العودة   مصر موتورز مجتمع السيارات > السيارات اليابانية > متسوبيشى Mitsubishi


إضافة رد
 
أدوات الموضوع
  #1  
قديم 24-11-2014, 04:32 PM
Muhammad Hani Muhammad Hani غير متواجد حالياً
التخصص العملى: SAP application consultant
 
تاريخ التسجيل: Nov 2012
الموقع: المنصوره
المشاركات: 15
Muhammad Hani will become famous soon enoughMuhammad Hani will become famous soon enough
تقرير تجربتى مع لانسر شارك 2015

السلام عليكم أعضاء المنتدى المحترمين،

نظرا لأن أنا تعبت عشان ألاقى تقرير كامل و محايد عن لانسر شارك قبل ما أشتريها،قررت أعمل الموضوع ده عشان أفيد أى حد بيفكر فيهاو هحاول بقدر الامكان أكون موضوعى فى حكمى عليها.

أنا استلمت العربيه فى 1/11 أول فئه خليجى (مش توكيل) و عامله دلوقتى 1500 كم فكلامى هيكون فى اطار الانطباع الأولى مش الحكم النهائى. قبل الشارك كان معايا لانسر عيون صفيه 92 أوتوماتيك خليجى و دى عربيه تحفه الحقيقه بس تعبتنى مصاريف و قطع غيارها الاستيراد غاليه و أحيان كتير مش موجوده.

نخش فى المهم بقى و هتكلم فى كام نقطه محددين عشان محدش يتوه منى:

أولا مواصفات العربيه:
بلد المنشأ: اليابان- صنعت بمواصفات السعوديه.
الموتور: 1600 CC موديل 4A92
114 hp عند 6000 دوره/الدقيقه.
154 نيوتن/متر 2 عند 4000 دوره/الدقيقه.
الفتيس: أوتوماتيك عادى 4 سرعات اماميه موديل Invecs 2
الكماليات: باور ستيرينج-زجاج كهرباء أمامى و خلفى-تكييف يدوى-كاسيت CD و AUX- ايرباج للسائق- كمبيوتر رحلات-مرايات جانبيه كهربيه-اسبويلر-اشارات فى المرايات الجانبيه

الجنوط عاديه-فتح الشنطه و التانك من الداخل.

ثانيا الشكل الخارجى:

العربيه يا جماعه "باخره" -من حيث الحجم يعنى-.شكلها من بره كده مش طبيعى.الفوانيس الأماميه تحفه و تحس العربيه كلها متناسقه مع بعضها مش زى عربيات تانيه تحس النصين بتوع العربيه ملزوقين العافيه. أقيمه 9.5/10

ثالثا: صالون العربيه

كعادة لانسر، عمليه مع افتقاد عنصر (الدلع) اللى تلاقيه فى العربيات الكورى مثلا. كل حاجه على الأد بالظبط بس التابلوه منظم جدا ، العدادات جميله جدا، شاشة المعلومات لذيذه فى التعامل معاها و مفيده مش مجرد منظر و خلاص. مفتاح الاشارات سلس جدا. الكراسى مريحه و الكنبه الخلفيه واسعه ما شاء الله و ارتفاع السقف مريح لكل الركاب مهما كان حجمهم.مممن تتحكم فى ارتفاع كرسى السائق و أحزمة الأمان و الدريكسيون.أماكن التخزين فى الأبواب و التابلوه و الكونسول أكتر من مجرد كافيه.

رابعا الشنطه:
للأسف دى واحده من العيوب -الحلو ما يكملش- مساحتها مش كبيره بس مش ضيقه للدرجه اللى الناس بتحكى عنها.تقسيم اماكن التخزين فيها حلو جدا و عملى.

أخيرا: أداء العربيه

فى البدايه طبعا مزودتش عن 2.5 RPM لحد التليين ما خلص (أول 1000 كم) بعد كده غيرت زيت موتور و فلتر-زيت Castrol Edge- و ربطت عفشه و بصيت على كل السوائل و انطلقت و النتيجه كانت ان فيه تحت غطاء الموتور وحش متخفى فى شكل محرك اسمه MIVEC تسارع و صوت مش طبيعى بالذات عند 4RPM. استهلاك البنزين حسب طريقة السواقه طبعا.أحسن رقم وصلتله كان 14 كم/لتر على اسكندريه الزراعى لكن جوه القاهره و زحمتها الحلوه بيوصل 8 أحيانا 7!.
الثبات طبعا و لا كلمه انا مزودتش عن 170 بس انطباعى ان العربيه ما شاء الله لو زودت مش هتقول لاء ولا هتعوم منى بس لسه الحكم النهائى لما أقفل العداد

فى العموم العربيه صفقه رابحه جدا و مش نادم عليها اطلاقا و لو رجع بيا الزمن هجيبها تانى برضه. طبعا فيه حاجات كتير لسه ما اتكلمتش عنها ان شاء الله أكمل الموضوع و لو عرفت ارفع صور هارفعها طبعا بس حبيت انقل لكم تجربتى سريعا كنوع من رد الجميل لمنتدانا المحترم.

السلام عليكم
رد مع اقتباس
  #2  
قديم 24-11-2014, 05:15 PM
الصورة الرمزية miam0502788391
miam0502788391 miam0502788391 غير متواجد حالياً
من انا؟: انسان طيب
التخصص العملى: دكتور اشعة تشخيصية
هواياتي: السيارات
 
تاريخ التسجيل: Sep 2009
الموقع: المنصورة
المشاركات: 1,773
miam0502788391 has a reputation beyond reputemiam0502788391 has a reputation beyond reputemiam0502788391 has a reputation beyond reputemiam0502788391 has a reputation beyond reputemiam0502788391 has a reputation beyond reputemiam0502788391 has a reputation beyond reputemiam0502788391 has a reputation beyond reputemiam0502788391 has a reputation beyond reputemiam0502788391 has a reputation beyond reputemiam0502788391 has a reputation beyond reputemiam0502788391 has a reputation beyond repute
افتراضي رد: تجربتى مع لانسر شارك 2015

ربنا يبارك لك فيها
__________________

د / محمد

إن الله لا يصلح عمل المفسدين

رد مع اقتباس
  #3  
قديم 25-11-2014, 10:21 AM
sayed maher sayed maher غير متواجد حالياً
التخصص العملى: محامى
هواياتي: السيارات
 
تاريخ التسجيل: Oct 2014
الموقع: الجيزة
المشاركات: 28
sayed maher will become famous soon enoughsayed maher will become famous soon enough
افتراضي رد: تجربتى مع لانسر شارك 2015

ياباشا أنا سقت عربيات كتير مفيش عربية ملت دماغى قد العربية ده الله وأكبر عليها وربنا يباركلك فيها ويكفيك شر طريقها
رد مع اقتباس
  #4  
قديم 25-11-2014, 06:25 PM
no love no love غير متواجد حالياً
 
تاريخ التسجيل: May 2012
المشاركات: 82
no love is just really niceno love is just really niceno love is just really niceno love is just really nice
افتراضي رد: تجربتى مع لانسر شارك 2015

فى البدايه طبعا مزودتش عن 2.5 RPM لحد التليين ما خلص (أول 1000 كم) بعد كده غيرت زيت موتور و فلتر-زيت Castrol Edge- و ربطت عفشه و بصيت على كل السوائل و انطلقت و النتيجه كانت ان فيه تحت غطاء الموتور وحش متخفى فى شكل محرك اسمه MIVEC تسارع و صوت مش طبيعى بالذات عند 4RPM. استهلاك البنزين حسب طريقة السواقه طبعا.أحسن رقم وصلتله كان 14 كم/لتر على اسكندريه الزراعى لكن جوه القاهره و زحمتها الحلوه بيوصل 8 أحيانا 7!.











هو ايه ده يا باشا اللي وحش متخفي تحت الغطاء وايه ده اللي تسارع مش وصوت مش طبيعي
ده بالنسبه لايه ومقارنه بايه مثلا
لو مقارنه باالانسر ال 92 اللي كانت معاك اوك
لكن لو صوت الماتور العالي وانت بتقرص علي الغيارات انت حبه فده اسمه عزل ضعيف واسمه صوت ماتور عالي بالنسبه للسرعه اللي العربيه عليها
الا اذا كنت فاكر الصوت ده رياضي فدي بتاعتك انت
والوحش الشارك اللي مستخبي ميعرفش يطلع من الالنترا او السيراتو الشكل القديم مش الجديد
ومينفعش تقول كده علي ماتور كلنا عارفين انه معوق وكان سبب سقوط الشارك وحتي لما بقي 1600 نفس الكلام
ومش هعلق علي ان التقييم الخارجي للشكل ب 9ونص دي لانها اذواق
بس لو الشارك 9 ونص من 10يبقي الالنترا الشكل الجديد 17 من عشره

وعلي فكره انت ملقتش تقرير محايد للشارك من وجهه نظرك لانك كنت عاوز تقرير متفصل لكلامك ولرؤيتك وملقتش لان محدش بيقول كده علي الشارك كله بيقول الواقعي
ربنا يباركلك فيها
رد مع اقتباس
  #5  
قديم 26-11-2014, 12:08 PM
Muhammad Hani Muhammad Hani غير متواجد حالياً
التخصص العملى: SAP application consultant
 
تاريخ التسجيل: Nov 2012
الموقع: المنصوره
المشاركات: 15
Muhammad Hani will become famous soon enoughMuhammad Hani will become famous soon enough
افتراضي رد: تجربتى مع لانسر شارك 2015

لو حضرتك شايف انه موتور معوق فدى وجهات نظر برضه بالمناسبه أنا طلعت بيها من النترا الجديده و مش قصتى خالص انا بطلع من مين و مين يطلع منى و مكنتش بقارن بينها و بين أى عربيه.قصة العزل انا مشكلتى مش مع صوت الموتور انا مشكلتى مع صوت الكاوتش وانا من الناس اللى تحب تسمع صوت موتور العربيه. أما كون حضرتك مبتحبش العربيه دى و مش طايقها و شايفها عربيه تعبانه- و ده حقك طبعا- فهو فى نفس الوقت مش مبرر للكلام بالصوره الحاده دى. شكرا
رد مع اقتباس
إضافة رد

الكلمات الدليلية
لانسر شارك 2015, متسوبيشى لانسر

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 01:59 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017