عضو جديد محتاج نصيحة

[سيف الدين سعيد]

المشاركة الأصلية كتبت بواسطة مهند سالم أختلف معاك في نقطة مهمة: في دول ليها خط أحمر للجودة لا تنزل عنه أبدا، وبذلك لا تعطي الفرصة للمستورد المستغل أن يتلاعب كثيرا. لكن مشكلة الصين إنها لا تعترف بالخطوط الحمراء، فتنتج كل ما يخطر على بالك وبكل درجات الجودة، وده بيعطى فرصة للمستورد المستغل أن يتلاعب.

لأ يا باشا الكلام اللى قاله أخونا علام مظبوط تماما وده فى كل الماركات تقريبا ماعدا القله القليله وهى الصفوه مثلا . وان كان برضو حاتلاقى ان اللى بينزل ليك هنا غير اللى بينزل لأوروبا وأمريكا مثلا .
وتعال نشوف الكيا مثلا تقفيلها الداخلى زباله : كاوتش الطبب الداخليه مهرهر والأسلاك فى توصيلات الضفاير ملفوفه بشطرتون اسود واطرافه فاكه زى مايكون كهربائى من تحت السلم هو اللى مقفلها . وده طبعا أكيد حايختلف عن المواصفات الخليجيه . واكيد كمان موجود فى كل الماركات . بدليل ما بنسمع كلمة مواصفات خليجيه .

[سيف الدين سعيد]

المشاركة الأصلية كتبت بواسطة allam87 طيب الاخ مهند طالما انتا نصحتني بالادا ما رايك في الادا 2115 وديت مواصفاتها من علي موقع كونتكت كار http://www.contactcars.com/NewCars_P...?EngineID=2492 علي الاقل شكلها مقبول عن الادا 2107

خليك فى الشكل التقليدى لأن قطع غياره متوفره وحاتتوافر لمده كبيره . اما الأشكال التانيه مانتشرتش وبالتالى قطع غيارها حاتقل بسرعه من السوق . والشكل القديم الجديده ممكن يركبلها تكيف ووحدات رفع للزجاج وفيها سنتر او يركبلها برضو . يعنى تبقى تقريبا فول اوبشن عدا الفتيس وفتحة السقف

[سيف الدين سعيد]

المشاركة الأصلية كتبت بواسطة mohamedkamel8677 جولف او كورولا

ياعم بيقوللك ميزانيته محدووووووووووده . انت بتتكلم عن مستعمل واللا عربيه فوق ال100 الف ؟؟؟؟؟؟؟؟؟؟؟؟؟؟؟؟؟؟

[مهند سالم]

المشاركة الأصلية كتبت بواسطة allam87 طيب الاخ مهند طالما انتا نصحتني بالادا ما رايك في الادا 2115 وديت مواصفاتها من علي موقع كونتكت كار http://www.contactcars.com/NewCars_P...?EngineID=2492 علي الاقل شكلها مقبول عن الادا 2107

أولا وبصراحة أنا لا أعرف هذا الموديل .
ثانيا: خليك في الادا المعروفة بغض النظر عن الشكل، لعدة أسباب:
كل الناس عارفاها وبتشتغل فيها.
مميزاتها ومشاكلها معروفة.
قطع غيارها موجودة.
لما تيجي تبيع ألف مين هيشتري. وربنا يوفقك

[مهند سالم]

المشاركة الأصلية كتبت بواسطة سيف الدين سعيد لأ يا باشا الكلام اللى قاله أخونا علام مظبوط تماما وده فى كل الماركات تقريبا ماعدا القله القليله وهى الصفوه مثلا . وان كان برضو حاتلاقى ان اللى بينزل ليك هنا غير اللى بينزل لأوروبا وأمريكا مثلا . وتعال نشوف الكيا مثلا تقفيلها الداخلى زباله : كاوتش الطبب الداخليه مهرهر والأسلاك فى توصيلات الضفاير ملفوفه بشطرتون اسود واطرافه فاكه زى مايكون كهربائى من تحت السلم هو اللى مقفلها . وده طبعا أكيد حايختلف عن المواصفات الخليجيه . واكيد كمان موجود فى كل الماركات . بدليل ما بنسمع كلمة مواصفات خليجيه .

مفيش خلاف بين وكلامي وكلامك:
أنا عارف طبعا إن إلا بينزل السوق الأوربي وغيره من الأسواق المتقدمة من أي عربية حتى ولو مرسيدس بيختلف عن إلا بينزل للأسواق التعبانة، طبعا لأن المواصفات بتختلف وعوامل السلامة والأمان والإمكانيات، يعني عندك السوق الأوربي له مقاييس للجودة والسلامة لو الشركة لم تراعها فلن تدخل سيارة واحدة.
لكن أنا أقصد إن برده هذه الشركات ، حتى الكوري والماليزي منها له خط أحمر لا يتعداه حتى ولو كان بيعمل منتج للأسواق التعبانة بتاعتنا إلا ما بيفرقش معاها عوامل السلامة والجودة، أما الصيني فعنده استعداد يعملك عربية من أردأ أنواع الخامات طالما حضرتك ما عندكش مشكلة تشتري. فالعيب على المستورد إلا خلا الدول الصناعية تعامله على قد عقله، طالما الجشع وعدم احترام المستهلك هو السائد. وشكرا ليك