مش عارف مش مرتايح للدبرياج

[tito mohmmed]

الانسر بومة 2007 منيوال طبعا
انا مرة لقيت دواسة دبرياج بتفصل فوق ورحت لميكانيكي وقالته ريح ظبط دواسة من تحت خاله تفصل تحت بس مش تحت قوي بس حاسس اني دواسة طول شوية لي فوق وحاسس اني دواسة خفيف او تقيله مش عارف والله حدد بس جيت مرة قولت اشوف حالة اسطوانة روحت عملت أمريكاني بس حاجة بسطية لقتها عملت معايا كويس بس
ياريت حد يساعدني

[AbOnOrA]

روح مركز خدمة محترم خلية يرجعلك الدواسة للفابريكا وعود نفسك عليه لان تغيير ظبطة الفابريكا غالبا ما يؤدى لوضع قيادة غير مريح او تاكل سريع للاسطوانة

[Acc.Sherif]

ابو نورة ارجوا منك الافادة فى اسعار لانسر كرستاله اتوماتيك تعمل كام دلوقتى ؟؟

[mijodian]

دواسة الدبرياج
الضغط الخاص بها ده حريه شخصيه تظبطه كما تشاء مش لازم يكون زي الفابريكة ممكن توطي الدبرياج وممكن تعليه يعني تخلي الفصل من تحت او من فوق ده برحتك جدا وحسب مزاجك
ومش فيها اي خطورة علي الاسطوانة ولا الديسك لان الفصل بيكون جيد جدا

المهم ان سلك الدبرياج ميكونش مشدود اوي لانه بيكون عامل عزم بيتاكل بسرعه
يعني ميكونش الدبرياج تحت رجلك ضغط زرار او جامد جدا لازم يكون متوسط
وفيه دائر الدبرياج في العربيه من قدام تقدر تظبطه بايدك في العربيات كلها
او روح لمكانيكي وعود نفسك تروح تسال وتقارن واختارلك واحد وكون زبونه وافهم منه واحده واحده وزهقه واساله عن كل حاجه

[حسام البورسعيدى]

المشاركة الأصلية كتبت بواسطة tito mohmmed انا مرة لقيت دواسة دبرياج بتفصل فوق ورحت لميكانيكي وقالته ريح ظبط دواسة من تحت خاله تفصل تحت بس مش تحت قوي بس حاسس اني دواسة طول شوية لي فوق وحاسس اني دواسة خفيف او تقيله مش عارف والله حدد بس جيت مرة قولت اشوف حالة اسطوانة روحت عملت أمريكاني بس حاجة بسطية لقتها عملت معايا كويس بس ياريت حد يساعدني

يا ريت يا باشا توضح كلامك شوية لان جزء كبير من كلامك مش مفهوم ...

اللى انا فهمته انك رحت لميكانيكة ووطيت الدبرياج شوية ..

طيب ايه بقى المشكلة حاليا .. هل الدواسة تقيلة معاك عن الاول ؟؟

عموما اعتقد ان الدبرياج عندك هيدروليكى (على زيت باكم يعنى مش على واير) ..

يبقى راجع على منسوب زيت الباكم واتاكد انه عند علامة max ...


وفى انتظار توضيح اكتر .....