لتجعل سيارتك تعمل بالماء.....!!!!

[marid]

اخواني الكرام
المنتج في طور دراسة السوق قبل طرحه فعليا
و بالتالي التفاصيل الفعلية للسعر و الضمان غير محددة
الهدف من هذا الموضوع و الاستفتاء المرفق ليس اعلان عن منتج في السوق ... ليس عرض بيع... و انما هو نوع من مسح مبدئي للسوق لمعرفة مدى استعداده لأستقبال هذا المنتج و ايه هي المميزات الاكثر جذبا لأهتمام المستهلك
لأن النقط دي في غاية الاهمية معرفتها قبل نزول المنتج للسوق حتى يقدم للمستهلك افضل خدمة بأنسب سعر و كفاءة
المضوع بمنتهى البساطة ان فيه منتجات اثبتت فعاليتها و كفاءتها العلمية انما السوق العربي مش محتاجلها او مستعدلها لسه
و احنا مش عايزين نقع في المشكلة دي
و في النهاية هناك توضيح اخير... هذا الاستفتاء مساعدة منكم لينا علشان نقدر ننزل بالمنتج في اسرع وقت مما يعود بالفايدة عليكم بردو كمستهلكين
من سمات التقدم ان المستهلك هو اللي بيحدد ايه اللي محتاجة و ايه اللي مش محتاجه.... و لأننا فاهمين ده كويس فقررنا نبتدي شوية بعكس ما هو متعارف عليه في مجتمعاتنا ... نستكشف احتياج المستهلك قبل ما ننزل السوق لنفيد و نستفيد

[auto5truck]

المشاركة الأصلية كتبت بواسطة marid الاخ auto5truck واضح ان ليك تاريخ مع المنتجات الغير فعالة او بمعنى اصح ليك تاريخ مع النصب و طبعا ده يديك كل الحق انك تشك في اي شيء يتعرض عليك و انك تحذر من حاجة غلط انت جربتها انما انك تاخد قرارك الداخلي بأن كل شيء جديد هيكون برضة نصب و تبتدي تتكلم على ان الموضوع مش صحيح و تقنع الناس كمان بكده فده كتير اسمحلي يعني

الأخ marid

أحب أوضحلك صورة أخرى
التاريخ مع المنتجات الغير فعالة أو النصب زى ما حضرتك ذكرت ده نابع من كونى مهندس متخصص فى صيانة السيارات و أعمل كمدير فنى لصيانة أسطول سيارات لأحدى الشركات ذات الأسم الجيد فى مصر و ده بيتيح الفرصة لأى واحد عنده بضاعة متعلقة بالشغل بتاعنا أنه يجيلى و يعرضها على و بالتالى بتدينى الفرصة للتعرف على حاجات كتير منها الصالح و منها لا.
الشك ده مش نابع من التجارب فقط و لكن مبنى على علم و خبرة.
أنا لم أتخذ قرار بأقناع الناس أو أو عدم أقناعهم أنا قلت رأيى فقط و شرحت تجاربى و على من يقرأ كلامى أن يزنة بعقلة.
النقطة الأخيرة اللى عايز سيادتك توضحها لى فعلا كيف يتحول الماء لوقود؟

شكراً لسعة صدرك

[marid]

الاخ العزيز
احب طبعا اني اوضح ان ردي لا يحمل اي نوع من الاساءة لشخصك او اكلامك
و بما ان حضرتك مهندس فاكيد هتفهم الكلام اللي انا هاقوله حول كيفية استخدام الماء كوقود
اولا انا ايضا مهندس و كل كلامي سواء السابق او القادم مبني على علم و خبرة و دراسات و ليس فكري الشخصي او تجارب فردية
الماء يتكون من ذرتين هيدروجين و ذرة اكسجين... و من المثبت علميا ان الهيدروجين هو وقود قوي للغاية بدليل ان ناسا تستخدمه كوقود للصواريخ لما له من heat content عالي
بمنتهى البساطة العنصر المؤثر في فعالية الوقود هو كمية الطاقة المختزنة بداخله و التي تنطلق منه عند الاحتراق... و هو ما يعرف علميا ب calorific value
يكفي ان تعرف ان البنزين له قيمة 47mj/kg في حين ان الهيدروجين له قيمة 141mj/kg... لكن مشكلة الهيدروجين في السابق ان التكنولوجيا لم تسمح بتوليده عند الحاجة fuel on demand و الهيدروجين من اخطر المواد لدى التخزين تحت الضغط لنفس السبب
كل ما يقوم به المنتج الذي نحن بصدد انزاله السوق هو كسر الروابط بين الهيدروجين و الاكسجين بالماء و استخدام هذا الهيدروجين كوقود في ظل وجود الاكسجين المساعد على الاشتعال
و اذا حضرتك حابب تعرف معلومات فنية اكتر فيمكن ان تطلع على المدونة الخاصة بالمنتج و هذا هو الرابط لها
http://hydrogenfuturefuel.blogsp ot.com/
انا ارحب بجميع الاسئلة و الاستفسارات

[auto5truck]

المشاركة الأصلية كتبت بواسطة bishoy fouad مستحيل طبعا ان دا يحصل

لا يا اخى بيشوى هو ليس بمستحيل هو ممكن بل أنه واقع على المستوى التجريبى

[marid]

بل اصبح واقع على المستوى العملى و الفعلى