دليل الاعطال و الاصلاحات للفيرنا

[Ahmed Anwer]

دي مقاسات الكاوتش و الجنوط المسموح بيها للفيرنا

من الكاتلوج بتاع بره



كده رغم اختلاف المقاسات ما بين 13 و 14 و 15 فارتفاع العجله بيكون في حدود 23 بوصه

غالبا مش مسموح باكتر من كده

و العرض الاقصي للاطار 185

مش عارف بقه لو الواحد عايز يزود العرض الي 195 أو 205 مع المحافظه علي حدود الارتفاع رغم ان ده مقاس نادر للكاوتش في السوق

هيكون مسموح بيه ولا لأ لأن مفيش اي عرض مذكور اكبر من 185

و يمكن يكون ده السبب ان الناس اللي بتركب جنوط 15 بتشتكي من دبدبه

لان الكاوتش ال 15 في السوق بيكون 185/60/15

و ده بيزود الارتفاع عن المسموح بيه بوصه كامله

الصح 185/55/15

زي ما مذكور في الكاتلوج

[AHMEDCAR]

الله ينور عليك يا احمد هو ده الشغل

[AbOnOrA]

المشاركة الأصلية كتبت بواسطة Ahmed Anwer دي مقاسات الكاوتش و الجنوط المسموح بيها للفيرنا من الكاتلوج بتاع بره كده رغم اختلاف المقاسات ما بين 13 و 14 و 15 فارتفاع العجله بيكون في حدود 23 بوصه غالبا مش مسموح باكتر من كده و العرض الاقصي للاطار 185 مش عارف بقه لو الواحد عايز يزود العرض الي 195 أو 205 مع المحافظه علي حدود الارتفاع رغم ان ده مقاس نادر للكاوتش في السوق هيكون مسموح بيه ولا لأ لأن مفيش اي عرض مذكور اكبر من 185 و يمكن يكون ده السبب ان الناس اللي بتركب جنوط 15 بتشتكي من دبدبه لان الكاوتش ال 15 في السوق بيكون 185/60/15 و ده بيزود الارتفاع عن المسموح بيه بوصه كامله الصح 185/55/15 زي ما مذكور في الكاتلوج

الدبدبة بتحصل اكتر كل ما كان الكوتش رفيع (60/55/50) وعريض (185 وانت طالع) وكل ما كان الجنط اتقل

وده الحاصل مع المقاس ال 15

اما تعريض الكاوتش فده هيعزز ثبات العربية بس العزم فى التسارع هيقل بشكل ملحوظ خاصة لو دخلت مقاسات 200 وانت طالع

بس مش هيدايقك اوى مع موتور وبدى الفيرنا علما بان الاسبيرانزا موتور اقل فى الاداء وبودى اتقل بتنزل بكاوتش مقاس 195/55R15 وده من اسباب فى اداء العفشة الناشف فيها

والله ينور عليكوا يا جماعة الدليل بيزداد قيمة يوم بعد يوم بمشاركتكوا

[Ahmed Anwer]

المشاركة الأصلية كتبت بواسطة AboNoRa الدبدبة بتحصل اكتر كل ما كان الكوتش رفيع (60/55/50) وعريض (185 وانت طالع) وكل ما كان الجنط اتقل وده الحاصل مع المقاس ال 15 اما تعريض الكاوتش فده هيعزز ثبات العربية بس العزم فى التسارع هيقل بشكل ملحوظ خاصة لو دخلت مقاسات 200 وانت طالع بس مش هيدايقك اوى مع موتور وبدى الفيرنا علما بان الاسبيرانزا موتور اقل فى الاداء وبودى اتقل بتنزل بكاوتش مقاس 195/55R15 وده من اسباب فى اداء العفشة الناشف فيها والله ينور عليكوا يا جماعة الدليل بيزداد قيمة يوم بعد يوم بمشاركتكوا

هيا المخاوف تعريض الكاوتش عن 185 ،،

مش بس حكاية العزم لاني متفق معاك غالبا مش هتفرق


لكن حاجتين

اولا انك عشان تحافظ علي ارتفاع العجله محتاج كاوتش بمقاسات نادره

195/55/14

او 205/50 /14

و حتي المقاس المكتوب للجنوط ال 15 صعب توافره في مصر

معظم الكاوتش في مصر 60 او 65 او 70 ،، الكاوتش الرفيع ده نادر


بالمناسبه يا جماعة اللي لقيته في السوق 195/60/14

ده هيعلي العربية حوالي 6 مم ( هوا هيعلي العجلة 12 مم فبالتالي العربية هتعلي النص )

هل كده يبقي اللي عملته زياده في العرض هيروح لاني عليت العربية و بالتالي الثبات هيقل


ثاني حاجة هل ممكن يكون شاسيه و عفشة الفيرنا مثلا مش مصممه لكاوتش اعرض من 185

يعني تحك في اليايات او الرفارف او كده

الله اعلم

[AHMEDCAR]

هو ممكن كمان العرض الزياده فى الكاوتش يسبب تقل على علبه الدركسيون و بالتالى الحشو بتعها هايبوظ