انا واقع فى مشكلة بحجم جبل احد

[maaheer]

انا اشتريت عربية ريتمو موديل 80 موتور 1500

اول مشكلة اللون مكتوب فى الرخصة ازرق لكن اللون اللى فى العربية كورمبى اخضر فاتح ميتالك
سالت الراجل فى سعتها قبل ما اشترى حلف ليا ان اللون ده فى المرور اسمه ازرق لانه مش هيكتب كورمبى فى الرخصة قلت ماشى ولما رحت مرور الزقازيق عندنا قلى لا دا مش ازرق وعلى فكرة العربية مرور البساتين وانا مرور الزقازيق هل يختلف من مرور لمرو

تانى مشكلة الراجل عملى توكيل بالبيع والشراء للنفس والغير قمت انا استعجلت ورحت الشهر العقارى بتاع مرور الزقازيق وبعت لنفسى ومضيت بايع ومشترى بتاريخ 31/12/2012 والرخصة تنتهى 29/1/2013 وفحص 2013 وطبعا فيها شهر مهلة انا بعديها بيوم واحد عرفت ان العقد مدته شهر وبعد كده بيسقط اتوماتيك لو منقلتش ملكية للمرور الجديد المشكلة بقى ان العربية فيها شوية مصاريف وانا مش معايا دلوقتى مصاريف الترخيص والفحص وكنت عاوز استفيد بالشهر المهلة على ما ربنا يفرجها::::::: فى حل للعقد ده انا دافع 120 جنيه حرام لما يضيعوا عليا

تالت مشكلة الراجل البايع ملتحى وشكلة طيب ويعرف ربنا وقللى ان ظروف شغلة متخليهوش يروح المرور ويضيع يوم عشان يطلع شهادة مخالفات قللى انه شاف المخالفات على النت معلهاش حاجة بالرغم ان الترخيص القديم من 3سنوات يعنى هو كان مرخص تلت سنين وحلف بالله ان معلهاش الجنية وانا منتكش اعرف موضوع النت ده فلما سئلت وعرفت الموقع ودخلت بيانات العربية ظهر 505 جنيه اتصل على الراجل مبيردش عليا كلمته من رقم غريب رد وقللى ازاى دول حرمية وولاد تييييييييييييت والله انا عندى ظروف صعبة ومش معايا فلوس وانا اساسا مسافر بعد بكرة مامورية فى شغلى هقعد فيها شهرين وهرب منى؟؟؟؟ ايه الحل بقى

رابع حاجة بقى كنت عاوز اعرف المصاريف يتاعت الترخيص يعنى الضريبة والتامينات لسنة واحدة
السيارة فيات ريتمو موديل 80 1500 cc
وسمعت كمان ان فى الفحص هيبعتنى اطابق بصمة فى المرور القديم بتعها البساتين يعنى

ايه كمية المشاكل دى واحلها ازاى والله ربنا اللى يعلم بيه والعربية طلعت غالية والناس كله بتقولى انت انضحك عليك

فقلت محدش هينقزنى غير حبايبى اللى فى المنتدى

اعمل ايه وواحدة واحدة

[hyundai 2005]

صلي علي رسول الله
بالنسبه للعقد مده شهر وبعد مابسيقطش لاكن لما تيجي تنقل بتدفع نص ضريبه زياده
تمام كده
المخالفات حاول تروح تعمل شهاد مخالفات وان شاء الله ممكن مايطلعش عليها حاجه ولو نفرض عليها حاجه 550 جنيه مثلا حتعمل معارضه وحترسي علي 100 بالكتير
اما موضوع النقل بترفع بصمه في مرور بلدك
بعدين تروح تطابق في مرور العربيه الحالي
وترجع تاني مرورك تفحص تاني
المصروفات
220-250 ضريبه
118 بوليصه تامين
125 طفايه
85 اسعافات مش فكل مرور
50 - 70 دمغات وتصوير وملف ملاكي وصرف لوحات
وتحت انرك فاي استفسار

[sayed2077]

وممكن ياباشا على ما اعلم انك ممكن تحول المخالفات اللى على العربيه على الراجل صاحب العربيه القديم وده انا مش فاكر ازاى بس قريت عنه قبل كده كل اللى فاكره هتقولهم ان الراجل الى قبلك هو اللى عامل المخالفات ديه هيقولولك باين هات ما يثبت ذلك اللى هو على ما اعتقد عقد البيع و التوكيل و هيحولوا المخالفات على الراجل اللى باعلك وهو لما يجيب عربيه بعد كده او لما يجى يجدد رخصته هيدفع هو ال 550 جنية دوول

وعلى فكره ارجوا ميغركش ان ده واحد بلحية او غيره دلوقت ولاد الحرام مخلوش لاولاد الحلال حاجه

والموقف اللى عامله معاك ده يدل انك راجل طيب

ولازم لازم لازم قبل ما تشترى عربيه اللى بيبعهالك يجيبلك شهادة المخالفات ويأما متشتريش العربيه اصلا

لان فى حالة انه رافض يجبلك شهاده مخالفات ويقعد يتلكك اصلى مش فاضى اصلى ورايا شغل والكلام ده يبقى اعرف ان العربيه عليها مخالفات وش والحمد لله ان عليها 550 جنية بس ده فيه عربيات تانية بتتباع وبيبقى عليها 4 و 5 الاف جنيه

اما بالنسبه لمرور البساتين فبجد ربنا يعينك ده من اوحش اماكن المرور فى مصر وربنا يعينك فيه

[svneleven]

المشاركة الأصلية كتبت بواسطة sayed2077 وممكن ياباشا على ما اعلم انك ممكن تحول المخالفات اللى على العربيه على الراجل صاحب العربيه القديم وده انا مش فاكر ازاى بس قريت عنه قبل كده كل اللى فاكره هتقولهم ان الراجل الى قبلك هو اللى عامل المخالفات ديه هيقولولك باين هات ما يثبت ذلك اللى هو على ما اعتقد عقد البيع و التوكيل و هيحولوا المخالفات على الراجل اللى باعلك وهو لما يجيب عربيه بعد كده او لما يجى يجدد رخصته هيدفع هو ال 550 جنية دوول وعلى فكره ارجوا ميغركش ان ده واحد بلحية او غيره دلوقت ولاد الحرام مخلوش لاولاد الحلال حاجه والموقف اللى عامله معاك ده يدل انك راجل طيب ولازم لازم لازم قبل ما تشترى عربيه اللى بيبعهالك يجيبلك شهادة المخالفات ويأما متشتريش العربيه اصلا لان فى حالة انه رافض يجبلك شهاده مخالفات ويقعد يتلكك اصلى مش فاضى اصلى ورايا شغل والكلام ده يبقى اعرف ان العربيه عليها مخالفات وش والحمد لله ان عليها 550 جنية بس ده فيه عربيات تانية بتتباع وبيبقى عليها 4 و 5 الاف جنيه اما بالنسبه لمرور البساتين فبجد ربنا يعينك ده من اوحش اماكن المرور فى مصر وربنا يعينك فيه

طب تقول ايه بقي أنا اشتريت عربيه بتوكيل و الراجل جدد الرخصة باسمه و اداهالي يعني جاب شهادة مخالفات و طبعا ما سجلتش عشان التسجيل كان 1400 جنيه ساعتها المهم بعدها بشهرين تقريبا جيت اجيب شهادة مخالفات عشان أبيع قالي عليها 2000 جنيه و المخالفات ديه من سنه و نص قلت أنا لسه شاريها من شهرين قالي معاك عقد مسجل قلت له لأ قالي شكرا ادفع يا معلم و عملت تظلم و لا حياة لمن تنادي فلازم يكون معاك عقد مسجل.

[حسين122]

لا حول و لا قوة إلا بالله
الضمير شبه منعدم
روح المرور و حاول تبعتله المخالفات ذي ما قالولك
بموجب العقد المسجل معاك و تاريخه بعد تاريخ المخالفات
و بإذن الله هيلبس ف الحيطه لما ييجي يجدد رخصته
و معلش محدش بيتعلم ببلاش
و بالنسبه للون العربية فأفتكر طالما بتنقل من مرور لمرور هيكون هناك فحص و هيثبتوا لكللون كأنه لون جديد
الموضوع ده مش مقلق
ربنا يحفظنا من الفتن و النصابين و الحراميه
على فكره مش كل صوابعك ذي بعض
يعني في كل فئه من المجتمع هتلاقي الكويس و الوحش
انت بس حرص من صاحبك و متخونوش
انا كمان اتنصب عليا من تجار اشتريت منهم 132 كنت فاكرها كويسه و أخدت واحد قريبي معايا لكن قدر ربنا بقى
طلعت شوربه
اول ما قالولي انهم مش بيبيعوا و لا يشتروا عربيات إلا بالليل
حسيت انهم نصابين بيشتغلوا بعد العشاء لحين الفجر بس
و طبعآ الليل ستار
و رغم كده اشتريت العربيه يمكن عشان سعرها كان معقول مش لقطه لكن معقول
و طلعت شوربه زي ما قلت لسعادتك
الحمد لله
انا بقالي اكتر من 25سنه بأسوق عربيات و أتنصب عليا عادي
الحمد لله