أبحث عن موتور سيارة أوبل كورسا 2000 1000 سي سي

[sarah]

مساء الخير عليكم،

انا عندي اوبل كورسا. انا مش خبيرة اوي في العربيات، بس هي الإنجيكشن بتاع الموتور باظ و هتحتاج موتور جديد. أنا قررت اجيب موتور (إستعمال خارج) . سألت هنا عندي في إسكندرية سمعت أسعار: 5000 و 6000 جنيه.

انا فكرت ان ممكن الاقي في القاهرة حاجة احسن و ارخص (لإن السوق اكبر و فيه منافسة أعلي، انا لاحظث مثلا إن الإلكترونيات عامة ارخص في القاهرة). حد يقدر يساعدني في الموضوع ده؟
شكرا يا شباب

[sarah]

آه صحيح، انا عايزة اجيب موتور 1400 سي سي بدل 1000، عشان سمعت إن ال 1000 قطع غياره اقل و صعب تلاقيها. إيه رأيكم؟

[حسام البورسعيدى]

مبدئيا طالما العيب فى الانجيكشن .. الموتور كله يتغير ليه ؟؟؟

عموما انا انصحك فعلا بموتور 1400 .. هيخلى العربية حاجة تانية مع حضرتك ..

وفعلا اعتقد انه اكتر انتشارا كقطع غيار من الـ 1000 (بس مش متاكد من النقطة دى) ...


عموما هو اكيد متوفر هنا فى بورسعيد .. لو حضرتك نويتى وعندك استعداد تشتريه من هنا .. انا ممكن اساعدك ...

[YahiaAshraf]

بص حضرتك

فى هنا عضو اسمه طارق ابو زيد
بيبيع قطع الغيار المستعمله و الجديده و الاستيراد
ممكن يفيد حضرتك

[nesr_2020]

واضح ان العيب مش فى الانجكشن لان الانجكشن لو فيه مشكلة ميغيرش الموتور..
ياريت توضيح اكثر للعيب عشان نقدر نساعدك ..
بالنسبة للموتور من الاسكندرية فى واحد عند باب 10 فى المنشية بعد شارع النصر بشارعين فى اتجاه الترام لبحرى هو متخصص اوبل بس سعره كويس..
و السعر حسب الموتور المطلوب هل موتور كامل ولا جزء منه بس..

ياريت العيب تانى او تكشفى عند حد تانى لان حرام تجيبى موتور على رشاشات انجكشن!

بالتوفيق