نايل موتورز الحرامى المسروق

[AbOnOrA]

نايل موتورز الحرامى المسروق


الحرامية انواع وتخصصات زى اى حاجة فى الدنيا .. فيه حرامية يسرقو هدومك "حرامى غسيل" وفيه حرامية يسرقو قوتك " حرامية فراخ " وفيه حرامية يسرقو افكارك ومجهودك ودول الاخطر لان مفيش قوانين فى همجستان بتحمى النوع ده من الحقوق او تحاسب النوع ده من الحرامية ، الشىء المبهر فى النوع ده من الحرامية ان السرقة عنده مش بس للاحتياج لكن ديه اسلوب حياة نابع من شعورة الدائم بالنقص وحقدة على كل اللى حوالية ورغبته المحمومة فى تجريدهم من كل ميزة والاحتفاظ بيها لنفسه . انهارده هحكيلكم عن النوع ده من الحرامية بالدليل والمثال

بداية الحكاية كانت فى ابريل 2007 وقتها مكانش فى مواقع سيارات فى مصر غير كونتاكت كارز
وطبعاً ده موقع خاص بشركة سيارات وبيروج لمنتجاتها فى الاساس
وفى الوقت ده كانت العربيات الجديدة كتير فى مصر والمعلومة شحيحة جداً
وحتى كونتكت كان المنتدى فيه تعبان جداً وامكانياته ضعيف جداً وكتير بيقع
ومن خلال عملى فى مجال نظم المعلومات ومتابعتى للمنتديات الاجنبية فى مجالات شغلى
وفى نفس الوقت كنت زى كل الناس بدور على اول عربيه اشتريها بفلوسى ومش عايز اختار غلط واستفدت جداً من اراء الناس فى كونتكنت وبقيت عضو مشارك بفعاليه هناك
ولقيت اننا محتاجين منتدى مصرى متخصص فى السيارات فقط بامكانيات محترمة
وقائم عليه شباب بيحبو العربيات ويقدمو المعلومة والنصحية بشكل مستقل عن اى كيان تجارى

وقتها ناقش الفكرة مع الاعضاء هناك وقوبلت ببعض الاحباط وقالولى ان فيه ناس قبلك حاولت وفشلت وان لازم يكون فيه كيان قوى ورا المنتدى علشان يقوم

قناعتى كانت ان اقوى كيان واكبر قوة هى المستهلكين نفسهم وعشاق السيارات
مسكت ورقة وقلم وحطيت افكارى للمنتدى الجديد فى شكل خطة عمل
وعرضتها على الناس

مقولتش انها فكرتى لوحدى وابداعى الخارق لانى بستمدها من الناس نفسهم وكنت متاكد ان نجاحها متوقف على مشاركة الناس وتفاعل كل واحد معاها على انها فكرته هو وهدفه هو

رحبت بكل الناس اللى عايزة تشارك ورفضت اى تحفظات على المشاركة فى كل شىء

جبنا ناس مكانش ليهم فى اى حاجة اكتر من كونهم مشاركين بفعاليه فى كونتكت ومحطيناش نفسنا فى برج عاجى فوق حد وقد كان



















وديه روابط المشاركات الاصلية فى كونتكنت اللى بتسجل لحد دلوقتى قصه تاسيس نايل موتورز الحقيقية واللى بيخفيها الحرامى لحد دلوقتى

http://www.contactcars.com/Discussio...ID=6&tid=23314

http://www.contactcars.com/Discussio...ID=6&tid=23314

http://www.contactcars.com/Discussio...opicID=6&tid=0

http://www.contactcars.com/Discussio...opicID=6&tid=0

يتبع ....

[AbOnOrA]

زى ما قريتو فى المشاركات اللى فاتت نقدر نلخص البداية فى النقاط الاتية

1- ان الحرامى مكانش صاحب الفكرة ولا حتى صاحب المبادرة

2- ان الفكرة والمبادرة كانت الاسماء الاتيه .. ( ا/ سعيد الفار - هانى عطية (بايو) - والعبد لله )

3- ان الحرامى حتى مختارش الاسم ولا اقترحه ولا فكر فيه بالعكس كان بيفكر فى اسم يكون مشابه لكونتاكنت كارز

AutomotiveContactEG Contactcars-eg

سبحان الله مخة مجابش اقتراح واحد بره التقليد والسرقة .. مش بقولكو السرقة اسلوب حياة

رابط المشاركة الاصلية
http://www.contactcars.com/Discussio...ID=6&tid=23314

... يتبع فى المشاركات الجاية هحكيلم تفاصيل سرقه نايل موتورز واستحواز الحرامى منفردا عليه بعد استعمال اقذر الاساليب ضد باقى المؤسسين

[Hisham.Elgazzar]

رأيى الشخصى ان نايل موتورز ده أسوأ منتدى سيارات

وبإختصار كده الحرام ما بيدومش

[zing0]

لسه من يومين كنت معدى عليهم بالصدفة, لاقيت الإعلان بتاع (تكنو 1 تكنو بوشين ) ده, دخلت قولتلهم سمعتكم مش حلوه و إدارة الموقع يهمها التربح, رد عليا كريم منير بنفسة و قالى أنا مبحطش مليم فى جيبى و هما يقدروا يحذفوا مشاركتك (من خلال بنود مشاركة الإعلان فى الإتفاق), و جابلى روابط كتيير كلها بتمدح فى المركز
(طبعاً و بكل تأكيد أى مشاركة سابقة فيها كلام مش حلو بيتحذف و الكويس بس هو إللى موجود)
و الجميل إنى لاقيت معظم الردود بعد كده من مشرفين و أعضاء قدامى و كلهم عاوزين يتعاملو مع المركز (على أساس إنهم أول مرة يعرفوه) أو بيشكروا فى خدمته و حرفيته و و و )

مش هأكدب عليكم حسيت إنى دخلت فى وسط عصابه و مش هأعرف أرد عليهم كلهم
و إحتمال أتوقف و لا يتعملى حظر بلا سبب
و رميت كلام عايم و بعدين سكت

أنا بأقول الكلام ده, رغم إن أول علاقتى بعالم السيارات كانت من هناك, بل إنى إشتريت عربيتى من أحد الأعضاء عندهم (بس عضو جديد بقالوا أكتر من 4 سنين)
الموضوع فعلاً مختلف تماماً هنا, جو أسرى و ناس بتدعيلك و تدعيلهم ليل نهار و بنساعد بعض فى الخير بلا أى مقابل و لا مصلحه مادية, ربنا يجمعنا فى الجنه مع حبيبنا محمد صلى الله عليه و سلم

[Torn@doo]

انا شايف ان التركيز هنا افضل من الرجوع للماضى والتفكير فية
والحمد لله الكيان بيكبر يوم عن يوم وبالتوفيق