#1
|
|||
|
|||
![]()
اعضاء المنتدى الغالي
السلام عليكم ورحمة الله وبركاته وكل عام و انتم بخير بمناسبة عيد الاضحى المبارك حصلت معايا مشكلة امبارح كنت عاوز اخرج عن زحمة وسط البلد قلت اطلع الدائري وما ادراك ما الدائري مطبات غبية جدا وللأسف من الزحمة والسرعة في نفس الوقت كلت مطب بالعجلة الشمال من كتر ما المطب جامد حسيت ان فيه حاجة في العربية طقت بعدها كل ما ادوس بنزين اسمع زنة للموتور عالية قوي لدرجة انها بتسمع في الطابلوه وبعدين تروح مش عارف ايه اللي حصل بس خفت امشي بيها النهاردة وركنتها عند البيت لحد ما اعرف ايه اللي حصل لحسن تكون حاجة في الموتور او القواعد بتعته او شروخ حصلت مثلا لو حد عنه فكرة يا ريت يفيدني انا مش عارف هاقضي العيد من غيرها ازاي بجد مشكلة مخوفاني جدا خايف تدخلني في موتور ولا حاجة مع العلم ان السحب عادي يعني السرعة مش متأثرة انما في طلعة كل غيار زنة جاية من الموتور وبعدين تروح مع السرعة ارجو الرد السريع قبل العيد عشان الصنايعية اجازة |
#2
|
||||
|
||||
![]()
1-ممكن تكون قاعدة الفتيس اتكسرت فالحق غيرها عند ميكانيكي قبل ما يقفلوا وسعرها 60ج 2-ممكن يكون شداد الموتور الفوقاني اتكسر وسعره 30ج 3-بص علي ركب الميزان من تحت صدر العربيه ممكن تكون ركبه اتكسرت روح لسمكري يلحمهالك 20ج 4-بص علي العوكازين اللي جايين من صدر العربيه لبطن العربيه ممكن يكونو وقعوا او فكو خلي السمكري يركبهملك تاني ان شاء الله المشكله مش هتخرج بره اللي انا قولتو
__________________
![]() استفسر عن دهان سيارتك !!! اللهم لك الحمد كما ينبغي لجلال وجهك وعظيم سلطانك ورشة إيه آي أوتو بينت لسمكرة ودهان السيارات
|
#3
|
|||
|
|||
![]()
ربنا يبارك فيك يا استاذ ايمن وشكرا لردك السريع
انا بصيت امبارح على الشداد الفوقاني لاقيته كويس انما الحاجات التانية دي كلها معرفش لسة اهم حاجة متكنش حاجة في الموتور |
#4
|
||||
|
||||
![]()
لأ مفيش حاجه في الموتور انا حصلت معايا كذا مره ايام مكان معايا الــ 128 بس الحق دلوقتي تروح لأي ميكانيكي يشوفهالك علشان هيعيدوا من انهارده
__________________
![]() استفسر عن دهان سيارتك !!! اللهم لك الحمد كما ينبغي لجلال وجهك وعظيم سلطانك ورشة إيه آي أوتو بينت لسمكرة ودهان السيارات
|
#5
|
||||
|
||||
![]()
الله ينور عليك إن شاء الله مشهتخرج عن الحجات اللى أستاذ أيمن قالها دى
بس ياريت تلحق لأن الصنايعية عيدوا ومحطات البنزين هتقفل بدرى حاول تلحق وكمان تمون بنزين |
![]() |
|
|