اي مساعده في الاكسارا انا جاهز

[mahmoudfs]

المشاركة الأصلية كتبت بواسطة maroguidehouse شكرآ للرد ممكن اعرف مواصفات و كماليات السياره هل بها فرامل abs و سؤالي خاص باكسارا 2 موديل 2002 مانيوال شكرآ

اخي العزيز اعلى موصفات الاكسارا 2 اكسلسفي. فيها كل الاضفات.
تحكم في الفرمله بسرعات انته تحددها سرعه ثابته للسفر سنسورات خلفي و امامي abs . الخ...
تحياتي

[amrmaismail]

السلام عليكم استاذ محمود
ليا استفسار في اكسارا ١ مو ٢٠٠١ لو تكرمت
السكاترا بتسرب زيت باور ولما رحت للميكانيكي قاللي نغير السكاترا افضل شىء لان التصليح فيها مش هيجيب نتيجه فهل الكلام ده مضبوط ولا ممكن تكون محتاجه تربيط أو جوانات ؟

السؤال الثاني ان الموتور عندي بينقص منه الزيت ( بينقص حوالي ١ لتر في ال٥٠٠٠ كم ) والموضوع ده ماحدش عارفله سبب اخر حاجه رحت التوكيل حطوها عالجهاز وقالولي موتورها مافيهوش حاجه كمان مافيش تسريب زيت من أي مكان ومش بتطلع اي دخان وسحب الماكينه زي الفل بس واحد من الميكانيكيه قاللي ممكن تكون بتحرق زيت ومش بطلع دخان لان علبة البيئه بتفلتره فغير جوان وش السلندر وانا مش عارف كلامه صح ولا غلط ومش عايزه يفتح الموتور ومحتار ليه الزيت بينقص وارجو يكون عندك رد والعربيه عامله لغاية دلوقتي ٢٤٠ الف كم

[mahmoudfs]

المشاركة الأصلية كتبت بواسطة amrmaismail السلام عليكم استاذ محمود ليا استفسار في اكسارا ١ مو ٢٠٠١ لو تكرمت السكاترا بتسرب زيت باور ولما رحت للميكانيكي قاللي نغير السكاترا افضل شىء لان التصليح فيها مش هيجيب نتيجه فهل الكلام ده مضبوط ولا ممكن تكون محتاجه تربيط أو جوانات ؟ السؤال الثاني ان الموتور عندي بينقص منه الزيت ( بينقص حوالي ١ لتر في ال٥٠٠٠ كم ) والموضوع ده ماحدش عارفله سبب اخر حاجه رحت التوكيل حطوها عالجهاز وقالولي موتورها مافيهوش حاجه كمان مافيش تسريب زيت من أي مكان ومش بتطلع اي دخان وسحب الماكينه زي الفل بس واحد من الميكانيكيه قاللي ممكن تكون بتحرق زيت ومش بطلع دخان لان علبة البيئه بتفلتره فغير جوان وش السلندر وانا مش عارف كلامه صح ولا غلط ومش عايزه يفتح الموتور ومحتار ليه الزيت بينقص وارجو يكون عندك رد والعربيه عامله لغاية دلوقتي ٢٤٠ الف كم

هلا بيك اخي الغالي
الموضوع الاول انا مش فاهم عليك ..اذا ممكن صوره او اسم القطعه .<<<السكاترا>>
اما نقص الزيت في المحرك ولا يوجد عندك تسريب زيت .
تكون المشكله من نفس نوع الزيت المستخدم عندك يوجد به نسبه تبخر ناتجه عن الحراره.

[romuoo123]

انا معروض عليا اكسارا 1 موديل 2002 و حالتها كويسه ظاهريا و عايز اعرف اكشف عليها فين و سعرها يكون فى رينج كام و كمان يا ريت سعر الزجاج الامامى عشان مشروخ

[ahmedromance]

المشاركة الأصلية كتبت بواسطة romuoo123 انا معروض عليا اكسارا 1 موديل 2002 و حالتها كويسه ظاهريا و عايز اعرف اكشف عليها فين و سعرها يكون فى رينج كام و كمان يا ريت سعر الزجاج الامامى عشان مشروخ

تعمل 33-36 الف حسب حالتها والزجاج الامامي ثمنه 345 جنيه