساجا= لانسر 1600 بومة او كرستالة

اخيراً لايوجد في العالم سيارة متفردة في قطع الغيار الامن حيث الشكل الخارجي فقط انما من الداخل فيجب التشابه مع اكثر من ماركة اخرى في ماسبق ذكره كان بسبب حادث او تلف قطعة الغيار واكتشفت التشابة وتعلمت ان مفيش حاجة لها التوافر بنسبة 100% مثال وانا بدور علي كبالن للكرستالة او للاكسيل حد يصدق اني دوخت عشان الاقيهم نفس الشئ على ماكينة الاستوب بتاعة الرينو السوست الخلفي للافيو موتور المروحة للكرستالة كل ده تدوخ عليهم وتسمع نفس الكلمة في الحرفيين او الوكالة او احمد سعيد او دمشق اصلها ناقصة بقالها فترة . ماتم ذكره انا دوخت عليه وطالب المقابل منكم متنسونيش بالدعاء بس وربنا يتقبل

بعض قطع الغيار التي بها اشتغالات بارقام فلكية

محرك بروتون ساجا عند بعض التجار ب4000 جنيه كامل بالكنترول وعند بعض الناس 7000 جنيه من غير كنترول

الفتيس الاوتوماتيك ب1500 الي 2000 وعند بعد التجار 5000جنيه... متنساش انك كائن فضائي

المريا في التوكيل 460 جنية تلاقيها برة ب600 جنية طبعاً ....انت كائن فضائي وحتسمع كلام غريب جداً اصل انا اللي بدي التوكيل ..والله العظيم واحد متخلف قالي كده بالظبط علي المريا بيقولي 600 جنيه قولت ليه لما هي ب500 في التوكيل 460 جنيه كمان بصو الرد بقي اصل انا اللي بدي للتوكيل ثم ان اللي في التوكيل مش اصلي والله العظيم انا حسيت بتخلف لحظي كده يعني هو بيدي للتوكيل والتوكيل بيبيع بخسارة ثم ان اللي عند التوكيل مش اصلي وهو اللي بيدي للتوكيل يعني الي عنده هو كمان مش اصلي المهم انتوا كمان حتحسوا بتخلف لحظي وانتوا بتتعاملوا مع الناس دي

القنطرة الي شايلة الحوض هي شبيهة بقنطرة الانترا والسيراتوا ولكن ليست نفس المقاس انا كنت اشتريتها ب800 جنيه واثناء البحث نفس الراجل المتخلف عاوز يبعها جديدة 4000 الاف بسعر التوكيل والاستيراد 1800 جنيه مع العلم كمان انها في التوكيل 3700 وتستهال السعر لانها فعلاً كبيرة كل ده بسبب فتي البشر بأن اسعار قطع الغيار غالية طيب يكون في معلومك ان اسعار قطع غيار البروتون ساجا ارخص من قطع غيار الشيفرولية اسبارك والداتشيا لوجان في كل حاجة الا تيل الفرامل والفانوس الخلفي اي حاجة تانية الساجا اقل في السعر واعلي في القيمة.

من الغرائب والطرائف ايضا سعر الاربع مساعدين للساجا في التوكيل 1300 جنيه وخارج التوكيل 1500 ونفس الكلام في اغلب المحلات وتقريباً نفس المستورد وكل واحد يقول اصل دي حاجة مضمونة طيب بتدي عليه ضمان مكتوب يقولك لاء هو حد ضامن حاجة سبحان الله طيب التوكيل بيبعهم ارخص وعليهم ضمان كم وسنة . اسمعوا الرد ده اصل اللي في التوكيل مش اصلي انما لو اصلي مكنش خاف منهم وحب يطمن الناس بضمان وهمي ولما يحصل حاجة يتخلي عنك . ردود وكلام بصراحة يجيب شلل طبعاً بسبب ذكائي المحدود بيجيلي تخلف لحظي بس بفوق منه بسرعة لاني اتعاملت مع التوكيل في مصايب كتير وعارف الناس بتعمل ايه لو قطعة الغيار محجوزة ومتوفرة بتتغير فوراً وممكن تشتكي من حاجة ويكتشفوا حاجة تانية كمان معها فتتغير من نفسهم كده يعني الناس محترمة وبتفهم امال الكلام ده بيجي منين ؟؟؟ اولاً وجود بعض الفنين الي مبيفهموش حاجة او بيكبر دماغه ومش فارق معاه العميل يبقي يشتكي تاني او ناس لم تتعامل مع توكيلات اخرى في مصرف معندوش فكرة ان كل توكيلات مصر بلا استثناء معندهاش كل حاجة للعربية بصورة دائمة وممكن الموضوع يدخل في 4 شهور تأخير مرة طلعت علي تبة خرصانة في حادث ف القنطرة والمقص والجنط القنطرة جيبتها 800 جنية والمقص 300 والجنط ب300 ده عشان لفيت وسألت وعملت مفتح وكان ممكن اجيبهم من السفاح في الحرفيين بكام ؟ قنطرة 4000 مقص 500 جنط واحد 1400

قارنوا كده ..... الحمد لله اننا عملنا جروب علي النت للملاك الساجا عشان نعلم ونفيد بعض لوجه الله....

اسف للاطالة ومتنسونيش في الدعاء

نسيت الزيت افضل انواع الزيوت عن تجربة كل منتجات مصر للبترول ثم شيل الاصفر او توتال 5000 او مصر الذهبي او الازرق التخليقي ممنوع نهائي الا مصر فينكس والسبب انه مبيعليش صوت المحرك . برجاء شراء الزيوت من محطات الوقود نفسها وبفاتورة بالمناسبة بعد 100 الف كم يومياً

الشكمان بيعرق مياه مما يعني ان المحرك بحالة ممتازة

الرجاء معرفة سعر قطعة الغيار التى ترغب في تغيرها في التوكيل اولاً وكيفية الاستمرار في الضمان حتي تحافظ عليه لان الضمان ده مفيد جداً

اسف لو نسيت حاجة بس والله العربية الحمد لله زيرو ماشاء الله

صلاح حكيم saga egypt club مجموعة من ملاك السيارة علي الفيس بوك
منقول من صلاح حكيم
يعنى شرح لمواصفات العربية بمنتهى الدقة والحرفية ياريت لو كل الناس تعمل مواضيع كدة واتمننى من صاحب الموضوع يعمل لينا مووضوع عن بروتون واجا

بجد كل الشكر لصاحب الموضوع
رد مع اقتباس
إضافة رد

الكلمات الدليلية
بروتون ساجا

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 07:37 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017