تقرير عن معاملاتى مع غبور فرع الاقصر

[holly_man19]

انا الحمد الله روحت حجزت الالنترا الشكل الجديد من عند غبور الفئه الاولى وقولت انقل تجربتى للاعضاء لعل يستفيد احد من تجربتى
توجهت الى مركز خدمه غبور يوم الاثنين الموافق 28/11
وقابلنى شخص يدعى مينا فى مركز خدمه غبور فرع الاقصر وقابلنى بالابتسامه وحسن المعامله
وقدم لى جميع الخدامات حتى الخدامات البنكيه وقال لى الاستلام بعد عشره ايام من الحجز بكامل قيمه السياره وهو 116 الف وقال لي رجاء السرعه لان سعر السياره محتم ان تزيد فى بدايه الشهر القادم (شهر 12 )
وتقدمت الي المركز بعدها بيومين يوم 30/12 ودفعت كامل قيمه السياره واثناء الدفع قال ليه مينا انه فيه خبر وحش
قولتله ايه هوا قال لي بالنسبه للالوان اننا لا نعلم الاستوكات الموجوده حاليه في المخازن وانا كنت مختار اللون الاسود فقال لي ان كدا ممكن الاستلام يكون بعد يوم 23/12 الشهر الحالى
ورديت عليه قولتله لو مشكله اللون ممكن تاخر الوقت ممكن اغير اللون الي اللون الازرق ميتالك فقال لى يوم الاحد هيرود عليها بالاستوكات الموجوده في المخازن يوم
ثم ذهبت له يوم الاحد حتى اختار لون من الالوان الموجوده لديهم قال لي لسا البيانات منزلتش علي الكومبيوتر يوجد معلومات لديه وان استنا يومين كمان
ودى تجربتى مع شركه غبور حتى الان و ربنا يستر فالباقي واى جديد هكمل في نفس الموضوع
واسف للاطاله

[oceanboy425]

حاسس انك بتتعامل مع معرض مش غبور و هو معندوش الداتا موجوده على الجهاز ولا الجهاز هيجى مع العربيات لسه

[holly_man19]

المشاركة الأصلية كتبت بواسطة oceanboy425 حاسس انك بتتعامل مع معرض مش غبور و هو معندوش الداتا موجوده على الجهاز ولا الجهاز هيجى مع العربيات لسه

هههههههههههه مش عارف والله

[AbOnOrA]

ربنا يتم لك على خير واشكرك على عرض التجربة

[jojojojojo]

انا بتهيئالي عادي عشان الستوك عاده بيبقي في القاهره او بورسعيد او السويس او اسكندريه بالقرب من الموانيء والمطارات فممكن يكون البيانات بالنسبه للالوان مش موجوده وخاصه انه فرع الاقصر وفعلا كلامه مظبوط العربيات عامه كلها هتغلي وان شاء الله تستلم ع خير ويباركلك فيها بقترح عليك لون سن الفيل هوه بين الابيض والبيج لون حلو اوي في الالنترا لو ملقتش اللون اللي انت عايزه الاسود والازرق بيلموا تراب كتير بس شيك برضه والله الموفق