عضو جديد محتاج نصيحة

[allam87]

طيب الاخ مهند طالما انتا نصحتني بالادا ما رايك في الادا 2115
وديت مواصفاتها من علي موقع كونتكت كار http://www.contactcars.com/NewCars_P...?EngineID=2492


علي الاقل شكلها مقبول عن الادا 2107

[allam87]

اهلا بالاخ الكريم محمد فيصل لكن لو تلاحظ ان معظم العربيات اللي قلتهالي اما سعرها يعدي ميزانيتي وهي خمسين الف لئما مش هاتستحملني في السفر لانها 1000 سي سي وكل الناس قالولي عربية تسافر يبقي فكر في 1300 سي سي فيما فوق وطبعا منكم نستفيد وشكرا ع النصحية

[محمد فيصل]

السيارة ال1000ccبحسن المعاملة والإنتظام فى الصيانة تقدر تعمل بيها 500كم كل يوم
الميزة انها زيرو وانت اول رجل تركبها
بالنسبه للناحية المادية اختر السيارة بدون اى كماليات

[سيف الدين سعيد]

المشاركة الأصلية كتبت بواسطة allam87 شكرا ليك يا اخ مهند علي مرمروك الكريم علي موضوعي والنصحية وبصراحة رغم الكلام اللي في المنتديات اللي بيتقال عن الصيني ورغم اني مقتنع بيه من جهة الا اني من جهة اخري لا استبعده تماما في اختياراتي وخصوصا اني مقتنع تمام ان الصين هتزداد توغلا في كل شئ وبضاعتها ستغزو العالم يعني مثلا اننا من عشر سنين كده او اكتر كان الواحد بيفكر في الابتوب يشتري نوعه ايه وكنا برده نسمع صيني وده الماني وكلام من ده دلوئتي اغلب الابتوب حتي الماركات الكبيرة بتتصنع في الصين ومبئتش تفرق وكل الناس لابتوب بتاعها صيني وانا سمعت راي مشابه زي ده في احد المواضيع المتعلقة بالعربيات الصيني وكان بيقارن بين حالة الناس الآن وموقفها من العربيات الكوري في بداية العربيات الكوري في مصر لكن بعد كده اتنسي وبقي اغلب الفئات المتوسطه عربيتها كوري وانا اعتقد برده ده اللي هايحصل مع العربيات الصيني وقريب هتلاقي اغلب الاسر متوسطة الدخل عربايتها صيني واكيد مش هاتتنتشر بين الناس الا اذا اثبتت نفسها في البيئة المصرية زي ما العربيات الكوري اثبتت نفسها طبعا انا زي ما قلتلكم انا مش بفهم في العربيات لكن ديت مجرد ثقافة منتديات يعني لا خبرة ولا مجرب ولا شئ وممكن لو قلت حاجه غلط تصصحوها لي ومنكم نستفيد

أخى العزيز : مع كل احترامى واطيب تمنياتى ليك بالتوفيق انشاء الله .
حاقوللك عن تجربه خاصه مع A113 كانت عندى وكنت جايبها زيرو من أبو الفتوح . وحاقوللك مميزاتها وعيوبها بمنتها الصراحه .
العربيه حلوه جدا . موتورها قوى ماشاءالله وانا كنت باجيب على الصحراوى 140 مرتاحه . وكمان العربيه قعدتها مرتاحه وصالونها معقول جدا . اتزانها وثباتها على الطريق رائع حتى مع السرعات العاليه . وبتشيل وقت الحاجه اليها . وتعتبر فى رأيى الخاص انها احسن من باقى الماركات فى فئتها .
أما عيوب السياره فهى كالآتى : عفشتها جامده شويه فى الطبات . يعنى مش ناعمه ..
وكمان عيب تانى ودا انا عالجته مع التوكيل فى الصيانات . وهو ان فراملها الخلفيه دائما بتكون اضعف من الأماميه . وكان الحل انى طلبت منهم انهم يزودوا رجلاش المصاطر الخلفيه سنه . وفعلا من ساعتها اصبحت الأربع عجلات بيمسكوا جامد على الطريق .
وعلى فكره زى مانت بتقول : الوحش الصينى قادم قادم لا محاله . وحايكتسح كل الماركات الأخرى من طريقه .
خلاصة كلامى وآسف للإطاله ان الإسبيرانزا عربيه حلوه وتستحمل كويس . ورخيصه وعلى أد ايدك . وربنا يوفقك ويستر طريقك انشاء الله .

[mohamedkamel8677]

المشاركة الأصلية كتبت بواسطة allam87 اللهم صل علي محمد وآل محمد السلام عليكم يا اعضاء مصر موتورز دلوئتي يا شباب انا لسه متخرج من قريب وساكن علي مسافة 55 كلم تقريبا من القاهرة وهاحتاج انزل القاهرة كتير والموصلات مش هاتنفع فقررت اشتري عربية تسترني لكن للاسف لما كلمت اهلي قالولي ماشي لكن قالولي اخرك50 الف وانا حاولت ازحزحة معاهم معرفتش لكن المحاولة مستمرة لكن فرضا الآن اني مش هاقدر ازود عن الخمسين الف جنيه.. اشتري عربيه نوعها ايه من رايكم عربية تشيلني في سفري 100 كلم تقريبا يوميا .... وبصراحة يعني انا مش بفهم في العربيات اوي ومحتار في ناس قالتلي عن الاسبرنزا A113 فدخلت ع النت وشوفت مواصفتها والكلام عليها في المنتديات وبعد قراءة الكثير من المواضيع والردود في المنتديات عن العربية لئيت ان (في ناس مع ) و (في ناس ضد ) و ( في ناس قالت اللي مع العربية عنده حق واللي ضد العربية عنده حق لان العربيات الصيني زي البطيخة لا تطلع حمرا لا تطلع قرعة) دلوئتي محتاج النصيحة عربية تسترني في سفري واشيل بالي منها لمدة 5 سنين علي الاقل بعد كده مش عاوزها اهم شئ لمدة خمس سنين متتعبنيش كل شويه اروح بيها لحد يصلحها ايه رايكم في العربية وهل تلبي الشروط اللي انا عاوزها وهل ترشحولي عربية معينة .. بس وحياة الغالي عندكم انا مبحبش الوقفة عند الميكانيكي انا عاوز اشتري عربية جديدة تسترني مش تبهدلني تسترني خمس او ست سنين كده اللي محتاجهم فيها بعد كده ربنا يكون فتح علينا ان شاء الله ونجيب عربية كويسة بميزانية كويسة تعيش معانا فترة اطول

جولف او كورولا