تويوتا تندرا

[muhsamir]

السلام عليكم
كل عام و انتم بخير
ياشباب في سيارة إسمها تويوتا تندرا هي سيارة بيك أب منافس قوي للدودج رام في مصر و في أمريكا ..
السؤال هل السيارة دي في مستوردين ليها في مصر و لو في كم سعرها ..

أرجوا الإفادة ...

[3bd0]

يا راجل حد يسيب الرام:


ويدور على التاندرا:


قولي بس ايه اللي عاجبك فيها

الفئة دي فيها ناس جبارة والتويوتا بالنسبالهم خبراتها تساوي صفر على الشمال
اشهرهم الشيفورليه سيلفرادو والجمس سييرا:



وطبعا الكبير بتاع الليلة دي كلها من أولها لاخرها: فورد اف 150



وعندك النيسان تيتان برضو عشان دي اخت عربيتي ومينفعش انساها

[muhsamir]

السلام عليكم
فعلاً كلامك صحيح من الوهله الأولى و لكن بعد التأني أكتشفت التالي ..
تويوتا أقوى من حيث الماكينة و القوة و الجوده مقارنة بأي شركة أخرى ..
سهولة الصيانة.
أسعار قطع غيار منافسة لأي شركة أخرى .
مواصفات مثلها مثلهم ..

و أنا أعيش في السعوديه و هنا أوعى تفكر أنك تشتري دودج أو جيب أو حتى كرايسلر ... راح تخسر كتيييير مادياً و معنوياً لما تسأل عن فانوس أمامي و ما تحصله و إن حصلته تلاقيه 2000 ريال و يمكن أكثر...

أما التويوتا فهي الوحش اللي دمر كل الماركات الأمريكية و في عقر بيتهم ..
و شوف اليوتيوب موجود عليه مقاومات كتير بين الماركات دي و بعضها ..
و هنا يوجد منها نفس الشكل و لكن مقفل صندوقها و به صف ثالث من المقاعد و إسمها سيكويا ..
و الله و قفت قدام الأمريكي اللي واكل السوق لأكثر من 50 سنه و عدته بمراحل و الدليل السيارات الموجوده منها في الشوارع مقارنه بالتاهو و الدينالي ..

أتمنى تكون وجهة نظري واضحة ...

[3bd0]

وعليكم السلام ورحمة الله وبركاته
انا سعيد جدا بالنقاش مع حضرتك لأني بحب النوع ده من العربيات جدا

تويوتا أقوى من حيث الماكينة و القوة و الجوده مقارنة بأي شركة أخرى ..

انا ماركبتش العربية عشان احكم عليها بصراحة، بس انتا لو دورت بسرعة كده في جوجل هتلاقي ان معظمهم ماتورهم 6.0 ماعدا التيتان 5.6 والرام 5.7 والتندرا 5.7
الجودة انا شايف ان كلهم زي بعض، كلهم بيتصنعو في امريكا اصلا

سهولة الصيانة. أسعار قطع غيار منافسة لأي شركة أخرى .

انا شايف ان في السعودية هتبقى الجمس والشيفورليه اسهل وارخص، وفي مصر طبعا الرام تغلب
وده بسبب منطقي جدا ان المكان اللي فيه العربية منتشرة هتلاقيه فيه قطع غيارها وصيانتها هتبقى سهلة

و أنا أعيش في السعوديه و هنا أوعى تفكر أنك تشتري دودج أو جيب أو حتى كرايسلر ... راح تخسر كتيييير مادياً و معنوياً لما تسأل عن فانوس أمامي و ما تحصله و إن حصلته تلاقيه 2000 ريال و يمكن أكثر...

انا معاك في النقطة دي جدا، الماركات دي سوقها وحش في السعودية، بس في مصر وفي الفئة دي من العربيات دودج هوا المسيطر

أما التويوتا فهي الوحش اللي دمر كل الماركات الأمريكية و في عقر بيتهم .. و شوف اليوتيوب موجود عليه مقاومات كتير بين الماركات دي و بعضها ..

هيا من ناحية وحش فده أكيييييد مليون في المية، بس انتا لو شفت الناس في امريكا بتشتري ايه هتعرف ان التندرا مبيعاتها قليلة جدا بالمقارنة مثلا مع عملاق السوق الأمريكي الفورد F150

و هنا يوجد منها نفس الشكل و لكن مقفل صندوقها و به صف ثالث من المقاعد و إسمها سيكويا .. و الله و قفت قدام الأمريكي اللي واكل السوق لأكثر من 50 سنه و عدته بمراحل و الدليل السيارات الموجوده منها في الشوارع مقارنه بالتاهو و الدينالي ..

طبعا موضوع انتشار السيكويا ده حقيقة لا ينكرها الا جاحد، بس انا في رأيي الشخصي ان السبب الرئيسي للموضوع ده هوا حب اهل الخليج عموما للتويوتا. انا عن نفسي طبعا بفضل السيكويا عن الجمس والشفر، بس لسة شايف ان عددها ميعديش ابدا عددهم، ولكن هيا في زيادة مستمرة وبتاخد ثقة المستهلك السعودي بالذات سنة ورا التانية


تحياتي،

[mtema99]

المشاركة الأصلية كتبت بواسطة 3bd0 يا راجل حد يسيب الرام: ويدور على التاندرا: قولي بس ايه اللي عاجبك فيها الفئة دي فيها ناس جبارة والتويوتا بالنسبالهم خبراتها تساوي صفر على الشمال اشهرهم الشيفورليه سيلفرادو والجمس سييرا: وطبعا الكبير بتاع الليلة دي كلها من أولها لاخرها: فورد اف 150 وعندك النيسان تيتان برضو عشان دي اخت عربيتي ومينفعش انساها

حضرتك انا كان معايا رام 2010 و بدلتها بتندرا بلاتنيوم

و العربيه اكثر من رائعه