|
#61
10-03-2010, 12:55 AM
|
||||
|
||||
رد: اية العك دة ؟؟؟؟؟؟؟؟؟؟؟
بصراحة الناس مخليتش حاجة تتقال ولا انا عايز اقول لصاحب الموضوع حاجة لانه هو اصلاً مقالش حاجة تستحق الرد عليها
انا بس عايز أرد على الفكرة بتاعة مصادرة الاراء وان ده عادة المصريين الخ الخ انا عايز الناس اللى شايفة ان الردود مصارده رأى يقولنا فين الرأى اساساً علشان انا صدقنى اول واحد يهمنى اعرف الرأى ده !!؟ واحد لا تحلى بإداب حوار ولا اسلوب طرح ولا قال فكرة مفيدة وكلامة كله متناقض (عك / تقليد لمنتدى تانى / ملخبط / مسروق / مكرر ..... ديه كلها لاتندرج تحت مسمى الرأى ولا النصيحة يعنى مثلا لما حد يقول المنتدى ده معمول ب vb ولو اتعمل bb او ip يبقى احسن نقول ده رأى وديه رؤية فى سوفت وير الموقع ونتناقش فيه لو يقول والله شىء غير معتاد انكو تستخدمو اللون الاورانج مع الازرق مع الاسود مع الاحمر والاربع الوان انتو وظفتوهم غلط علشان كذا والمفروض تعملو كذا نقول ده رأى وديه رؤية بخصوص ال Branding & identity creation يستحق المناقشة واحد يجى يقول انتو عاملين اقسام خاصة بالموديلات الشعبية تحت الاقسام العامة الخاصة بالماركات مع ان فيه منتديات تانية متبعملش كده وده تشعيب وتصنيف زيادة عن اللزوم نقول ده راى ورؤيه خاصة بإدارة المحتوى وتستحق المناقشة ونتكلم فيها واحد يجى يقول انتو ليه بتدمجو مواضيع كتيرة وازاى المحتوى وعدد الموضوعات اقل من منتديات تانية وفى نفس الوقت ترتيبكم وتصنيفكم فى محركات البحث اعلى نقول ده تسأول ناس كتير ونوضح ليه يعنى حاجات كتير تتقال ويترد عليها وعايز اقول للى ميعرفش ان الموقع بيشرف عليه طاقم فنى من مبرمجين ومصممى مواقع طول اليوم بياخدو اراء بعض وبيسمعو اراء العملاء فى المواقع اللى بنعملهالهم وعارفين يعنى ايه رأى فياريت اللى بيدافعو عنه يقرو الردود السابقة ليه فى موضوعات اخرى ويشوفو طبيعة ارائه ان صحت التسمية ويشوفو اسلوبه الحاجة التانية اللى يهمنى انى ارد عليها مايخص تطوير الموقع عامة سبق واشرت ان القائمين على الموقع فريق من الخبراء والمختصين فى تصميم وتطوير المواقع وبالاضافة لدعمنا لشبكة مصر موتورز ندعم شبكات اخرى ومواقع عامة وتجارية وخدمة وحكومية ونقابات واحزاب وشبكة مصر موتورز نفسها نعمل على طويرها دائما بالتعاون مع الفريق الإدارى للموقع والمنتخب من صفوه اعضاء المنتدى يمكن منذ انطلاق الموقع ومش بنتكلم عن الناس ولا الخبرات اللى وراء الموقع لان يهمنا قبلها الموقع نفسه وقيمته لكن قريب ان شاء الله هبقى نعلن عن الخبرات ديه واعمالنا الاخرى وهنعلن كمان عن طلب متخصصين يشتغلو معانا فى المجموعة وساعتها كل المتخصصين اللى شايفين نفسهم ينفعو يقدمولنا السى فى كامله ونمازج من اعمالهم علشان نقدر نقييم مدى صلاحيتهم للانضمام للفريق والمتابع للموقع منذ انطلاقة يعلم تماما حجم التطوير والحاصل فى الموقع على مدى السنتين اللى فاتو والقريب من الإدارة يعلم حجم ما نخطط ليه من تطويرات فى السنة التالتة (القادمة بإذن الله) فمش كل واحد اخد دورة ويب ديزاين يجى "يعك" ويغلط ويجرح ويشوه ونقول ده رأى ومش يجى حد مش متابع ما يتم وماتم فعلاً ويقول مفيش تطوير فيه اراء تحترم حتى مع اختلافنا معاها وفيه اراء لاتستحق حتى الرد لان اذا كانت الاراء بالشكل ده يبقى كل واحد يخلى رائيه لنفسه ويعمل هو الافضل احسن ليه وللناس عموماً انا شخصياً عملت منتدى شهير قبل كده مع ناس اصحابى ولما لقيتهم بيعملو حاجات مش عجبانى وبعد ما قدمت تصورات عمليه مرة واتنين ومحدش تقبلها نفذت تصوراتى ديه عملياً وعرضتها على الناس والناس اقتنعت بيها وشاركت فى المشروع فده الاختلاف المفيد وده اللى الناس محتاجاه لكن اللى بيدور على فرقعة ومشاكل فى العام ده مش عايز غير الاضرار والاسائه ولا يستحق احترام او تقديم فقط اتوجه بالشكر لكل اصحاب الموقع اللى ردو عنه واللى بيأكدو دائما الفارق الكبير بين مواقع تدار بالعصا والخطوط الحمراء وبين مواقع تمثل الناس وتعبر عنهم مباشره اشكركم جميعاً واسمحولى بغلق الموضوع فما ضاع فيه من الوقت ويكفى ومايخص الشكاوى يرد عليه فى الشكاوى ومايخص تطوير الموقع يسعدنا مناقشته فى القسم الخاص بالاقتراحات |
 |
|
|
