العلاقة و الفرق بين التين الشوكي و الجريفروت و العثة........1000%....... ..........أنت مين فيهم

[Tota El Masry]

ثواني بس قبل ما تفتكره موضوع عن الفواكه أو الطبيخ أو ألغاز ذكاء و تطالب بوضعه في قسم المطبخ و لا في حضانة الموقع

أنزل معايا خمس ست سطور و لو كلامي مش عاجبك شرفتني بمجرد مرورك يا سيدي و حتشرفني دائماً كل وقت

الإيمان ما وقر في القلب و صدقه العمل و مع الاجتهاد في توافق المظهر و الجوهر فقط علشان ما تبقاش زي التين الشوكي عسل بس براك طن شوك اي حد يقرب منك من غير ما يكون مسلح يتشوي اللهم احفظنا
و العكس بدل ما تبقى الجريفروت شكلها و ريحتها تجنن بس من جوا علقم بعيد عنك و لو إنها مفيدة
أفكرك بكلام ما في بعده كلام - كلام سيد الأنام و مسك الختام
عَنْ أَبِي مُوسَى الْأَشْعَرِيِّ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: (مَثَلُ الْمُؤْمِنِ الَّذِي يَقْرَأُ الْقُرْآنَ كَمَثَلِ الأُتْرُجَّةِ؛ رِيحُهَا طَيِّبٌ وَطَعْمُهَا طَيِّبٌ, وَمَثَلُ الْمُؤْمِنِ الَّذِي لَا يَقْرَأُ الْقُرْآنَ؛ كَمَثَلِ التَّمْرَةِ لَا رِيحَ لَهَا وَطَعْمُهَا حُلْوٌ, وَمَثَلُ الْمُنَافِقِ الَّذِي يَقْرَأُ الْقُرْآنَ مَثَلُ الرَّيْحَانَةِ؛ رِيحُهَا طَيِّبٌ وَطَعْمُهَا مُرٌّ, وَمَثَلُ الْمُنَافِقِ الَّذِي لَا يَقْرَأُ الْقُرْآنَ كَمَثَلِ الْحَنْظَلَةِ لَيْسَ لَهَا رِيحٌ وَطَعْمُهَا مُرٌّ)


هاه ناوي تبقى إيه؟؟؟
رد على نفسك بينك و بين نفسك

و أختار تكون بين الناس إزاي
زي التفاحة طعم و رائحة و فائدة
و لا التمرة طعم و فائدة بدون رائحة
و لا وردة أو ريحانة رائحة و مرارة
و لا حنظلة مرارة و لا رائحة و لا شكل و لا فائدة غير تطفيش العثة
و تقابل ربنا إزاي
و تنفع الناس نفع تام و لا ؟؟؟؟؟؟؟؟؟؟؟؟؟؟

و في رمضان خليك فاكر الآية الكريمة:(يَا أَيُّهَا الَّذِينَ آمَنُواْ لاَ تُبْطِلُواْ صَدَقَاتِكُم بِالْمَنِّ وَالأَذَى كَالَّذِي يُنفِقُ مَالَهُ رِئَاء النَّاسِ وَلاَ يُؤْمِنُ بِاللَّهِ وَالْيَوْمِ الآخِرِ فَمَثَلُهُ كَمَثَلِ صَفْوَانٍ عَلَيْهِ تُرَابٌ فَأَصَابَهُ وَابِلٌ فَتَرَكَهُ صَلْدًا لاَّ يَقْدِرُونَ عَلَى شَيْءٍ مِّمَّا كَسَبُواْ وَاللَّهُ لاَ يَهْدِي الْقَوْمَ الْكَافِرِينَ) البقرة 264
و يا سلام لو سلم الناس منك بقية السنة حتى لو من غير صدقة و لا منفعة تبقى مسلم عن حق

((المسلم من سلم المسلمون من لسانه و يده))
((ليس المؤمن بالطعان ولا باللعان ولا الفاحش ولا البذيء))

الله عليك 1000%

اسيبك لصلاة الفجر تقبل الله مقدماً صلاتك و صيامك
عقبال صلاتك في الحرم و المسجد النبوي و المسجد الأقصى

و على فكرة أنا لا بوعظ و لا داعية إسلامية - و لو إنه شرف ما بعده شرف - لكن بساعد نفسي بإني بذكرها و بذاكر لها معاكم لمحات بسيطة ممكن تفكرك بحاجة الشيطان نساهالك في زحمة الدنيا

[Tota El Masry]

يعني يتسب صاحبك...أخوك...حبيبك
و لا جارك
و لا واحد معرفة
ولا حتى عابر سبيل
يلبس الحيط بوصفة غلط
و لما يشتكي تقول له
أنت إللي (عفوا) حمار حد قالك تسمع كلامي
مافكش عنين
مش بتميز
و تقف تضحك عليه و تضحك الناس
و لا تعمل مقلب علشان تضحك لمجرد التسلية
و لا علشان تعطل زميلك في الشغل و تترقى أنت

تبقى حضرتك إيه بقى

ربنا يرحمك
عملت غيار الـ R و رجعت باقصى سرعة للخلف في ملف من غير ما تلف الدركسيون خالص
يعني متعمد الانتحار و خذت في وشك كام بريء
ربنا يرحمهم و يرحمك

طيب أنت كده؟؟؟؟؟؟؟؟؟؟؟
تمام
حنظلة
حقربهالك
فاكرين فيلم فجر الإسلام
لما كان محمود مرسي كل ما يقرب من خادمه يقوله ما هذه الرائحة يا حنظلة ألا تستحم يا رجل(يعني مش بتبطل أذي يا كائن)
لحد ما أسلم
رائحته راحت و سيده أتأكد من إسلامه لما منعه يحرق المسجد بإن رائحته النتنة راحت(يعني الناس سلمت منه)

طيب
الله عليك
ناوي تعمل ستوب
دبرياج و فرامل و تمور N و تستنى معايا حبة
ربنا يخليك
بص بقى على التعليق الجاي

[Tota El Masry]

يعني تعرف معلومة و تخبث و تقول مش فاكر مش عارف
لحد ما صاحبك يقع في الفخ و يجي يعيط تقوله
مش قلتلك و تطلع الواد المفتح
و تقوله تعالى بقى لما أعلمك تبقى
ريحانة...لأ وردة بشوك ....رائحة حلوة بعد جرد باليدين و نزف دم.......و مرارة

شكراً أنت كده بدأت الطريق العكسي
من فضلم غير للـ R و ارجع بالسلامة و كمل معايا كمان حبة لو ناوي تنجح في امتحان المرور و تاخد رخصة التعامل الراقي حتى بين اي ناس في اي ملة أو دين و خليك فاكر دينك دخل دول الشرق الأقصى عن طريق سلوكيات التجار المسلمين قبل فتح الإسلام ليها و استمر و حيستمر بأمر الله فيها ليوم الدين زي ماليزيا و بروناي)

أكمل تعليقات
طيب استحملني كمان تعليق واحد

[Tota El Masry]

أما لو شفت واحد معرفة أو غريب أو عابر سبيل يا سيدي حيقع في حفرة
حد ربنا يهديه مركبله ذيل ورق و هو نايم و قومه مفزوع نزله الشارع علشان الناس تضحك عليه و الكل واقف يضحك و ماحدش قادر يمسك نفسه من الضحك و حتى إللي بيمسك مفسه بيمشي أو بيمشي بعد ما بيصوره بالمحمول و ينزلها يوتيوب أو لو بيحب الحصريات حينزلها على الجروب بتاع الشغل بس بتاع 5000مشترك بس حيشوفوها
و لو مش فاضي حيفرج عليها كل العيلة و الجيران

طيب فين القوة
القوي من يملك نفسه عند الغضب و يعرف يحكم ضحكه علشان ما يحرجش أخوه
و يقرب و يقوله
يا استاذ معلش بس فيه حاجلة لصقت في هدومك غلط شيلها أو يقرب يشيلهاله

زي ما تشوف واحدة الجيب مرفوعة و لا مفتوحة (نظرة واحدة بس خليك فاكر و بالصدفة مش النظرة الأولي إللي ليك توصلها لحد باب بيتهم في الشلالات)تقول لأختك روحي نبهيها(و بالمرة أختك تعرف قد ربنا أكرمها بأخ لازم تفتخر بيه و برجولته و نخوته في الغيرة على الغريبة ما بالها بالقريبة ساعتها تبقى خاتم في أيدك و تديك القوامة عليها و تساعدك على حل مشاكلك مع أهل بيتك لا قدر الله أو ترشدك للزوجة الصالحة من البداية-ماهي عرفت طبعك و عاوزة تكرمك زي ما اكرمتها و صنتها لحد ما أخذها جواهرجي يستاهلها)
والله لو مش قاصدة - و ده أغلب الظن بأمر الله - تبقى كسبت ثواب
لو قاصدة - احتمال تستحي - و مع تكرار الموقف من ناس كثير حتبطل لوحدها لإن شكلها بقى وحش موت
لو قاصدة - ربنا يهديها و عندها كبر و العياذ بالله - تبقى عملت إللي عليك و آديك أنت و أختك عرفتها علم عليها و ابعد عنها و أدعيلها بالهداية

الله عليك غيه الجمال ده ده أنت كده تمرة بجد
نسمة
مفيدة و ثوابها عند الله كبير

100% زي الفل و فتحت على الثاني ماشاء الله عليك

طيب تفتح على الرابع بقى

تعالى معايا

[Tota El Masry]

- يعني لما قبل ما تحصل مشكلة لأخوك و لا زميلك تنبهه
- يعني لما تلاقيه وقع فعلاً مش تنفخ بقى في النار لأ تحاول تصلح الغلطة لحد ما ربنا يكرمه و ترد غيبته و الغيب حجته معاه
- يعني تعلم الخير و ترميه البحر(والله و عن تجربة إن عمت يحرسك بامر الله و إن غرقت ينجيك إلا ماشاء الله)
- يعني تتبرع من وقتك و تذاكر لزميلك في الشغل علشان ياخد مؤهل جامعي و يوسي حالته بلاش يا سيدي فلوسك و لو إنها صعبة إلا على من رحم ربي أو تديله كتبك بتاعت الكلية يذاكر فيها
- يعني تنصحه لوجه الله طالما إنه مش بياذيك قصاد كل خدمة أو نصيحة و ياخد المعلومة و ينسبها لنفسه(صعبة حبتين لو حد عمل معاك كده صح) و لو حتى باع و اشترى على حسك مسيره مش حيلاقي حد يسرق افكاره و حيحصله إفلاس و ينكشف ثم إنك منتظر أجرك من ربنا و الدين النصيحة
- يعني تنقي اجمل هدوم سليمة عندك و تديها لحد محتاج أو مسكين (خللي بالك المسكين من يملك لكن ليس لديه ما يكفيه و راجع تفسير سورة الكهف لصحاب السفينة-كانت لمساكين يعملون بالبحر) و تقول له يا سيدي حظك حلو و أنا بشتري لنفسي عجبوني و كنت اقل و لا اكثر من كده في الوزن و قعدوا في الدولاب و طلعوا من قسمتك تعالى نتوؤم في العيد أنا و أنت
- يعني لما تلاقي عندك بواقي أدوية صالحة للإستخدام ترجعها للصيدلي يديها لحد فقير أو يدلك على حد تكفل جزء من علاجه معاك(بذمتك صيدلية الطوارء عندك بتيجي ناحيتها كام مرة في السنة ممكن أغلب إللي فيها صلاحيته ينتهي و صلاحية الخير عندك تنتهي و أنت خايف يحصل ظرف طارق"توكل على الله مش حيجيلك طاريء" و طلع أي دواء باقي عليه من 6-3 شهور و مش محتاج له تاني
- يعني لما توفر كوباية من خرين البيت من النواشف كل اسبوع و لا أسبوعين مرة (دقيق - سكر- علبة شاي 50جم - بقية زجاجة الزيت - علبة سلامون - مغلف حلاوة بار -.......) و تديها لأسرة محتاجة و لعب أولادك القديمة السليمة (و لو إني اشك ربنا يهديك الولاد) و كتبهم الدراسية القديمة و اي حاجة حالتها جيدة حتكون صدقة عن الشخص و الشيء إللي زكيت عنه لأن خللي بالك ابواب الخير مش حتستناك و زكاتك ممكن المحتاج يستغني عنها بكرة من فضل الله و باب العمل الصالح يخلص و الحسنات إللي يذهبن السيئات رصيدهم مش حيزيد ربنا يعافينا
- يعني مش حطول عليك الخير مش حتغلط فيه عنيك و علشان تلحق تقوم تفكر ممكن تعمل إيه خير النهاردة أو تخطط للخير (لأن الخير مشروع كل ما تديه يديك و أكثر)

تبقى أنت كده تفاحة 500%
لأ
أنا طمعان في وجه الله و عاوز ابقى 1000% إللي قلتي عليها

يبقى يا حلو
تدل على فعل الخير كمان

هيص يا عم
بضربة واحدة ممكن توصل 500 X ضعف 70 والله يضاعف لمن يشاء يعني تبقى شجرة...لأ قول جنينة تفاح
يعني زي ما قلتلك في الأول 1000% و زيادة يعني رخصة دولية بجدارة من غير نادي السيارات

و يا سلام لو معاهم حبتين صدق نوايا

يا عم ده رخصة كونية من ربنا سبحانه و تعالى طول ما أنت في معيته
ربنا يصلح حالك و يدمها علينا نعمة قول آمين