سؤال لأهل الخبرة وبرجاء الافادة

[hal71]

أنا زي حضرتك أنا لما بأشغل المروحة في التابلوه (أنا فاصل التكييف لأنه ما بيعملش حاجة)--لمبة البطارية بتشعر تشعير خفيف الكهربائي قاللي ما فيهاش حاجة هل كلامه صح ؟؟

[Mohamedkhalilibrahim]

اعتقد انك محتاج تغير كتاوت الدينامو بواحد اصلى طبعا وتكشف على رولمان البلى والشربون .. لكن لو اللمبه بتنور فى زجاج واحد بس يمسن اوشمال معناه ان اللمشكله فى مجرى الزجاج ودى تحتاج واحد بتاع زجاج

[engcomm]

طيب انا اخر كهربائى قالى السير مريح فى الطنبورة وده كده يهرب شحن فقالى غير السير بواحد أعرض شوية هيظبط معاك
هل الكلام ده صح ولا هيغرمنى سير وخلاص

[Mohamedkhalilibrahim]

المشاركة الأصلية كتبت بواسطة engcomm طيب انا اخر كهربائى قالى السير مريح فى الطنبورة وده كده يهرب شحن فقالى غير السير بواحد أعرض شوية هيظبط معاك هل الكلام ده صح ولا هيغرمنى سير وخلاص

شوف لو السير مش مرخى ومشدود كويس ما بيحصلوش انزلاق اثناء الدوران تبقى الحمد لله مشكله سير يعنى تكلفه بيسيطه لكن لو السير مشدود يبقى امرك لله شوف كهربائى كويس

[الهولندى الطائر]

لما لمبة البطارية تنور

تبقى بطارية عربيتك بتقولك

يا أستاذ لو سمحت

انا اللى بصرف عليك دلوقت مش الدينامو

وده عيب ما يصحشى تضغط عليه

.......


الواجب

تروح للدينامو

وتدخله العيادة وتعمله فحوصات

اذا الدكتور( الكهربائى ) بطرق علمية بحته لقاه سليم

يبقى تخش على الجزء الاخير

وهو الوصلات بينه وبين البطارية - القواطيس - السير - نظام الاشعال والحرق

لكن غالبا هيكون عيب دينامو ( منظم الشحن عسكرى المرور اللى المفروض يطلع تيار ثابت لشحن البطارية وتزويد السيارة بالكهرباء - لو حصل له خلل - هتلاقيه فوت - والتيار اللى هيطلع ممكن يكون قليل ساعتها العربية هتضطر تسحب من البطارية
تقوم البطارية منوره

وعايزه كهربائى كلام قليله وافعاله كثير

علشان الليلة دى كلها اشتغالات وحوارات ومطبات

واخوك دايس فيها ليالى وعنده خبرة احسن من كهربائية مصر


ابدأ بالصغيرة زى ما الاساتذة الافاضل أفاضوا

السيور والقواطيش
وياريت تراجع مستوى حرق البوجيهات لان الاشعال التعبان بيخلى المكنه مش قادرة تولد حركة دوران كافية للسيور خصوصا لو المنظم ( العسكرى بتاع الدينامو فيه شبه خلل )

وربنا يوفقك

وابقى ادعيلنا بظهر الغيب