كفا الله عنكم الشر جميعاً : أسباب زيادة حوادث الفيرنا؟

[عبدالله منصور]

سلام عليكم

الله يكفى عنا وعنكم الشر جميعا

بس ليا سؤال عشان قريبى ناول على فيرنا وقالى اسأل السؤال دا


ليه انا 70% من العربيات اللى بشوفها عاملة حادثة على الطريق او نازل اعلانها فى جرايد او او الاقيها فيرنا ؟


ولما سألت السؤال دا لناس تانية قالولى احنا بردو فعلاً كدا بنشوفها كتير

ياريت حد يفسر لى

وسلامة الفيرناويين وربنا يكتبلنا ويكتبلكم كل خير يارب

[knight_night]

يا باشا الفيرنا اقل ما يقال عنها انها ورقة على الطريقة ويمكن اقل من الورقة كمان دا بالاضافة لان الصاج بتاع هيونداى كله ورق عن اى صاج تانى

[Eng . Mano]

ممكن علشان محركها قوى جدا و غير مناسب اطلاقا لحجم جسم العربية ، اعتقد ان ده سبب كبير جدا ، بدليل ان موتور الفيرنا ده هو نفس موتور الالنترا مو2005 الشكل القديم بس طبعا فيه فرق بين حجم الالنترا القديمة و حجم الفيرنا .. كمان الفرامل ضعيفة على الموتور اللى المفروض ينزل معاها abs ، بس طبقا لسياسة غبور ( كله بتمنه ) انسى ان يركبلها abs . ده حتى العربية الوحيدة الهيونداى فى الفئة السعرية لغاية 120 الف اللى فيها abs هى الالنترا الهاى لاين يعنى مش العادية .
و كمان مافيش حاجة اسمها كل الفيرنا او 70 % منها بتعمل حوادث ، العيب على اللى بيسوق ، اذا كانت سواقته هادية و رزينة و فيها تحكم ، او ماشى بطريقة هوجاء غبية و يضيع نفسه و اللى معاه . يعنى انا امبارح بس شوفت عربيتين سيراتو زيرو ، النص الامامى بتاعهم محطم تماما مش باين له اى معالم ، و الموضوع ده عند الكيلو 4.5 اول طريق السويس . ده طبعا سببه التهور و الطيش بدون سبب ، بس فعلا الفيرنا عربية جميلة جدا جدا و عملية و فيها كل حاجة ، و رشحها لقريبك انه يجيبها ، بس يمشى على مهله ..

[BASSEM BESO]

السبب انها عربية خفيفة جدا جدا جدا لببعد بكرة عن تجربة غير ثابتة خالص ال516 برقبتها جايب بيها امبارح 160 على طريق مصر اسماعلية ولا كأنى سايق مش الفيرنا اللى بتفكرنى بعلبة السالمون مع الأعتذار للفرناوية

[محمد عبد النور]

ممكن الفيرنا لانها كتيرة والناس بتحبها بس هيا مع خالى من 4 سنين وبيسافر بيها وزى الفل