ملايين الدورى وتاثيرها على الثورة

[Bendary]

حد نفسه يتفرج على كورة ؟!!!!!!!!!
بعد الاعتصامات والوقفات ودم الشهداء من اجل الحرية والعدل

انا شخصيا ماليش نفس اقرا ولا اسمع ولا اتفرج على اى حاجه ليها علاقه بالكورة او الفن .
ازاى اتفرج على فنان بيعمل اعلان وياخد فيه 20 مليون ج
ازاى اشجع فريق مدربه بيقبض فى الشهر مايعادل فتح بيت الف مواطن مصرى
ازاى اشجع لاعب بيقبض كام مليون عشان جاب الدورى ولا الكاس ؟

ممكن حد يقولى ما العائد على اقتصادنا او دخل المواطن فينا لما اخدنا كاس افريقيا 3 مرات
ماذا استفاد اى شاب مصرى لما مذيع او ممثل او مطرب ياخد جايزة معرفش ايه العالمية
ايه اللى كسبناه لما 60 مسلسل فى رمضان يتباعوا للفضائيات والعائد فى جيب ولاد التيييييييييييييييييييت .

كفاية بقى
لازم الناس دى تحس بينا
تحس كام شاب عاوز يتجوز ومش لاقى اوضتين وصاله وهمه بدل الفيلا اتنين وتلاته بل قصور
لازم يحسوا كام اب نفسه يعلم ولاده فى مدارس محترمه لكن الظروف لا تسمح
كام واحد فى بيته مريض او مريضه ومش قادر على تكاليف العلاج

هيحصل ا يه يعنى لو لغينا الدورى ولا بطلنا نعمل افلام ومسلسلات رمضان .

لازم يتحط سقف لمرتبات العالم دول : من اول جوزيه وحسن شحاته وحسام حسن وابوتريكه وعبدربه وشيكابالا لغاية عادل امام ويسرا والهام شاهين .وغيرهم وغيرهم .......

كل يوم بنسمع على ملايين ومليارات اتسرقت من الشعب الغلبان ده .

أتصور انه لازم يطلع قرار بتحديد سقف لمرتب اى مدرب او لاعب كرة واللى مش عاجبه يمشى
اعتقد ان البلد محتاجه شغل مش كورة وفن .

[عبد الله الناصح]

المشاركة الأصلية كتبت بواسطة Bendary هيحصل ا يه يعنى لو لغينا الدورى ولا بطلنا نعمل افلام ومسلسلات رمضان .

لا لن يحدث شىء ...بالعكس راحة بال رهيبة....الواحد أصلا مش طايق يسمع سيرتهم فكيف يشجعهم ويضحك علي نكتهم البايخة زيهم....؟؟؟

[MIDO-SPICY]

[miam0502788391]

انا من رأى ان الدولة تشيل ايديها من دعم الرياضه
كما يقول المثل اللى يحتاجه البيت يحرم على الجامع
ومش معقول نكون دولة نامية فقيرة وندعم الرياضة اكثر من دولة زى المانيا
الدول الكبرى بتعتبر الرياضه صناعة يعنى فلوس تجيب فلوس مش ترمى فلوس على الأرض لأغراض سياسية والهاء الشعب عن قضايا اخرى

[د.كمال]

ياريتهم حتى بيلعبوا كوره كلهم فشلوا بره البلد .