تجربتى مع السبع بخصوص (الهزة) أو (الرعشة) والله حاجة تكسف!

[احمد على 1999]

المشاركة الأصلية كتبت بواسطة khaledtawab طيب يا باشا انا جربت بنفسى و فضلت دايس بنزين بنسبة ثابتة و الغيار على p والار بى ام بقى على 2 بردة الهزة كانت محسوسة اعتقد كدة مش ال IAC ؟؟ طيب باقى الحاجات دى اختبرها ازاى ؟ هل سهل خارج التوكيل؟

طبعا كده فعلا انت استبعدت ال IAC بالاختبار ده
و باقى الحاجات سهل اوى خارج التوكيل و فى مراكز بتوصل كومبيتر بمعظم اجزاء الماتور و تاخد قرائات اكثر من الاسكانر المخصص للسيارة و طبعا فى مهارات و خبرات يدوية مش محتاجة اجهزة للحكم يعنى مثلا اختبار سلك البوجيهات اسهل حاجة يتغير بواحد تانى مؤقتا للاختبار و ال EGR يتاكد انه مقفول على الاخر عن طريق الكشف عن حركته الطبيعية يدويا و العربية مبطلة و التاكد من خلو الحركة من اى معوقات و خراطيم الفيكم سهل يتفكوا و يختبروا يدويا بالنفخ للتاكد من عدم وجود تسريب و جوانات الثروتل بودى محتاجة واحد سمعه حلو يقرب منها و يحس بيها او التاكد من عزوم مسامير الربط (بس دى محتاجة واحد عنده كتاب الصيانة)

[mohamedkamel8677]

المشاركة الأصلية كتبت بواسطة khaledtawab طبعا انتو عارفين حكايتى علشان كدة مش هاطول النهاردة رحت السبع زهراء المعادى الصراحة منظمين جدا و بشوشين جدا ويحسسوك انهم مهتمين بيك و ايضا محترمين جدا و احسن حاجة عندهم انك ممكن تتفرج من الشرفة الزجاج على عربيتك وايضا اصروا انى اشرب قهوة ( مجانا) ... مهمة قوى دى! هما خدوا العربية و حطوها على السكانر .. و طبعا زى ما توقعت قالولى مفيهاش حاجة طبعا ماقتنعتش بالكلام و قلتلهم انا بقالى بسوق عربيات من اتناشر سنة والهزة دى مش طبيعية فدخلونى لمدير الورشة كشف عليها تانى ملقاش حاجة قلتله اكشفلى على الايدل كونترولر قالى لأ لأن لو فيه حاجة كان بانت على السكانر قلتلهم ادونى ورقة بان بالكشف على السيارة لا يوجد شىء مرضيوش وودعنى المهندس بابتسامة عريضة و سلم على بحرارة قولولى بقى اعمل ايه؟؟ اروح مركز تانى؟؟؟ انا اتخنقت جدا هل ممكن العيب يكون الايدل و ميبانش على السكانر؟ هل ممكن يكون كونترول المحرك هو المشكلة؟ نسيت اقوللكو انى رحت للميكانيكى بتاعى المحترم و غيرت البوجيهات و انا مروح فى السكة بس ولا كأنك عملت حاجة تماما العيب هو هو وقاللى انه شاكك ان فى رشاش بيبخ بنزين زيادة؟؟؟ ايه رايكو فى الكلام دة؟؟؟؟؟ هل لو رحت حماية المستهلك هايقتنعوا بكلامى ولا هايقولولى مافيهاش حاجة برضه؟ اه ..بالنسبة لترشيح الزيت المهندس حلفلى انه طبيعى و انه مش زيت و كل العربيات الجديدة لو بصيت عليها هاتلاقيها كدة ماشى يا سيدى طيب و الرعشة؟ انا تعبت وزهقت

لازم تبلغ فى جهاز حماية المستهلك عشان لما بتكشف على العربية لازم تاخد تقرير نتيجة الفحص سواء فيها او مفيهاش اعطال .. متسبش حقك عشان كل واحد فى مراكز الصيانة بيحلل و يحرم على مزاجة و الظاهر ان المهندس مش واثق فى قدراتة و معتمد على الكمبيوتر فقط مع ان العطل اللى عندك دة ممكن يكون بسبب اجزاء ميكانيكية او عفشة مثلا و دى حاجات مش عاوزة اسكانر

[Dr.Khaled Youssef]

المشاركة الأصلية كتبت بواسطة احمد على 1999 طبعا كده فعلا انت استبعدت ال IAC بالاختبار ده و باقى الحاجات سهل اوى خارج التوكيل و فى مراكز بتوصل كومبيتر بمعظم اجزاء الماتور و تاخد قرائات اكثر من الاسكانر المخصص للسيارة و طبعا فى مهارات و خبرات يدوية مش محتاجة اجهزة للحكم يعنى مثلا اختبار سلك البوجيهات اسهل حاجة يتغير بواحد تانى مؤقتا للاختبار و ال EGR يتاكد انه مقفول على الاخر عن طريق الكشف عن حركته الطبيعية يدويا و العربية مبطلة و التاكد من خلو الحركة من اى معوقات و خراطيم الفيكم سهل يتفكوا و يختبروا يدويا بالنفخ للتاكد من عدم وجود تسريب و جوانات الثروتل بودى محتاجة واحد سمعه حلو يقرب منها و يحس بيها او التاكد من عزوم مسامير الربط (بس دى محتاجة واحد عنده كتاب الصيانة)

معالى الباشا اللى كلامه من دهب
ايه رايك انا رحت لميكانيكى و قاللى الرعشة طالما منتظمة كدة يبقى رشاش بيبخ بنزين زيادة
انا غيرت البوجيهات للعلم
ايه رايك ؟
ممكن يكون كلامه صح؟
و ازاى اتاكد؟

[احمد على 1999]

المشاركة الأصلية كتبت بواسطة khaledtawab معالى الباشا اللى كلامه من دهب ايه رايك انا رحت لميكانيكى و قاللى الرعشة طالما منتظمة كدة يبقى رشاش بيبخ بنزين زيادة انا غيرت البوجيهات للعلم ايه رايك ؟ ممكن يكون كلامه صح؟ و ازاى اتاكد؟

حضرتك انا رايى المتواضع ان الحاجات البسيطة التى طريقة الكشف عليها او حتى تغيرها لغرض الاختبار لا ضرر من فعلها خارج التوكيل زى ما حضرتك عملت فى البوجيهات مثلا بس لعب فى رشاشات يبقى يستحسن فى التوكيل زى ما نصح الاستاذ محمد كامل فى مشاركته الى قبل مشاركتك الاخيرة
و ممكن يكون كلام الميكانيكى صح او العكس صح (يعنى رشاش ضعيف) و للتاكد يا إما للاسف من خلال التوكيل و اذا كان لا بد بره التوكيل فبيبقى فيه مراكز متخصصة و محترمة جدا للكشف على الرشاشات
و ممكن البدىء بحاجة مش حتضر و لا تؤثر على الضمان زى منظف رشاشات يضاف على تانك البنزين و يفضل منتج امريكى من اى محطة موبيل او شيل او امارات

[Dr.Khaled Youssef]

المشاركة الأصلية كتبت بواسطة احمد على 1999 على فكرة الرعشة دى ممكن تبقى بسبب حاجات السكانر ميقدرش يشوفها على سبيل المثال : 1- اى تنفيث هواء من جسم و جوانات الثروتل بودى 2- تنفيث هواء من احد خراطيم الفييكم المتصلة بالثروتل بودى 3- عدم احكام غلق صمام ال egr 4- ضعف احد سلوك البوجيهات 5- اى عوائق ( اوساخ ) فى مجرى صمام ال IAC (انا عارف ان العربية جديدة) و بالنسبة لصمام ال IAC فوظيفته مستمرة حتى و السيارة متحركة لان لما بتشيل رجلك من على البنزين حتى لو ماشى على 180 كم /س الحاجة الوحيدة الى حتنظم دخول الهواء هو ال IAC و فى العربيات المانيوال لحظة الانتقال بين الغيارات (الفتيس) طبعا السائق بيرفع رجله من على دواسة البنزين علشان ينقل فال ال IAC هو الى بيحلفظ على دخول الهواء فى اللحظة دى

سؤال يا باشا
اى من هذه الاسباب يسبب زيادة الرعشة مع التكييف؟