ايه قصة الأوفر درايف وفايدته ايه overdrive

[msi_msi2002]

السلام عليكم قبل ما أكتب الكلام المنقول للتعريف والحاجات اللذيذه تعالى نفهم الفكره ايه

عرفين العجله الى فيها بدال بكذا ترس - العجله العاديه الرياضيه الى كنا بنركبها زمان ايام الشباب

كان لما بتزود السرعه ممكن تنقل جنزير العكله للبدال الأصغر والأصغر فيزود السرعه على الرغم ان مجهودك ثابت
لأن الفكره ان لما دايره كبيره تحرك دايره تانيه كبيره بيبقى التحرك بنفس السرعه بس لو الدايره التانيه كانت اصغر هتعمل دورانات اكتر

المهم الفكره لو انت ماشى بسرعه عاليه فوق ال 65 وتقريبا ثابتا مفيش مطالع او منزل
- تستخدم ال over drive
فهينقل الجير على لفه تانيه وبالتالى سرعة الجير هتزيد
بس السرعه ثابته فينقص من سرعة الماتور علشان يخلى سرعة الجير ثابته
النتيجه سرعة الماتور قلت يعنى حرق البنزين للسرعه دى قل يعنى توفير بنزين

- ممكن تدوس بنزين فتزود سرعة الماتور فتزود الجير بس مش دى الفكره الى اتبنى عليها ال أوفر درايف
طيب هتقولوا نسيبه شغال يعنى على طول
بصوا لو هو من النوع الى بينقل اتوماتيك سبوه شغال وعند سرعه معينه هو هيدخل لوحده
بس اقفلوه فى المطالع والمنازل ولو السرعه طالعه نازله (فى الزحمه)
لو مانيول يبقى لازم تقفله وتفتحه
طيب تعرف اذاى سؤال بديهى انا -- معرفش اسئلوا التوكيل



أسبكم بقى مع الموضوع المنقول وأدعولى


السلام عليكم ورحمة الله وبركاته

سأطرح الموضوع بشكل مبسط وان شاء الله يجاوب على اسئلة مثل :

* ما هو النظام وما فائدته ؟
* كيف يتم تفعيله ؟
* متى اقوم بتفعيله ؟

=====

* ما هو النظام وما فائدته ؟

النظام يقوم بزيادة سرعة الدوران الداخلة للجير بوكس عند خروجها من الجير بوكس فتتحرك السيارة بأقل جهد لدورات المحرك عند المسير الثابت بسرعات متوسطة وعالية .

يعني سرعة دوران المحرك المنتقلة للجير بوكس عن طريق الفلايول ستزداد عند خروجها من الجير بوكس وبالتالي سنحصل على سرعة اكبر للعجلات وبالتالي السيارة .

طيب السؤال الان : لماذا لا نستخدم الاوفر درايف دائما بما انه مفيد ويعطي سرعة اعلى من سرعة المحرك ؟

الجواب : لانه لا يمكن استخدامه عند السرعات البطيئة لانه العزم فيه ضعيف جدا ، والعزم مهم في السرعات البطيئة لتحريك السيارة . ولذلك نحتاج الى نسب تخفيض للسرعات .


لذلك النظام لا يستخدم عند المنحدرات ولا المرتفعات ولا في حالات الكيك داون للتجاوز ( kick down ) ... هدف النظام عند القيادة الثابتة تقريبا ( مثلا على طريق خارجي ) على سرعات متوسطة وعالية بهدف توفير الوقود وعدم الضغط على المحرك .

* كيف يتم تفعيله ؟

كبسة ( زر ) تفعيل الاوفر درايف عادة تكون على الجير نفسه .
- عندما تكون الكبسة مضغوطة ( وضع on ) يكون النظام مفعّل وتختفي لمبة Over Drive Off
- عندما نكون الكبسة غير مضغوطة ( وضع off ) يكون النظام غير مفعل وتظهر لمبة Over Drive Off

( هذه الكلام في الاعلى بالنسبة لوضع on و off لاغلب السيارات على ما اظن )

الدائرة المبسطة كما في الصورة :

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 875x501 .



ملاحظات سريعة :

* الاوفر درايف هو سرعة منفصلة ( يعني لا هي ثالث ولا رابع ) .
* يتم تفعيل النظام عندما تصل درجة حرارة الماء ( سائل التبريد للمحرك ) الى 50 درجة ويتم التعرف على ذلك عن طريق حساس حرارة الماء او سائل التبريد .
* عند تفعيل النظام يتم تثبيت صمام يتحكم بالانتقال بين السرعة الثالثة والرابعة عن طريق الزيت .
* يتم تثبيت الصمام عن طريق امر من الكمبيوتر عند وصول درجة الحرارة للماء الى 50 ، هذا الامر يعطى لملف مغناطيسي ( سولينويد الاوفر درايف ) .

[Dr KeNaWy]

متابعين بشغف

[mainz]

الفكره واضحه بالنسبه لى لكن مش قادر استوعبها قوى هههههههههه مش مهم المهم دلوقتى هل الاوفر درايف ده كان نظام قديم وما زال معمول بيه فى السيارات الحديثه ؟ وما علاقه الاوفر درايف بمثبت السرعه ؟ ولو كان الغرض من الاوفر درايف توفير البنزين اكيد بمثبت السرعه بردو هنوفر بنزين ..ولا ايه ؟ والجير بوكس العادى او الاتوماتيك فى المنحدرات هنوفر بنزين برفع الضغط من على دواسه البنزين لو اتوماتيك ولو عاده هنمور المتور مع الاستعداد لبدال الفرامل وفى المطالع هنقلل الغيار علشان مجهود الماتور لانه محتاج مجهود عالى وعزم عالى وده فقط هنلاقيه فى الغيارات الصغيره زى الاول والتانى والتالت .
كده الى انا فهمته ان نظام الاوفر درايف مش مهم قوى للدرجه ديه ..مع العلم ان اى جيربوكس بيقوم بنفس العمليه تقريبا سواء عادى او اتوماتيك او نص اتوماتيك .
ولا انا فهمت غلط ولا ايه ؟
الف شكر على المجهود والموضوع المفيد

[hosar]

معلش انا برضة مش عارف افهم كويس الموضوع

[msi_msi2002]

شوف بالنسبة لمثبت السرعه ببساطه
لو انت دوست على البنزين ووصلت 100 وعلى الطريق السريع فممكن تشيل وتحط رجلك من على البنزين عشان توفر قيه وتفضل على سرعة 100
لو فى مثبت السرعه هيقوم بالموضوع بكل سهوله فهيوفر كتير من خلال ظبط كمية الحقن
لو فى تثبيت سرعه مع أوفر درايف هيبقى التوفير اكتر

بالنسبة للأوفر درايف ببساطه لو ماشى فوق ال 60 شغل الأوفر درايف واستهلاك البنزين هيقل طيب ليه
لأن الماتور هيحرك الجير بنفس السرعه المطلوبه بس بعدد لفات أقل أى استهلاك بنزين أقل
يعنى انت بتوفر جهد للماتور

طيب انت بتقول فى المنزل انا هرفع رجلى من على البنزين
تماما ولو الأوفر درايف شغال برده الجهد للماتور هيقل بغض النظر عن انت دايس ولا لأ
اتمنى تفهمنى الفكره توفير جهد الماتور سواء الجهد ده مبذول بسبب بنزين أو منزل

مبسوط بالمناقشه