رابطة مالكي الكيا سيفيا فيد واستفد ( صداقة - نقل خبرات )

[sameh_saso]

المشاركة الأصلية كتبت بواسطة hishamhilmy السلام عليكم الحمد لله ربنا اكرمني بعربية كيا سيفيا 2001 اتوماتك حاله ممتازة والحمد لله العربية معايا بقاله 10 ايامفيه مشكلة واحدة بس مش عارف اعمل فيها ايه انا شاريها من القاهرة وانا راجع كنت في العجوزة وفولت العربية 92 ووصلت الاسكندرية وفضلت استعملها عادي جدا لحد لما فضل ربع التانك في خلال 5 ايام كنت سفرت عداد الرحله وانا بفول المهم العربية خدت 33 لتر وكان العاداد عامل 370 لتر فده معدل ممتاز وسفرت العداد تاني وانا بفول لما مؤشر البنزين وصل للشرطة قبل الاخيرة لقيت العداد عامل 270 فولت خدت 41 لتر فكده تقريبا عملت 6.5 كيلو في الليتر مع العلم سحب العربية فوق الممتاز مش عارف اعمل ايه ارجوكم المساعدة

اولا : ربنا يباركلك فيها
ثانيا : ياريت اول حاجه تعملها انك تغيير طقم السرفيس من فلاتر وبوجيهات وسيور وبعد كده احسب لها استهلاك البنزين وعلي فكرة العربية الاتوماتك بتسحب بنزين اكتر من المانيوال وانا عربيتي مانيوال بتعمل جوه البلد حوالي 180 كم في الصفيحة وعلي الطريق الصحراوي بتعمل حوالي 280 كم في الصفيحة

[sameh_saso]

المشاركة الأصلية كتبت بواسطة m_hamza ارجو مساعدتكم في مشكلتي : معي سيفيا 2002 غيرتها موتور وفتيس اتوماتيك محتاج ضفيرة الموتور دوخت عليها في الحرفيين ملقتهاش قالولي عندك مشط الكنترول بصفين وكل اللي بيجي من بره 3 صف قلت ماشي اجيبها بالكنترول الكهربائي قالي مينفعش تغير احنا نحاول نظبطها بعد ما ظبطها وركبنا الموتور والضفيرة ظهرت علامة chick engine قالي ده بسبب ان الضفيرة قبل كده كان ملعوب فيها كتير وفيه اسلاك ملغيه وفيه فيش ملقتهاش زي فيشه حساس الشكمان فالجهاز مش حيقراها ساعدوني في مشكلتي لاني حاسس ان معيا كهربائي مشتغلش في العربية دي قبل كده وبيتعلم فيها وموضوع الضفيرة دي الاقيها عند مين وهل ينفع التغيير ولا مينفعش وشكرا لسعة صدركم

عليك وعلي جمال مهران اخصائي كهرباء في السيفيا دون تردد

[sameh_saso]

المشاركة الأصلية كتبت بواسطة zadgo السلام عليكم ويارب يكون يوم سعيد عليكم وعلى مصر ان شاء الله محتاج منكم شوية نصائح كده وياريت تساعدونى 1- كنت عاوز اعمل غطاء تفصيل للعربية عشان العربية لتهرت من الشمس خلاص قياريت لو حد ينصحنى ويكون سعر مناسب لانى سمعت اسعار مبالغ فيها شوية 400 جنيه. 2- كنت مسافر من 10 ايام كده والجو كان حر جدا وقت الظهر كده فركنت ونزلت اشترى حاجه مفيش 5 دقائق ورجعت ادور العربية مش بتدور خالص مفيش كونتاكت لكن البطارية سليمة قعدت حوالى نص ساعه قلت خلاص مفيش امل وبعدين جيت ادور راحت دارت الحمد لله ومن وقتها لم يتكرر ومش عارف ايه السبب فهل ممكن تكون السخونة ولما سبتها بردت شوية اشتغلت...ياريت حد يفيدنى 3- العربية سحبها كويس الحمد لله بس ساعات لما بقف كتير فى الزحمة يعنى مابين الغيار الاول والتانى وبعدين الطريف يفتح الاقى العربية مش بتجمع معايا خالص وسحبها بطىء وممكن صوت الموتور يعلى شويه لدرجة ان الناس اللى ورايا بتقعد تزمر وبتكون متضايقه لانى ماشى تاتا فامش عارف ممكن يكون ايه السبب ياريت برده تفيدونى لانى مش بحب استغلال الميكانيكية ويقعدوا يجربوا لحد ماتصيب معاهم فبحب اكون فاهم وانا بعمل الحاجة. وشكرا لكم مقدما

بالنسبة للغطاء التفصيل ممكن يكون في الوكالة بس ليه كده انت ممكن تشتري واحد محترم جدا في حدود 150 جم .
وبالنسبة لتأخير دوران العربية له اسباب كتيره منها المارش فيه حاجة لانه ساعات من السخونه بيفصل ولازم تسيبه يبرد شوية علشا يدور العربيةاو طلمبة البنزين ....
وبالنسبة لسحب العربية اسبابه كتيره شوف البوجيهات او سلك البوجيهات اخيرا اكشف علي طقم الدبرياج ....
تحياتي

[sameh_saso]

المشاركة الأصلية كتبت بواسطة كيا سيفيا استاذ / Sameh Ragih بعد التحيه.... انا قرأت مرة فى كتالوج العربيه انه بمجرد ان تضىء لمبة البنزين فمن الممكن ان تسير بالسيارة حوالى 10 الى 12 ميل بمنتهى الامان . وبما ان حضرتك بتمون قبل اللمبه ماتضىء كده يكون وضع طبيعى جدا ان التانك يكون فيه بنزين كتير

كلام حضرتك مضبوط واحب اوضح ان اللمبة البنزين بتنور نور خفيف لما يكون التانك فيه حوالي 10 لتر بنزين .

تحياتي

[المناور]

أستأذن شباب السيفيا فى الانضمام اليكم .... أنا مالك جديد للسيفيا من حوالى 3 شهور والحمد لله