ارشيف الاستراحة 2009

[ahmed_kamel]

والله ياهاني باشا لو حد خد بالو من الكلمتين المكتوبين دول عن رينو وميجان كمان .. مش عارف إيه ممكن يكون رد فعل الناس هنا .... إستخبى شويه اليومين دول لحسن قانون المرور الجديد بيمنع التشهير بكافة سيارات رينو منعا باتا وعلى من يعترض عليها سيأخذ مخالفه لن تقل قيمتها عن 1700 جنيه مشمشي


أما بالنسبه لهذا الشيطان الرجيم ... فهو بدعه وكل بدعه ضلاله وكل ضلالة في النار ... وهو بالتأكيد من أعمال السحر الأسود والأبيض معا ... وقد تم إختراعه بمملكة الجان بقيادة الأمير شاندو ... وتحت رعاية الأمير ماندو
أنا حاسس إن الموبايل ده طالعلنا من كتاب ألف ليله وليله ..... بس إيه الحلاوه ديه يامبدع

[salahabdelnabi]

اولا تسلم ايدك يا استاذ هانى ptmnlo123per112
ثانيا انا حاسس ان الموبايل ده هو التطوير الجديد لمصباح علاء الدين والعفريت اللى فيه ptmnlo123per1127
فاضله حاجة واحدة بس ويبقى عشرة على عشرة ولو اتعملت انا اول واحد هاشتريه
انه يعمل عيش بلدى من ابو شلن نعرف ناكله من غير طوب وزلط وبلاوى زرقة متلتلةptmnlo123per145

[salahabdelnabi]

المشاركة الأصلية كتبت بواسطة noura_taman أجيبلك الخلاصة يا أخ أحمد هو من الواضح من الللي انت حكيته ان العيب مش في الستات اللي بتسوق العيب ما هو الا في مرات اخوك ده حتى الراجل شال ايده منها ptmnlo123per172 الذيذ بقة في الموضوع اللي انت حكيته ده انك تخلي اخوك يشوفه بقة ويشوفله حل في الحكاية دي من الاول ما هو لو يقر يقلق راحته ساعة او يجي على نفسه شوية وينزل يوصلها عاشن تعمل مصالحها او مصالح البيت او يجيب هو طلبات البيت ماكنشي ده باق الحال اللي انت مش قادرين تستوعبوه اصلا ان الستات اما بتسوق مش منظرة والله ولا حاجة لاء بسش عشان لزقة الاتوبيسات وانتهازية سواقين التكاسي ان ماعاكسهاش في نص المشوار طيب ما تعلموها الميكانيكا وماله يعني الست اللي بتعمل كل ده بدل ما تقولوا انهم احسن ما يسوقوش ربوا الاول سوايقن التكاسي وقوليلهم رفقا بالقوارير وكل واحد في اي مواصلة يعامل الست انها أخته وعرضه ويحميها بدل مايهين عرضها لو الست مش المفروض تسوق يبقة نص الرجالة لازملهم درس في الاخلاق صدقني والله ده الواقع انا واحدة بتسوق وكنت بمرن سواقة كمان اه انا معاك ان في ناس بتشل بس كمان في فعلا رجالة بتعمل حاجات غريبة بدون داعي اساسا يا جماعة رفقا بالقوارير او وفرولنا احتياجاتنا انتم الاول واحنا هانعد في بيوتنا ptmnlo123per111 مش هاقولك ان الموضوع مش عاجبني لاء عادي دي وجهات نظر فعلا بس ضحكتني قوي مرات اخوك دي جبارة الصراحة ربنا يعينك بقة واضح ان دي مش اخر التليفونات اللي هاتصحيك من النوم

المشاركة الأصلية كتبت بواسطة AboNoRa كده يا كار تزعل قوارير مصر موتورز ptmnlo123per145 مفيش شك ان السواقة فى شوارع المحروسة مش سهلة ولا هى الرفاهية اللى ممكن تناسب اى ست بالعكس اغلب الستات اللى بيسوقو بيبقو مضطرين لطبيعة عملها او لمباشرة دراسة اولادها خاصة اذا جوزها مشغول فى عملة او متوفى اساساً فالحقيقة ان السماح بقيادة النساء رحمة فعلاً وان كانت لها بعض السلبيات بالتأكيد بس فى الحقيقة وبالارقام السلبيات والمخالفات والحوادث اللى بتسبب فيها السيدات اقل بكتير كماً ونوعاً من اللى بيعملها الرجال ptmnlo123per1127

عنوان الموضوع شدنى وعلى الرغم من كوميدية عرضك ليه وعلى انه كمان حاجة خاصة لكن التعميم فى العنوان يضايق
و مرات اخوك اسمحلى بدون زعل يعنى استفزتنى قوى بشكل ماتتخيلوش ومش قادر اسمى اللى هية عملته دا ايه وده مش معناه ان كل الستات اللى بتسوق كده ومش لاقى كلام اقوله اكتر من كده لانه بصراحة يا احمد كلام الاستاذة نورا وكلام الاستاذ وائل جاب من الاخر

[AbOnOrA]

كلها سنة وهتلاقى الصنى منه نزل وبيعمل كوووووووووووووول الحاجات ديه وبيقشر بطاطس كمان ويبقى موضة العصر والناس كلها تبيع هدومها وتجيبه وطبقا للمواصفات المصرية هينزل فيرجن بتعمل عرقسوس وتمر هندى ولسه جدتى كانت دايماً تقول اللى يعيش ياما يشوف

[cairo2005]

والله الناس اللي بيشكلوا الحروف دي حاجة من اتنين:
يا اما ميعرفوش الشعب المصري
يا اما عايزين الناس تتخانق كل شوية مع بعضها عشان ينشغلوا عن الحكومة
يعني البعيد اللى بيشكل الحروف مش عارف ان المصريين بعبقريتهم بيقروا الحروف عدل وبالمقلوب عشان يتريأوا على بعض ؟
يعني عندك الدكتور ربنا رحمه بحروف هـ ل ع يعني هلع لان دي تخوف اللى ماشي جنبه وحتي لو قلبتها هتبقي عله يعني اللى هيقرب منه هيصيبه بالمرض يعني في الحالتين هيخوف الناس من انها تقرب منه

لكن عندك بقة حروف من عينة م د ب أو ب ج م دول شتيمة لانهم مدب وبجم
وعندك حروف من عينة ل غ ب أو ح ن ت دي بردو شتيمة لان العباقرة بيقروها بالمقلوب فتبقي بغل و تنح
وعندك بقة حروف من عينة ل و ح أو العكس بتاعها اللى هو ح و ل دي شتيمة من الناحيتين يعني مرة تبقي لوح ومرة تبقي حول وانتم عارفين حبايبنا المصريين ممكن يظبطوا صاحب النمر دي تريقة ازاي
على فكرة كل الحروف اللى قلتها دي شفتها وسمعت تريقة على اصحابها
الحمد لله ربنا كرمني بحرفين عسل د ع يعني يا اما دع فتبقي دع الملك للمالك يا اما عد يبقي عد الفلوس اللى اتدفعت في العربية ومتقرش عشان اتهريت بسبب القر
ربنا ما يجعلكم ملقف لحد يقر عليكم



قبل ما انسي مبروك يا دكتور عليك ال هلع