أقصى سرعة جبتها بالشاهين كام ؟

[إبراهيم عثمان]

السلام عليكم ورحمة الله وبركاته

عايز أعرف أقصى سرعة حد وصلها بعربية شاهين كانت كام ؟
مع تحديد الموديل والفئة؟

لأنى سمعت ناس بتقول 170 و 160 وحاجات كدا

مع العلم بأن العربية معايا آخرها 120 ومرة واحدة جابت 140 - فى منحدر - وساعات بتجيب 130 ( على حسب الريح هههههههه )

أنا كنت قلت للميكانيكى قبل كدا وفعلا طلع جربها معايا على الدائرى وقاللى عندك حق راح فتح الكابوت فى ساعتها ومش عارف عمل ايه - ما أخدش لحظات - وراح راكب وجاب بيها 140 مستريح ومن ساعتها مابتجيبش 140 مستريح خالص آخرها 120 وببقى جايب آخر الاكسلاتير - مش عارف دا غلط ولا ايه -

آه صحيح ... نسيت أقول إن الميكانيكى بيحرق لآخر الغيار وهو سايق إنما أنا نادرًا لما أعمل كدا أنا بنقل فى الأول خالص

[حسام البورسعيدى]

بصراحة 120 قليل قووووووى على الشاهين واكيد انتا عندك مشكلة ....

امال سبت ايه لل 128 بقى ؟؟!!!!!

بس انت كام cc ؟؟

[إبراهيم عثمان]

أنا 1400 سى سى

وفعلا أنا متضايق جدا لأن دى سرعة ال 128

ومش عارف فين المشكلة

هل كون إنى مابحرقش على الغيار يكون السبب؟

ولا فى مشكلة فى الاكسلاتير أو الواير بتاعه؟

[فادى]

انا جبت بيها 180 كم/ساعة بدون تشغيل المكيف, و 170 كم/ساعة مع المكيف فى طرق مستوية.
شاهين انجيكشن 1600 سى سى موديل 2006.
الوصول الى ال140 سهل جدا مهما كانت ظروف الطريق, الوصول الى 160 يكون أبطأ قليلا لكنه دائم الحدوث, بعد ال160 يعتمد الامر على ظروف الطريق بشكل ما.
الشاهين عزمها قليل على السرعات المرتفعة للمحرك لكن تسارعها رائع على السرعات المنخفضة,
لذا فانه يجب الضغط على دواسة الوقود بشدة للوصول الى سرعات مثل ال160 و ال180, و طبعا حالة المحرك و اسطوانة الدبرياج لهم تاثير مباشر على السرعة القصوى.

[إبراهيم عثمان]

شكرا على المشاركة

أنا عايز أوضح حاجة

إن العربية بتجيب لحد 100 كويس وبعد كدا التسارع يقل لحد 120 وبعد كدا مابتعديش 120

أنا عايز أفهم العيب فى ايه بالظبط؟

مع العلم إن فى خلال سنة أنا مغير طقم دبرياج وعامل طقم شنبر وشوية حاجات كدا