ماحستيش فيوم ان عربيه حيه ؟

[MOUSTAFA_SAAD]

انا كان معايا عربيه بيك اب نيسان موديل 98 يابانى تبع شركة المقاولات اللى كنت شغال فيها وكنت باستخدمها زى الملاكى مشاوير فقط وهى فاضيه ونادرا لما كانت بتحمل حاجه عليها
العربيه دية ظلت معايا لاكتر من خمس سنوات عملت بيها فيهم حوالى 500 الف كيلو وكلهم سفر على طرق مصرالمختلفه عمرها ماعملت معايا فصل بايخ غير مره وانا ماشى على طريق جناكليس دمنهور التيش بتاع الدركسيون اتقطم ولولا انى كنت ماشى بالراحه لانى كنت فى حته مقطوعه الساعه 12 بالليل وكانت عباره عن مدق متكسر كان زمانها اتقلبت بيا وبالاتنين اللى راكبين جنبى
المهم ان التيش اتكسر امام محل عفشجى والراجل كان قافل والناس بعتت جابته من بيته واتصلت بسواق معانا فى الاسكندريه اشترهولى وجبهولى لغايه المكان بتاعى وركبت التيش فى ربع ساعه ومشيت بيها تانى وبعد ماسيبت الشغل زعلت اوى ان سيبت العربيه دية اكتر من زعلى على الناس اللى سيبتهم فى الشغل رغم انها كانت مسوأه سمعتى والناس بتقولى يااسطى لكن بصراحه عربيه عمرها ماتتعوض وزعلت اكتر لما عرفت انهم باعوها ولوكان معايا فلوس مكنتش اترددت ان اشتريها واسيبها مركونه حتى لانها اصيله فعلا

[hyundai2005]

تسلم يا درش وشكرا علي المشاركه الجميله دي

[koashraf]

هو موضوع غريب شويه ومش منطقى بس انا حسيت انه حقيقى، انا كتير بحس ان العربيه بتحس بيا وبتتفاعل معايا فى كتير من المواقف ،وكل مافكر انى ابيعها احس انها زعلت وقامت عامله معايا فصل بايخ.

طيب ايه رأيك انى كنت اتفقت خلاص على بيعها والمشترى معجب بيها واتفقنا على السعر ورايحين يوم السبت نعمل شهادة المخالفات ونسجل فى الشهر العقارى ولان المشترى معرفه مكتبناش عقد ابتدائى كمان قوم ايه يوم الجمعه تحصل مظاهرات الغضب اللى من يومها المرور والشرطه كلها قافله وياعالم حتشتغل امتى...

وطبعاً حتى لواشتغلت مبن اللى حيبيع عربيته ويشترى جديد بعد العربيات اللى اتسرقت واتنهبت واتحرقت.

ومن يومها وانا بقولها حقك عليا يعنى انت عشان ماتتباعيش ولعت فى البلد كلها طيب انا لوجبت جديد برضه مش حبيعك.

[زياد80]

دى حيه وتعبان كمان هههههههه
اكيد فى بعض المواقف بتحس انها كيان زيك و ساعات يتعاطف معاك وساعات يعند معاك

[hyundai2005]

الموضوع حقيقي مش تخيلات ولاتهيؤات