لو نويت تنزل سوق السيارات لازم تدخل هنا

[mostafa_91289]

شكرا الف شكر يا باشا احنا كلنا محتلجين المعلومات دي عشان ميضحكش علينا وربنا يقدرك على فعل الخير ويبعد عننا ولاد الحرام

[miam0502788391]

وانا أضيف بالنسبة لشراء المستعمل خليك فى المضمون يعنى واحد قريبك صاحبك او معرفه عنده عربية حلوة بيبعها عارف انت اصلها و فصلها عمل فيها ايه حط فيها ايه بيمشى بيها ازاى ممكن تاخدها بزيادة ألف ولا اتنين بدل م تروح تشترى عربية مجهولة الهوية تيجى بعد ما تشتريها تصرف عليها 4 ولا 5 الاف جنيه وتكره العربية واللى باعها ليك

ويا ريت تيجي علي 4 ولا 5 الف جنيه يا ميمو

[miam0502788391]

المشاركة الأصلية كتبت بواسطة corsair ويا ريت تيجي علي 4 ولا 5 الف جنيه يا ميمو

حصلت معايا يا باشا وانا بشترى وواخد معايا واحد المفروض انه بيفهم قوم لما سمعت صوت المكنه لقيته عالى شوية وخشن بزيادة قمت قلتله المكنة صوتها عالى قالى متقلقش هتظبط هى العربيات دى كده المهم صدقته لأنه ميكانيكى اى والله ميكانيكى والمفروض انه بيفهم فى المواتير بعد ما أخذت العربية كل واحد يركب معايا يدينى نفس الأنطباع ويقولى المكنة بترذع قلت اروح لميكانيكى تانى طبعا اول ما سمع الصوت قاللى ده الكرنك يا باشا ولازم يتخرط المهم خرطت الكرنك وعملت نص عمره والحمد لله المكنة اظبطت بس بعد ما صرفت 1500 جنيه ده غير حرقة الدم

[matmm]

طب انا نازل السوق علشاان ابيع تنصحونى بأية