|
دايو العام شركة سيارات كورية حققت بعض النجاح و بسبب مشاكل تمويلية أصبحت مملوكة للعملاق اﻷمريكى GMC |
|
أدوات الموضوع |
#1
|
|||
|
|||
دايو ريسر 1994 ايه رايكم فيها يا اهل الخبره
دى اول مشاركه فى المنتدى اللى كنت متابعه لانى بحب العربيات
المهم انا اول مره اشترى عربيه وجبت عربيه دايو ريسر موديل 1994 اوتوماتك صاحبها هيانها جدا وجبتها منه بسعر معقول على اساس ان فيها تظبيط المهم انى عايز اظبطها واخليها عربيه وعايز مساعداتكو ضرورى جدا لان العربيه عاجبانى رغم انى حاسس انى داخل على موال كل اللى كان فيها لما اخدتها ... انها عايزه تظبيط عفشه وشحن التكييف وشويه شغل كهرباء وفرش ودهان وفوانيس وكاوتش وجنوط وتبقى فله اول المشاكل ان قطع غيارها مش موجوده مع انى كنت فاهم ان كل قطع غيارها زى الانوس بالظبط وفعلا كان الموتور زى اللانوس جدا وجيت عشان اظبط الفرامل احتجت طنبوره وتيل وماستر لاقيت التيل والماستر موجودين وزى الفل فى شارع شبرا فى الخلفاوى لكن الطنابير ابدا انى الاقيها ودخلت فى حته دلنى عليها ولاد الحلال اسمها عزبه شلبى وجبت الطنابير استيراد ووقفو عليا الاتنين الامامى ب 180ج وكانو مصديين وسنفرهم الميكانيكى وظبطهم وركبهم المهم انى ضبط الفرامل ومن ساعتها وانا سامع صوت العجل بيصوصو طول مانا ماشي على حسب لفته وكلمت الميكانيكى قالى ده عادى لحد ماتطبع قلتله اوك ولو انى مش مقتنع لان الموضوع مستمر والتيل عما 50ج والماستر لعجله واحده بس ورا ب 45ج قالى الميكانيكى ان العربيه بتسخن ولازم يتعملها غسيل دوره الراديتير وعملتها فعلا وسالت الراجل على الامبير شغال ولا لا لانى حاسس ان العداد بايظ هو اصلا كل العدادات متنيله بنيله المهم قالى لا شغال زى الفل و غيرتلها زيت الموتور ووديتها لبتاع الفتيسات يشوفها محتاجه ايه تانى قالى تعلالى كمان يومين وخلال اليومين دول حصل الكارثه اللى زى الفل ان العربيه بطلت منى ومش عايزه تدور وانا طبعا ولا فاهم فى الميكانيكا خالص جبت ميكانيكى يشوفها قالى ان العربيه سخنت وكمان الكاتينه ضايعه وجابت صبابات او وش سلندر وحوارها قالى مبدأى حضرلى 600ج الحقونى وقولولى اعمل ايه وايه الخطوات الصح اللى لازم اعملها لتظبيط العربيه دى من غير ما اقع فى مشاكل جديده كفايه اللى فيها اسالتى بقى اولا هل فيه توكيل او صيانه ممكن اكشف عليها فيها واخليهم يشوفو محتاجه ايه يتظبط فيها ويكونو بيفهمو ومكانه فين دى ثانيا الاقى فين قطع غيارها ثالثا خطوات التظبيط ليها ايه من حالتها دى لحد ما أوصل لانها تبقى عربيه بجد واللى عارف ميكانيكى كويس ومش غالى وبيفهم فيها ويكون امين ياريت يدلنى عليه طولت عليكو معلش مع الشكر لكل الناس اللى ترد عليها وتساعدنى لانى عامل زى الغرقان بجد |
#2
|
رد: دايو ريسر 1994 ايه رايكم فيها يا اهل الخبره
اهلا و سهلا بيك استاذ علي و الف مبروك علي العربيه
الريسر هيا الاب الشرعي للانوس و مشتركه معها في معظم الاجزاء الميكانيكيه. بالنسبه للفرامل: هيا ممكن يكون التيل بيطبع فعلا و لو الصوت استمر يبقي نوعيه التيل اللي انت شاريه وحشه و فيه نحاس كتير و دا حله انك تشتري تيل نضيف و نوع كويس. بالنسبه للموتور: بالشكل اللي بتوصفه كده يبقي سير الكاتينه اتقطع و حيتكلف مبلغ فعلا. بعد ما تنتهي من الموتور. انزل الحرفيين و عزبه شلبي و طالما لقيت الماستر في عزبه شلبي يبقي حتلاقي فوانيسها اشتري الفوانيس استيراد و تشوف سمكري يكون معرفه و تتفق معاه تدخل العربيه سمكره و دوكو و في الوقت دا تفك الفرش عند سروجي محترم و تخليه يعمل الفرش من اول و جديد و تخلي السمكري يشتغل في العربيه كويس يعني بارومه و ضبط الصاج يعملها بنضافه و بعدين الدوكو و قبل ما تقفل العربيه عند السروجي توديها لكهربائي يركب الفوانيس و يراجع علي التوصيلات و كهربا العربيه من اول و جديد و بعدين تقوله علي المشاكل و المبيرات يشغلها و لو فيه امبيرات عطلانه هات لوحه امبيرات استعمال و ريح دماغك برضه. وبعدين السروجي يركب الفرش و تشوف التكييف و الحاجات دي و تركب العربيه ما تسافرش بيها اسبوعين تلاته علشان لو فيه عيوب في التقفيل تبان و تقدر تعملها. بالنسبه للسخونيه: راجع علي جميع الخراطيم و ساعه الحراره و فك الردياتير خلي حد ينضفه و ممكن تعمل دا و العربيه مفكوكه هيا دوخه شويه بس بتجيب نتيجه لانك بتحل المشكله من الجذور انا كنت بفك العربيه بالشهر و الاتنين و التلاته كمان بس كانت بتطلع زيرو تاني
__________________
حـازم خـضـر
|
#3
|
||||
|
||||
رد: دايو ريسر 1994 ايه رايكم فيها يا اهل الخبره
فى ميكانيكى كويسش اسمة (عم ميشيل )ميكانيكى مشهود لة بالامانة والكفائة الميكانيكى دة فى حى الزيتون فى شارع مصطفى باشا من طومانباى وقطع الغيار فى وكالة البلح
|
#4
|
|||
|
|||
رد: دايو ريسر 1994 ايه رايكم فيها يا اهل الخبره
الف شكر ليك استاذ حازم واستاذ مينا على الاهتمام
وسؤال برده لو امكن هل ممكن اعدل فى شكل الفوانيس ورا وقدام مدام انا كده كده هعمل سمكره ودوكو واحد صاحبى قالى دور على فوانيس حلوه ورخيصه لاى عربيه تانيه متوفره وخلى السمكرى يظبطهالك تبقى مقاسها قالى مثلا زى فوانيس السايبا برايد اللى قدام عشان رخيصه ومتوفره انا مش عارف الكلام ده ممكن ولا لا بس انا نفسي جدا اخلى العربيه دى ممتازه وكمان منظر قوى جدا |
#5
|
||||
|
||||
رد: دايو ريسر 1994 ايه رايكم فيها يا اهل الخبره
بلاش تعدل الفوانيس وخليها على ابوها احسن بكتير .... وحاول تلم العربية باقل مجهود و تكاليف دة احسن ليك
|
|
|