استفسار بخصوص قطع غيار فيتارا 97 حتى 2005

[laser503]

سؤالى هل قطع غيار فيتارا موديل 97 98 99 2000 2001 حتى 2005 سواء كان 1600 2 باب أو 2000 4 أبواب متوفر
وهل التوكيل فى مصر ملتزم وبالنسبة لتجربة السيارة لمن يمتلكها هل هى جيدة
أرجوا النصيحة ممن يمتلكون هذه السيارات لأنى بفكر أشتريها

[ahmedciw]

كان معايا موديل 98 الاتنين باب اتوماتيك والحمد لله مقعدتش معايا 3 شهور و بعتها بعد ذلك بخسارة ..

رأي في السيارة انها كانت اختيار غير موفق للأسباب التاليه :

1 - قطع غيار نادرة وغاليه جدا - تقريبا خمسة الي كانوا شغالين فيها في القاهرة و الحرفيين - .
2 - ثبات منعدم بعد ال 120 .
3 - ضيقه جدا في الامام و الخلف اي عربية سيدان صغيرة اوسع منها .
4 - الكنبه الخلفية فردين فقط بالكاد .
5 - عفشه ناشفه للغاية .
6 - نطه مزعجه في الفتيس الاتوماتيك .
7 - لا توجد بها شنطه خلفية او لا تكاد تذكر .

وربنا يوفقك للأصلح أمين

[laser503]

المشاركة الأصلية كتبت بواسطة ahmedciw كان معايا موديل 98 الاتنين باب اتوماتيك والحمد لله مقعدتش معايا 3 شهور و بعتها بعد ذلك بخسارة .. رأي في السيارة انها كانت اختيار غير موفق للأسباب التاليه : 1 - قطع غيار نادرة وغاليه جدا - تقريبا خمسة الي كانوا شغالين فيها في القاهرة و الحرفيين - . 2 - ثبات منعدم بعد ال 120 . 3 - ضيقه جدا في الامام و الخلف اي عربية سيدان صغيرة اوسع منها . 4 - الكنبه الخلفية فردين فقط بالكاد . 5 - عفشه ناشفه للغاية . 6 - نطه مزعجه في الفتيس الاتوماتيك . 7 - لا توجد بها شنطه خلفية او لا تكاد تذكر . وربنا يوفقك للأصلح أمين

شكراً ليك جداً على النصيحة لأنى كنت معجب جدا بالعربية ديه لكن بعد الـ أنا عرفته عنها هشوف حاجه غيرها ... المهم إنى كنت مشدود ليها جدا عشان إنها عربية مهام ومناسبة للطرق الوعرة والمدقات وبتستحمل مطبات مصر ... غير إنى كنت عايز فعلاً أوتوماتيك عشانى وعشان زوجتى لأنها هتبوظلى دبرياج عربيتى وقلت أشوف ليها عربية أوتوماتيك وتكون تستحمل

[ahmedciw]

انا برضه لما نزلت من الاتوماتيك محبتش اركب عادة ... فجبت برتون ساجا اتوماتيك زيرو عملت 68 الف .. و الحمد لله كل عيوب الفيتارا مش موجودة فيها و علي النقيض عربية محترمه بجودة عاليه و شكل عصري وتعتبر ارخص سيدان اتوماتيك قي مصر