لتجعل سيارتك تعمل بالماء.....!!!!

[فادى]

لا يمكن أن تعمل السيارة بالماء,
دى فكرة رومانسية غير قابلة للتنفيذ على الاطلاق, لا النهاردة و لا بعد 100 سنة و لا 1000 سنة قدام.
و لا يمكن كذلك أن يساعد الماء فى تسيير السيارة,
لأن الطاقة لا تفنى و لا تستحدث.
الطاقة الهيدروجينية دى موضوع أخر تماما, هو صحيح الهيدروجين يستخلص بطريقة كيميائية من الماء, لكن هذا لا يعنى أن الماء هو الذى يحرك السيارة.و لازال الهيدروجين أمامه الكثير من الوقت ليكون بديلا عمليا للوقود, و نحتاج الى معجزة كى نصل الى تسيير السيارة بالهيدروجين بشكل عملى.
الاعلان الموجود نصب فى نصب شفت زيه كتير, فلا تعيروه اهتماما.

[marid]

السادة الكرام

انا فعلا عاجز عن الشكر عن الاسلوب العلمي و اللطييييف في تناول الحوارو لن اقول اي كلمة اخرى عن المشروع الخاص بي... انما انا متأكد ان لو اي حد من الناس اللي وصفته بالنصب لو شافت المنتج ده و عليه كلمة

made in Japan made in Germanyهيتهبلو عليه و يقولو ايشي خيال يا ناسو اخر تعليق لي على هذا الموضوع هو في الوصلات الملحقة

اليابان

http://news.bbc.co.uk/hi/arabic/vide...00/7453174.stm

المانيا و الاتحاد الاوروبي
[http://www.dw-world.com/dw/article/0,,1968244,00.html
انما مشروع مصري عربي مصنع باياد مصرية و عقول مصرية و مواد محلية يبقى نصب و خيال علمي و مستحيل و لو بعد 1000 سنة
ابقة خلونا نشوفكم بقة بعد 1000 سنة يا شباب و مرة تانية حقيقي ده مستوى الحوار الراقي و التفتح اللي هيوصلنا و يوصل اقتصادنا لأعلى مكان في الدنيا

[فادى]

يا سيدى سواء كان مصرى أو يابانى أو من تورا بورا, فأى واحد يقول أن السيارة من الممكن أن تسير بالماء,
فأنا اسف هو اما جاهل بأبسط قواعد الديناميكا الحرارية, أو انه نصاب, و لا شىء أخر.
و متفتكرش انك لو جيبتلى خبر من البى بى سى و شركة يابانية يبقى ممكن أصدق ان السيارة تمشى بالماء,
حتى لو قال اينتشاين نفسه أن السيارة تمشى بالماء فلن أصدقه.
لأن هذه الفكرة مستحيلة علميا.
ممكن حضرتك تشرحلى فكرتك بالضبط عشان اناقشك فيها و ابينلك ليه انا بقول كده.

[marid]

المشاركة الأصلية كتبت بواسطة فادى يا سيدى سواء كان مصرى أو يابانى أو من تورا بورا, فأى واحد يقول أن السيارة من الممكن أن تسير بالماء, فأنا اسف هو اما جاهل بأبسط قواعد الديناميكا الحرارية, أو انه نصاب, و لا شىء أخر. و متفتكرش انك لو جيبتلى خبر من البى بى سى و شركة يابانية يبقى ممكن أصدق ان السيارة تمشى بالماء, حتى لو قال اينتشاين نفسه أن السيارة تمشى بالماء فلن أصدقه. لأن هذه الفكرة مستحيلة علميا. ممكن حضرتك تشرحلى فكرتك بالضبط عشان اناقشك فيها و ابينلك ليه انا بقول كده.

انا مش مسئوليتى اشرح لحد و اقنعكم واحد واحد
واللي مايشوفش حاجة في وضوح الشمس و العالم كله بيتسابق للوصول الى التكنولوجيا دي تبقى ديه مشكلتك
ممكن انت تعمل اى بحث و بعدين تيجى تناقشنى فى الى انت مش فاهموا................... .....ها(حتى لو قال اينتشاين نفسه )..............
انما مش دورى انى ادرسلك تكنولوجيا و ثيرمو و احتراق من اول و جديد!!!!!!!!!!!!!!!!!!!!! !!!!!!!!!!!!!!!!!!!!

[فادى]

المشاركة الأصلية كتبت بواسطة marid انا مش مسئوليتى اشرح لحد و اقنعكم واحد واحد واللي مايشوفش حاجة في وضوح الشمس و العالم كله بيتسابق للوصول الى التكنولوجيا دي تبقى ديه مشكلتك ممكن انت تعمل اى بحث و بعدين تيجى تناقشنى فى الى انت مش فاهموا................... .....ها(حتى لو قال اينتشاين نفسه ).............. انما مش دورى انى ادرسلك تكنولوجيا و ثيرمو و احتراق من اول و جديد!!!!!!!!!!!!!!!!!!!!! !!!!!!!!!!!!!!!!!!!!

عشان منعيدش و نزيد فى الكلام,
انا عارف انت كنت هتشرح ايه,
احنا هنحول الماء لهيدروجين و اوكسوجين (عملية التحليل الكهربائى), و ناخد الهيدروجين نشغل بيه المحرك.
مش كده و لا ايه؟
هل معنى ذلك اننا هنحط مياه فى العربية هتمشى؟
بالطبع لأ, لأن عملية الفصل تلك تحتاج الى طاقة كهربائية, و الطاقة قادمة من بطارية, يبقى عملنا ايه؟
ما هو فيه حاجة اسمها سيارة كهربائية شغالة بالبطارية, و طبعا كفاءة السيارة الكهربائية 90% (كفاءة أى محرك كهربائى),
معنى انو السيارة تمشى بالماء, اننا هنحتاج لأضعاف الطاقة الكهربائية التى نحتاجها لتسيير سيارة كهربائية عادية لأن عملية فصل الهيدورجين عن الماء لازم تبقى ليها فواقد, بالاضافة الى قلة كفاءة محرك الاحتراق الداخلى الهيدروجينى و التى لا يمكن أن تتعدى 30% بأى حال من الأحوال (قانون كارنوت لمحركات الاحتراق الداخلى).
و بالتالى محتاجين بطارية جبارة (ان وجدت) لنجعل تلك السيارة تسير كيلومتر واحد, و بعدها تنفذ البطارية و تحتاج الى اعادة شحن.