يا جماعه اشغل الاوفر درايف ولا اسيبه مش شغال ارجو الرد للاهميه

[حسام البورسعيدى]

المشاركة الأصلية كتبت بواسطة فياتاوى بص ياباشا بإختصار شديد اوى بلاش منه احسن اولاً انت مش تستخدمه الا وانت مسافر على طريق مفتوح ومعندناش فى مصر طريق يعتبر مفتوح غير الصحراوى ربنا يكفينا ويكفيك شره تشغيلك للزرار دا هيوفر للبنزين لكن كمان مع دوستك على البنزين هتخلى العربية توصل لسرعة جنونية قد يصعب عليك التحكم فيها

معلش يا باشا لو تسمحلى الكلام ده مش دقيق ..

حضرتك كده كانك بتنصح واحد راكب مانيوال انه مينقلش ع الخامس خالص غير فى طرق مفتوحه زى الصحراوى

الاوفر درايف ده باختصار ده تحكم فى الفتيس ..

بمعنى ان فى المانيوال لو انا على طريق سفر وماشى ع الخامس وعاوز اتخطى مقطوره مثلا .. هقوم دايس دبرياج وجايب الرابع علشان العربية تسحب جامد وبعد ما اعدى انقل ع الخامس تانى .. صح ؟!!

الاتوماتيك بقى علشان اعمل كده زرار الاوفر درايف هو اللى هيفيدنى .. افصله (اللمبه تنور) الرابع يفصل ويشتغل التالت ...

جوا البلد والمشى العادى لو شغلت الاوفر درايف متهيألى تبوظ الفتيس ( تخليه يفوت ) وتحتاج تغير الفتيس ودى طبعاً مصيبة كبيرة اوى

كلام ملوش اى اساس من الصحة مع احترامى الشديد لحضرتك ..

الفكره ان الفتيس الاتوماتيك فى العربيات الحديثة نسبيا (من اول التسعينات مثلا) بتكون فتايس كهربا ..

بمعنى انها شغاله على كنترول بيقيس سرعة العربية وعدد لفات الموتور وقوه ضغط البنزين وعلى اساسه بيختار الغيار المناسب ..

لما نقفل الاوفر درايف او الغيار الرابع (واللمبه تنور) فى الزحمة الفتيس هيشتغل عادى خالص اول وتانى وتالت .. ولما ييجى معاد الرابع مش هينقل (وده زى ما قلت فوق سرعة 50) ..

بصيغة تانية زرار الاوفر درايف ملوش لازمة قبل سرعة 50 ومش هتحس باى فرق لو شغلته او طفيته ...

يا رب اكون قدرت اوضح كويس ..

[حسام البورسعيدى]

المشاركة الأصلية كتبت بواسطة sakrquraish سوأل هو لما اللمية تبقي شغالة خو كدة يبقي شغال و لا لأ

الغيار الرابع (over drive) شغال = اللمبه مطفيه

الغيار الرابع (over drive) مش شغال = اللمبه منوره

[فياتاوى]

والله ياجماعة انا بعتذر عن معلوماتى الخطأ انا كل كل غرضى اساعد العضو صاحب الموضوع
وبكل أسف مصدر معلوماتى واحد ميكانيكى هنا فى سمنود !!

كان نفسى اساعد العضو لكن جميل جداً ان الناس صححت لى المعلومة هنا شكرا استاذ احمد بدر واستاذ حسام البورسعيدى

ولما اشوف الميكانيكى الحمار دا هبقى افيده احسن مايبوظ دماغ ناس تانية كتير

[احمد على 1999]

المشاركة الأصلية كتبت بواسطة فياتاوى والله ياجماعة انا بعتذر عن معلوماتى الخطأ انا كل كل غرضى اساعد العضو صاحب الموضوع وبكل أسف مصدر معلوماتى واحد ميكانيكى هنا فى سمنود !! كان نفسى اساعد العضو لكن جميل جداً ان الناس صححت لى المعلومة هنا شكرا استاذ احمد بدر واستاذ حسام البورسعيدى ولما اشوف الميكانيكى الحمار دا هبقى افيده احسن مايبوظ دماغ ناس تانية كتير

باشا أحييك بشدة على روحك الطيبة
اصل كلمة أوفر درايف بتلخبط ناس كتير
بيفتكروا معناها القيادة الزائدة
لأ
المقصود بيها ان ترس الاوفر درايف صغير لدرجة ان rpm الماتور بيبقى اقل من rpm العجل
فانت بتدرايف حاجة سريعة بحاجة ابطأ
طبعا الكلام ده مش موجود فى المانيوال بس ترس الخامس يعتبر اقرب حاجة لترس الاوفر درايف
من الاخر الاوفر درايف يعنى rpm قليل و عزم قليل و قدرة على التسارع قليلة فى مقابل توفير البنزين و اطالة عمر الفتيس و الماتور

[jojojojojo]

ييعني يا باشا من الاخر اسيبه مفتوح علي طول وفي المطالع بس اطفيه ولا ايه انا مش فاهم حاجه