هل يمكن الاستغناء عن الادا؟

[didos]

المشاركة الأصلية كتبت بواسطة ايمن عبدالحميد ايوة بجد والله انا باخد رأيكم؟ وكمان بالنسبة للشاهين عربية مصنعها اتقفل وكرونتها بتون والدفرانس بتاعها ب 7000ج جديد مفيش استعمال ، والانوس مفيش حاجة كويسة اقل من 40000ج ومتشكر جدا لإهتمامكم ومتابع معاكم لغاية ما نوصل لحل

كرونة مين دى اللى ب7000 حضرتك بتهزر دى كرونة المرسيدس العيون ب 2000ج وبعدين تغيير ترسين كرونة الشاهين بحوالى 850 او دفرانس كامل جديد واستيراد بيلعب من 1500 لحد 2200 ولو الموضوع مقرف قوى ممكن كرونة البولونيز تركب ب 500ج او 700ج حسب الظروف ومعاك فى موضوع الكرونة بس مش زبالة للدرجة دى كل عربية وفيها عيوب واللانوس ممكن تجيب حاجة كويسة ب 30 بس تشوف موديل قديم شوية يكون تسعينات وحالته كويسة لان السعر ده يجيب موديل عالى وحالة وحشة و برضه زى ما الاخوة قاللو لو اللادا مريحاك وفاهمها كويس خليها معاك وظبطها انما لو حابب تغير شوف حاجة تانية مناسبة
وعلى فكرة اقتراح تانى لو العيلة 8 افراد هيحل كل المشاكل اشترى ميكروباص تمناية سوزوكى 7 راكب لو نضيف هايكون فى اوائل العشرينات و معاك مبلغ زيادة تظبط لو محتاج حاجة وكده ضربت شجرة عصافير بحجر
واسع 7 راكب
استهلاك بنزين كلام فارغ
قطع غيار مرمية
عفشة متينة

[mr_astra]

تصدق يا استاذ ايمن عبد الحميد انا هازعل منك

[ايمن عبدالحميد]

المشاركة الأصلية كتبت بواسطة mrastra تصدق يا استاذ ايمن عبد الحميد انا هازعل منك

يا احبائى : حقكم علية والله هى فكرة راودتنى بقوة ، ولكن فعلا ان اللى مربى قرد عارف خلتة ، دا انا عندى كل قطع غيارها والله فى البيت ، عموماً تبت وانبت واللى يفوتة الادا يفوتة النفع وشكراً لكل المشاركين

[mr_astra]

كويس لحقت نفسك .....كنا هانهدر دمك

[sad-bird]

المشاركة الأصلية كتبت بواسطة ايمن عبدالحميد يا احبائى : حقكم علية والله هى فكرة راودتنى بقوة ، ولكن فعلا ان اللى مربى قرد عارف خلتة ، دا انا عندى كل قطع غيارها والله فى البيت ، عموماً تبت وانبت واللى يفوتة الادا يفوتة النفع وشكراً لكل المشاركين

المشاركة الأصلية كتبت بواسطة mrastra كويس لحقت نفسك .....كنا هانهدر دمك

ربنا يديم المعروف بين رجالة مصر موتورز دايما