انا شوفت العربيتين دول النهاردة (مساعدة فى شراء المستعمل)

[ramykimo]

شوفت عربيتين تانى النهارده

اولا ميجان 2001 اتوماتيك-130 الف كيلو :حالتها من بره كويس و فرشها محترم صوت الموتور و العفشة كويس ..المهم انا استريحتلها فاخدتها الحرفين لمحمد الشرقاوى عمل كشف عليها و قالى كويسة وو مش محتاجة غير الصيانة العادية وتغير زيوت وفلاتر و طقم كاتينة و شوية شغل فى العفشة حدود 3500 جنيه- اصاحبها طالب 46 الف

التانية: سينيك 2000- اتوماتيك 200 الف كيلو- حالتها من بره سيئة جدا هى مش رشة بس متبهدلة كصاج يعنى ودهان .. ركبتها الموتور كويس و بيسحب و العفشة عادية محستش انها فيها حاجة و واحد صاحبى برضو ركبها و قالى انها كويسة بس هيا محتاجة فرد كاوتش و صبانة فى طرمبة البنزين ... بس انا لسه مكشفتش عليها و المفروض اكشف بكره عليها مطلوب 37 الف بعد فصال

طبعا الميجان كحالة افضل من السينيك من الخارج و كيلو متر اقل بس كموتور و عفشة انا لسه معرفتش السينيكك عمله ايه لانى هوديها فرنش موتورز بكره ..اللى مخلينى متمسك بالسينك و مخلصتش فى الميجان :
الفرق فى السعر حوالى 10 الاف
انا حبيت شكل السينيك و ارتفاعها اكترو وسعها
السينك مخلصة الصيانة تقريبا و صاحبها بيسافر بيها و ماشية كويس


ياريت تفدونى كلكم و تقولو رايكم .... شكراااا

[POP EL GAMED]

باشا فرق السعر ده هتدفعه هتدفعه
يعنى على اعتبار انهم 10 الاف ال10 دول هتدفع منهم ما لا يقل عن 2000 جنيه تمن الدوكو والسمكره
وقول فى حدود ال1500 كاوتش
ولسه طبعا متعرفش العربيه فيها ايه ممكن تاخدلها بتاع 1500 تانيين
هتلاقى الفرق اصبح 5 مش 10 ويمكن اقل
السينك انا قلتلك اوسع من الميجان بس فى العلو الميجان مش اوطى من السينك ولا حاجه انت بس حسيت بكده عشان السينك اطول من الميجان
والسوق بيطلب الميجان اكتر من السينك زى ما قلتلك قبل كده
وقطع غيار السينك الشيب ده مش كتير اوى جديد يعنى هتلاقى نفسك معتمد على الاستيراد فى حاجات كتير(اقصد الصاج والفوانيس وبعض الاجزاء داخليه)
عن نفسى تانى هقولك انا لو مكانك هخلينى فى الميجان
لكن نصيحه اخويه بما انك استريحت للسينك وعجباك(بعيدا عن فرق الفلوس) اتكل على الله فيها
لان لو خدت الميجان عشان النصايح وطلع فيها مسمار هتكره العربيه واللى نصحك وتقول ياريتنى كنت خدت التانيه خد اللى نفسيتك ترتاحلها اكتر والاتنين نفس الموتور يعنى مشكله الميكانيكا محلوله ان شاء الله وربنا يوفقك فى الاختيار يا باشا

[محمد مجدى رينوهاوى]

المشاركة الأصلية كتبت بواسطة ramykimo شوفت عربيتين تانى النهارده اولا ميجان 2001 اتوماتيك-130 الف كيلو :حالتها من بره كويس و فرشها محترم صوت الموتور و العفشة كويس ..المهم انا استريحتلها فاخدتها الحرفين لمحمد الشرقاوى عمل كشف عليها و قالى كويسة وو مش محتاجة غير الصيانة العادية وتغير زيوت وفلاتر و طقم كاتينة و شوية شغل فى العفشة حدود 3500 جنيه- اصاحبها طالب 46 الف التانية: سينيك 2000- اتوماتيك 200 الف كيلو- حالتها من بره سيئة جدا هى مش رشة بس متبهدلة كصاج يعنى ودهان .. ركبتها الموتور كويس و بيسحب و العفشة عادية محستش انها فيها حاجة و واحد صاحبى برضو ركبها و قالى انها كويسة بس هيا محتاجة فرد كاوتش و صبانة فى طرمبة البنزين ... بس انا لسه مكشفتش عليها و المفروض اكشف بكره عليها مطلوب 37 الف بعد فصال طبعا الميجان كحالة افضل من السينيك من الخارج و كيلو متر اقل بس كموتور و عفشة انا لسه معرفتش السينيكك عمله ايه لانى هوديها فرنش موتورز بكره ..اللى مخلينى متمسك بالسينك و مخلصتش فى الميجان : الفرق فى السعر حوالى 10 الاف انا حبيت شكل السينيك و ارتفاعها اكترو وسعها السينك مخلصة الصيانة تقريبا و صاحبها بيسافر بيها و ماشية كويس ياريت تفدونى كلكم و تقولو رايكم .... شكراااا

هههههههه وراك وراك يا استاذ رامى
يارب اكون قدرت افيدك فى مداخلاتى التانية

[POP EL GAMED]

مداخلاتك التانيه كترت يا عم محمد ربنا يباركلك فى ال........

[محمد مجدى رينوهاوى]

المشاركة الأصلية كتبت بواسطة POP EL GAMED مداخلاتك التانيه كترت يا عم محمد ربنا يباركلك فى ال........

مهما كترت مداخلاتى التانية على الاصل دور يا بوب ptmnlo123per122