التكييف كده خلاص باظ؟

[Hemo2010]

اول امبارح روحت للميكانيكى وغيرت سير الكاتينه وسير الدينامو بس سير التكييف كان كويس فسبته لان الميكانيكى قاللى هو حالته حلوه وممكن يتغير فى اى وقت تانى وكنت عاوز اغير اويل سيل البوبينه بس طلع مش نفس المقاس المهم الميكانيكى حطلى عليه سيلسكون وقالى هيمنع الترشيح وبعد لما خلص جيت ادور العربيه كانت بتبطى فى الدوارة بعد لما كانت بتلقط من اول تكه المهم هو فك تانى باين عليه كان خلف التقسيمه وظبطها والعربيه اتعدلت بس برضه حاسس انها مش زى الاول يعنى مش سابته على السلانسيه فهل فعلا ممكن يكون حصل خلف فى التقسيمه وازاى اعرف ان الامور طبيعيه المهم بعد لما خلصت اخدمنى 50 جنيه مش كتير كده ولا ايه لانى اول مره اغير السير وطلعت بعد كده على المغسه علشان اغسل العربيه وغسلتها بالمسدس وغسلت الموتور كمان علشان تسريب الزيت اللى موجود وانا متعود اغسل الموتور على طول وما فيش اى ضرر بيحصل بس المرادى ايه ممكن يكون السبب فى المشكله دى هل الغسله ولا الميكانيكى لخبط حاجه المشكله هى انى لما روحت لاقيت سارينه الانذار مش شغاله فى داهيه مش مشكله بس اشتغلت تانى يوم لما نشفت الصبح وانا ماشى بالعربيه اما المشكله الكبيرة ان التكييف جيت اشغله ما فيش فرق بينه وبين المروحه العاديه غير ان صوت الموتور بيتغير بس ما باسمعش صوت تعشيق الكلاتش مع ان التكييف كان شغال قبل كدة كويس فنفسى اعرف هل هو كده باظ ولا ايه الحل وهل ممكن تكون الميه اسرت عليه او يكون الميكانيكى لخبط حاجه ؟ وشكرا مقدما .......

[محمود زيزوو]

بص يا هيمو الاى انا اعرفو عمر غسيل العربية ميبوظ موتور او يبوظ تكييف لان الحاجات دى متقفلة كويس وكل الناس بتغسل والاى بيغسل كتير تبقى العيوب عندة حاجات زى خرطيم وغيرها واغلبها معروفة اما بالنسبة للتكييف ممكن يكون من الميكانيكى وانتظر رد باقى الاعضاء وربنا معاك

[miam0502788391]

ممكن مواسير التكييف سربت الفريون والله أعلم

[fadymedhat]

تلاقى الخرطوم بتاع الفريون فيه خرم و سرب الفريون..........

[Hemo2010]

اود ان اشكر كل من شارك بالردود على الموضوع بس السبب ما طلعش من اى زن الاسباب دى انا فعلا كنت اقتنعت بالكلام اللى سمعته منكم وكلمت واحد ميكانيكى صاحبى قالى انه عارف واحد كويس بيشتغل فى التكييف وبالطبع روحت للميكانيكى علشان اخده ونروح بس الميكانيكى طلع عنده خبرة وقعد يجرب حبه حاجات كده وقاللى شغل التكييف وقعد يبص على التكييف من تحت العربيه من قدام فلقى سلك ارضر واصل من التكييف ومش متوصل بجسم العربيه فلما وصله اشتغل التكييف واتضح ان الميكانيكى الاولانى لما كان بيركب سير الكاتينه فك الكارتيرة بتاعة الفرده وهى موبوطه بمسامير ونسى يحط السلك ده تانى فى مكانه المهم الراجل الميكانيكى صاحبى ده ربطه مكانه واشتغل الحمد لله ......
فيه طلب تانى ممكن حد يجاوبنى على الاسئله دى

والعربيه اتعدلت بس برضه حاسس انها مش زى الاول يعنى مش سابته على السلانسيه فهل فعلا ممكن يكون حصل خلف فى التقسيمه وازاى اعرف ان الامور طبيعيه المهم بعد لما خلصت اخدمنى 50 جنيه مش كتير كده ولا ايه لانى اول مره اغير السير

فيه سؤال تانى مهم جدا العربيه اول ما جبتها كانت عامله 60 الف كيلو وكان السحب بتاعها جميل جدا لدرجه ان لما كنت بامشى على الطريق ما فيش اى عربيه مهما كان نوعها تقدر تعدى منى وكان تجميع العربيه سريع كنت بانقل من 0 الى 100 فى مسافه قليله وبسرعه فى اقل من 10 ثوانى وكبنت 10على 10 بس مش عارف من مده كده السحب بدا يقل وحده وحده لحد لما جيت النهارده وانا ماشى بالعربيه مش راضيه تجمع زى الاول واى عربيه حتى لو كانت ايه بتعدى منى وانا اقصد بكلامى ده ان التجميع قل خالص اصبح منعدم اما السرعه النهائيه ممكن اجرى زى ما نا عاوز يعنى امبارح جبت بيها150 بس بعد ايه لما قرفتنى لدرجه انى مش باعرف اعدى عربيه قدامى لانى لو جربت اغمز بالعربيه واعديها مش بتجمع غير لما يكون اللى مقابلنى بقى فى وشى يعنى لازم امشى فى طريقى وما اعرفش اعدى من اللى قدامى مع انه مش بيكون ماشى بسرعه فياريت حد يقوللى ايه الحل ؟

وسؤال تانى معلش استحملونا شويهانا عربيتى لانوس 2005 كامله سنتر - باور - تكييف- انذار+2ريموت لونها دهبى 1500 cc تعمل كام لو حبيت ابيعها