تانى مشكلة فى اللانوس 2011 فى اقل من اسبوع

[ادهم امى]

المشاركة الأصلية كتبت بواسطة dr_maged من اسبوع كان فى مشكلة عندى فى مؤشر البنزين اللى كتبتها فى الموضوع دا http://www.masrmotors.com/vb/showthread.php?t=42966 وروحت وحلتها الحمد لله ومن يومين ظهرت مشكلة تانية وهيا صوت طقطقة وانا ماشى على السرعات العالية وطلعت من الباب زى ما قال المهندس اللى جرب العربية وانا معاه وقالى كدة اتحلت اللى حصل بقى وانا فى التوكيل النهار دة ركب معايا مهندس عشان يشوف صوت الطقطقة ولما قالى انة مش من العفشة بس فى صوت تانى قال انه سامعة ولما نرجع يبص عليه : رجعنا للتوكيل رفعوا العربية انا طبعا مش عارف هوه سمع اية لأن خبرتى فى العربيات من 7 شهور بس ومكنتش سامع حاجة يبص هنا وهنا هوه و2 ميكانيكية المهم قالى هنغير علبة البيئة هيا بتعمل زنة فى الشكمان قلتلة غير انت اللى سمعت وانت اللى كشفت غيرها وقالى يلا نجرب قالى لأ الصوت لسة موجود ارفع العربية تانى وركب جوه المهندس علشان يدورها وهيا مرفوعة ويبص الميكانيكى من تحت !!!!! فضل الميكانيكى يربط فى مسامير والمهندس متشعلق فى العربية وبيسمع وهيا دايرة لحد ما جه فى حتة وقال ايوة الصوت هنا زاد قال طب وكدة قال ايوة قل شوية.... وكدة لا زاد .....وكدة لا احسن .....طيب احسن ولا راح خالص قالة مرحش خالص وفضل يربط مسامير وبتاع وفى الاخر المهندس قالة كدة احسن نزل قلتلة اية بقى اللى كنت بتربطة دا قالى دا قاعدة المتور قلتلة طيب وكدة اية النظام قالى كدة كويسة ان شاء الله بس تعالى بعد يومين على السبت يعنى اظن ان دى استشارة يشوف العلاج نفع ولا التدخل الجراحى بقى لا مفر منه معلش انا بكلمكم بالطب بحكم المهنة يلا الحمد لله على كل شئ وربنا يسترها بقى

ملحوظة :
لو الطقطقة بتروح مع دوسة الفرملة يبقى دى صاجة دشمة الفرملة أو التنبورة مش مظبوطة أو مسمار العجل او الكبلن او التيل و دى كلها صيانة سهلة
لو غير كدة ممكن يكون العيب فى ترس السرعة الخاص بالسرعة اللى بيحصل فيها وربنا يستر من الإحتمال دة
و لو أمكن ممكن حضرتك تتصل بيا أفهم منك أكتر و يمكن أفيدك بإذن الله.
رقمى 0166774042

[ادهم امى]

المشاركة الأصلية كتبت بواسطة dr_maged ايوة فعلا العيب مش فى الاسم العيب فى التقفيل والضمير هنا فى مصر يا استاذ سمير واحد صاحبى جايب عربية نيسان صنى اللى واحد حلمة يركبها العربية اللى العالم كله بيحترمها بس اية بقى بقت تقفيل مصر الكرسى بتاعها اتكسر وجير بوكس وديسك باظوا !!!!!!!!!!!!!!!!!! العربية معدتش بترجع لورا راح التوكيل يقولوا مفيش القطع دى موجودة دلوقتى طب ده اسمة كلام يروح يشتريهم من الشارع يعنى علشان يصلحوها

فعلا حصلت مع واحد اعرفة و مع ان العيب جاى فى فتيس العربية الا انهم قلولوا لازم تغير الفتيس كلة و لما سألهم على سعرة قالولة 35000 جنية طبعاً تخيلوا اية اللى حصلة

[lol64]

ادى اللى الواحد بيخاف منه فى التقفيل المصرى
ربنا يستر علينا بجد

[mero100]

ممكن تقولناا مكان االتوكيل الكويس للانوس االلي انت رحته ؟