ليه الرجاله سواقتها احسن من الستات ؟؟؟

[seifmando]

الراجل بيعمل ايه فى اليوم الواحد:
1- يصحى يروح الشغل
2- يخلص شغله فى ميعاده
3- ينزل يركب عربيته ومفيش اي حاجة تانية فى دماغه الا انه يروح (ساعات في يوم الخميس بيبقى فى دماغه الـ.... الجامد)
بسسسسسسسسسس
الست بتمل ايه فى اليوم الواحد:
1- تصحى قب الكل عشان تحضر السندوتشات - الاولاد للمدرسة - فطار زوجها ولبسه وتلميع الشوز بتاعه (لان شياكة الراجل مراية الست بتاعته)
2- تلبس وتنزل وتروح الشغل وهي دماغها وموبايلها فى الاولاد وصلوا المدرسة بالسلامة ولا لأ (وساعات هي اللى بتوصل الاولاد للمدرسة)
3- هتعمل ايه النهاردة فى الشغل
4- تخلص الشغل وتنزل تركب عربيتها وتقفل ازازها حتى لو العربية مفيهاش تكييف عشان كل شاب شايف نفسه عم الروش هيعاكس فيها وساعات يزنق عليها بعربيته وهي مطالبة بانها ماتتهزش وتمشي فلى الطريق عدل
5- تجيب الاولاد من المدرسة وتورحهم بسرعة
6- وهي مروحة دماغها كلها فى انا هعمل اكل ايه النهاردة - يارب ااحق اوص قبل زوجي عشان الحق احضر الغدا - الاولاد ومذاكرتهم
7- اول متروح تبقى فى المطبخ بتحضر الغدا ويبقى يومها مش لذيذ لو زوجها روح قبل الاكل مايخلص ويا لهوى لو لقى ريحتها طبيخ
8- بعد الغدا الايلولة بس للاسف الاولاد لازم يخلصوا الواجب الاول
9- الاولاد خلصوا الواجب يكون صحى الزوج من النوم فهي مينفعش تنام وتسيبه
10- المسلسل العربي او مهند ونور
11- العشاء يا ماما عشان ننام
12- لو يوم الخميس يبقى البرفان الجامد عشان الـ.... الجامد
13- لازم تحضر ملابس الاولاد والزوج والمكواة
14- اكيج انا نسيت حاجات كتيررررررررررررر

المهم الرحل ودماغه الرايقة بالنسبة للست تخليه يلاقى وقت ودماغ انه يخترع الذرة انما الست وهى سايقة وهى حتى نايمة بتفكر فى ال3 ساعات الجايين هتعمل فيهم ايه

ممكن اكون مدافع شوية عن الست بس متبقاش القاعدة ان كل الستات وكل الرجالة

[spera516]

انا ماكنش قصدي والله حكاية كل الستات وكل الرجاله
انا عارف ومتأكد ان فيه ستات ماشاء الله سواقتها ولا احسن سواق درجة اولى بقاله 40 سنه فى المهنه

وده بالتجربه انا مره حاولت اشد مع واحده على الطريق الصحراوى لاحظت انها كاسحه الطريق وانا طبيعة سواقتى هاديه بس استغربت من الغرز والسرعه بتاعتها وحاولت اثبت لنفسي ان الراجل امهر من الست ورغم محاولاتى طوال حوالى 50 كيلو بس فشلت انى اسبقها وقلت يمكن لان عربيتها احسن

انا بحاول من المشاركات اننا نخلى الستات تستفيد وتعرف السلبيات اللى ممكن تتجنبها

وانا شايف ان الست فيها مشكلتين بجد اكبر مشكلتين غير اللى اتذكروا لو اى ست تجنبتهم بجد هاتبقى احسن من اى راجل وهما ..

1- التوتر مع الضغط الشديد فى اوقات الزحمه و الاستفزازات من الاخرين وتكون هادئه حتى مع اصعب المواقف وتتصرف بهدوء وطبيعيه لان التوتر اثناء القياده من اهم مشاكل النساء حتى لو اظهروا قمة الهدوء انما من جواهم بيبقوا بجد متوترين ومتعصبين ومش مركزين .

2- التركيز فى المساحات
(المساحات ) العن واكبر مشكله عند الستات انا بشوف ستات كتير خايفه تعدي بالرغم من ان فيه مساحه متر يمين ومتر شمال العربيه وده بيجيب شلل لكل المتابعين للموقف
ده غير طبعا (عدم تقدير المساحات فى الركن ) وده ده بيخليك تتشل وانت بتتفرج على واحده وهى بتركن خصوصا لو انت منتظرها ويا اما بتقعد تخبط فى اللى ادامها واللى وراها يا اما مش بتكون عارفه تركن بالرغم ان فيه مسافه لا تقل عن 5 متر اكثر من مساحه عربيتها

شكرا واسف على الاطاله